|
بطاقة الصراف السعودية SPAN
السلام عليكم
اتمنى انكم تكونون بخير وسلامه انا رايح للمغرب انشالله وحبيت اسال واستشيركم عن شغله ليش ما استخدم بطاقة الصراف السعوديه بدال فتح حساب وصرافه ؟ البنك الفرنسي كمثال ياخذ اجور سحب 3% على كل سحبه + اجور الصرافه . فيا شباب سوالي هو شرايكم اخذ معي مبلغ من السعوديه واصرفه بالمغرب؟ واشوفها صعبه تحط لك مبلغ كبير بجيبك . ولا افتح حساب بالمغرب عند البنك الشعبي ولا غيره واستخدم الحساب هناك ؟ ولا اخذ معاي بطاقات الصراف السعوديه حقتي واستخدمها هناك ؟ والله اني محتار تسلمون يا شباب ويعطيكم العافيه ووننتظر من اهل الخبره ردودهم شكرا لكم |
نفس التساؤل عندي
|
يارجال رحت للمغرب اكثر من 10 مرات ولا مره فتحت حساب عندهم
نظامي اخذ مبلغ كاش والباقي بالبطاقه والحمدلله الامور تمام وماشية |
انا رحت المغرب اكثر من مرة وكان اسلوبي بطاقة الصراف السعودية
بس اخر مرتين اخذت معي بطاقة فيزا مدفوعة ووضعي كان في السليم البطاقة الي استخدمتها هي فيزا مداد من بنك البلاد |
اتمنى تسمية البنوك التي تم تجربتها عن طريقكم الشخصي ، وكم ياخذون على السحب ؟
ويجب الاخذ بعين الاعتبار ضياع البطاقة او الصرف ياكلها لا قدر الله |
سلام ياباشا
من تجربه شخصيه لمرات عديده اسخدم بطاقة الصراف للبنوك التاليه : الرياض و الجزيره و الاهلي و الراجحي والحمدلله كلها سهالات طبعا في فرق بسعر الصرف بس فرق بسسسيط وووبس |
من واقع تجارب شخصيه ومنع لأي ضرف طارء خذ معك مبلغ كاش وصرافتين لبنوك مختلفه
صارت معي كثير هالمشكله( انو تسحب فلوس ومايطلع شي ويجيك رساله من البنك تم السحب وترجع مره ثانيه بتسحب يقولك تجاوزت الحد اليومي لسحب وهاذي مع بنك الراجحي ع طول تصير ) ,,,, وياليت ينتهبوا الاعضاء والاخوه الزوار لي هالمشكله وانصح ببنك سامبا الامريكي يعطيك قيمت السحب بالريال مو بالدرهم انصح فيه وبشده ولا قد صارلي اي مشكله مع سامبا ... دمت بود ,,, |
الاحتياط بالكاش واجب
|
أحذركم لا تستخدموا الراجحي
أحيانا تتدبل العملية أو ما يطلع لك المبلغ وحلني 21 يوم لين ترجع في حسابك خذ كاش وخبيه زين وخذ معك بطاقات الصراف ولو فتحت حساب يكون وضعك سليم خصوصا للي يضيعون أمورهم بس انتبه لو إنك ضيعت بطاقة صرف مغربية بدل فاقد من نفس الفرع والله أعلم عن نفسي آخذ كاش وبطاقات الصراف استخدمها والأمور تمام |
الكاش افضل والسحب يبعض الاحيان تواجه صعوبات فيه لكن فيزا للبنك الاهلي مسبقة الدفع هي الافضل تعاملت فيها بمشتروات وسحب كاش ميه الميه لكن احرصوا على وضع رقم سري للعمليات لان بطاقتي كانت مفتوحة بالمشتروات يعني ممكن اي واحد يستخدمها انتبهوا للنقطه هذي
|
| الساعة الآن 05:07 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط