رحلتنا لمراكش 18 فبراير

سلام تعظيم للجميع في البداية

وصلنا لمراكش مساء الجمعة 18 فبراير . نزلنا في فيلا على ما قالوا حدا قصر الشيخ بندر و كان مقابلنا مطعم او ريزورت للحين مدري وشهو .. اسمه بالاس شي الله اعلم ماني فاكر خخخخخ.

الفيلا كانت ستة غرف على عددنا ، كان فيها مسبح و حديقة. ايجارها كان 4500 درهم.
جلسنا فيها خمسة ايام. طبعا نظراً لانو رجعوا من القروب اربعة بقينا ثلاثة انا وخويي و ابليس فانتقلنا للنخيل بوابة 10 أول شي. كان ايجار الشقة 1200 درهم. بس في البداية قروشونا او بهدلونا الأمن على الصوت و الدخلة و الطلعة .يقولك كان فيه واحد من أهل البلد شاري شقة تحتنا و ازعجناه. فاضطرينا بعد يومين مشاكل انو ننتقل لبوابة واحد و فوجئنا بأن الشقة كانت أبرح و أحلى بنفس الإيجار ، الله يجزاها خير بنت حلال شافت لنا اياها.

طبعا أول خمسة ايام كانت معانا سيارة ابيكا من غير سواق ايجارها كان 700 درهم

و في الاربعة الايام الاخيرة كان معانا سيارة صغير اسمها قلي او شي من هذا القبيل مع سواق كان ايجارها 550 درهم.

لمن كنا قروب في البداية كانت ميزانيتنا حلوة، لكن زي ما قلتلكم يوم بقينا ثلاثة انا وخويي و ابليس صرنا نسهر كل ليلة برا ، و صرنا نجلس في الفي آي بي و دلعنا انفسنا. اكتشفنا ان الميزانية فرطت

كانت السهرة تكلفنا في الياسمين في الليلة 6500 درهم تقريبا. سهرنا مرتين هناك

و مرتين سهرنا في وناسة. كان فيها مغني خطير اسمه عيسى يا لبى قلبه.

اجمالاً كانت الرحلة زي الحلم الجميل اللي ما ودك تصحى منه. وصلنا الجمعة 18 فبراير و رجعنا الأحد مدري كان 26 او 27 فبراير.

فيه رحلة ثانية ان شالله بداية مايو. رح نكون برضو قروب من ستة اشخاص. نبغى فلة. فيه عندنا اكثر من خيار بأسعار تتراوح من 3500 إلى 4500. فلل بمسابح و حديقة.

أتمنى من الاخوان اللي يقدر يخدمنا في موضوع السكن يتواصل معايا. عشان نفكر براحتنا و نقرر من بدري.

يعطيكم العافية السعودية

و انتظر تواصلكم

حمدلله على سلامتك عزيزي

ابيكا ب 700 درهم والله يا الغالي غااليه مره

خبرنا عن تفاصيل رحلتك اكثر يا الغالي بنتظارك

المفروض كم ايجارها ؟

شكرا على التقرير الخفيف

شكرا لكم جميعا

واللهي انا كان في حاجة بتوجعني بس مدري وشهي.

طيب يا اخوان شوفولنا واحد يأجر سيارات بالأسعار اللي تتكلمو عنها ، بحيث نستلم في مطار كازا و نسلم في مطار كازا.

و بانتظار السكن.

و بالنسبة للتقرير المختصر ، و الله مدري اش اقولكم .. ممنوع من العرض ههههههههههههه

طيب جداً ممتاز حبيبي سادورا

اتمنى ترسلي رقم الأخ اللي عندو السيارة الكيا القير اوتاماتيك اللي بـ 300 درهم عشان انسق معاه

و ان شالله كمان الحبايب يشوفولنا شقة غرفتين من الاربعاء 4 مايو الى الجمعة 6 مايو انا عجبتني الشقة اللي حطها الأخ كويتي مزعوط بس لسه ما رسلي رقم التيلفون

و بعدين ان شالله من مساء الجمعة الين يوم الاثنين نبغى ننتقل لفيلا 6 غرف بمسبح

بس لسه ما وصلتني أرقام بهدا الخصوص

ألف شكر يا حبايب مدري الواحد اش يسوي من غيركم