[إستفسار] طاري السفر يا حبيبي همني
 

[مدخل]

ادعي علي بالموت..وإلا سمني
بس لا تفارقني دخيل الله وتغيب
طاري السفر يا بعد عمري همني
شلون أودع فـ المطار " اغلى حبيب "؟!

________________

السلام عليكم ورحمة الله وبركاته
حياكم مزعوط مزعوط .. عايله عايله .. دري دري

وأخص بالترحيب .. رابح .. مصطي .. عثمان .. اوسكار .. سلاويه .. و أمواج

و أبترك أهنجار (ابو عبدالله )
لي حساب معه ما تخالصنا من سفرتي القديمة شاتني من القروب >> فيس ماسك عجرا

ماهي مسألة تخصيص الكل على العين والراس وكلكم جعلكم سالمين
بس هم اللي اذكرهم من سالف العهد والأوان يعني القدام اللي احتكيت معهم

سسافرت وحداني يذكرها ابو عبدالله وصرت راعيها بس عمر العين ما تعلى على الحاجب

وانتم ربعنا

>> رابح مبطي عنه اخر مره علمني بمكان على البلاك وقت ماكنت بمراكش وشكل الهيئه قفطته >> فيسن يحك راسه

ابو عبدالله بعد ما شاتني من القروب تنكر لي وقفل الرسايل الخاصه وقفل جواله وبلع الشريحه حتي اللي ببطني ضاع مستقبله >> ههههههههه واضح اني خربتها بس عاد مشتاق لكم بكيفي

بعد هالمقدمة عندي مجموعة استفسارات يالربع

الحين عددنا ٣ اشخاص مسافرين بنقضيها بمراكش ولا يمنع ان اذا فيه شرح مسهب عن أغادير اني اشقر عليها واخليها ضمن الرحلة

استفساراتي كَ التالي

١- أحنا نبي ٣ غرف و يكون يجمعنا مكان واحد يعني صالة اما النوم يهبون ما ينامون عندي لاني وسيم وهم لو اني خال ما اضمن روحي معهم .. تحيه كبيره للخوال على قلبي والله

( اذا قلتوا لي الروزقاردن فـ ٣ غرف تكون فله !! والا تكون شقة والا وش الوضع )

ماعنددي اشكال بس احنا جالسين تقريباً ١٠ الي ١١ يوم فـ ميزانية السكن كم بتكون يا جماعه ؟؟

٢- باخذ سيارة من مطار كازا و ناوي على اخذها من مريم ان الله اعطانا طولت عمر فـ اللي ابي اعرفه ديزل والا بنزين !!
ارخص ؟؟
و ميزانية السيارة تقريباً ١١ يوم

٣- اذا وقع اختياركم ع الروز فـ الشغالة من المجمع والا اجيبها من برا واذا من برا كم تقريباً ميزانيتها

اخيراً لو جد شي بعلمكم .. اخوكم مسكوه الحسابات وانا راسب رياضيات خمسطعش الف مرة عاد ما ابي اتفشل ودي اصير ابيض وجه قدامهم و كله على حسابكم :)


فاصله : اهنجار كيفك يا يا بعد قلبي اقسسم ان واحشني وجهك الدايري
يعلم الله انه فزع فزعة الذيب لـ الذيب >> رغم اني مدري وش فزعة الذيب لـ الذيب بس احسه كلام كبير وحبيت اقوله


بالله وش رايكم بالمخرج :)

[مخرج]
تعال قبل تروح عني ضمني
يأأقرب من أنفاسي ترى .."حالي صعيب"
أبنتثر قدام عينك لمني
وبسألك/ هل نلتقي عما قريب ؟!

جنوبية .. خبير اغادير

تسلمون ع الرد