موقف في فندق صحارى!!
 

صبحكم الله بالخير جميع ،،، انا توني راحع من المغرب وقضيت فيها 14 يوم 5 ايام كانت من نصيب اقادير واللي فعلا لو كنت ادري كان خليت كل اجازتي باقادير الجميله !!

الموقف اللي ابغى احكيكم عنه هو موقف صار في فندق صحارى ...كنا جالسين في الخيمه عالساعه 9 .. وقالوا الشباب يالله نسهر اليوم في صحارى بما اننا قريب قلت تم .. انا بروح احجز بعد ما نخلص الشيشه قالوا زين .. عالساعه 11 رحت للديسكو و دخلت ونزلت عند اللي يسوي حجوزات الطاوله الا في واحد خليجي الشيب خط في راسه يقول تكفى يابن الحلال قال له روح عني ما تجيني بفلوسك وتسوي مشاكل وتجيني تقول تكفي والله اجيب لك 7 مغاربه يضربونك ويكسرون راسك قام هالخليجي قال والله الضرب اهون من انكم تمنعونا !!
انا قفلت معي صراحه .. انا ما عندي مشكله في تصرف المغربي .. انا مشكلتي في تصرف الخليجي .. اقسم بالله ما راح احد يحترمك لو ما احترمت نفسك لو انت اغنى اهل الارض !!

المهم جيت اتكلم مع المغربي قلت له ابغى طاوله قال فل .. ماعدا الطاوله الرقم الفلاني والرفم الفلاني او تاخذ طاولتين ،، قلت طيب وريني الكروكي قال ماكاينش .. قلت طيب ويعني ادفع لك فلوس علي ايش قال من الاخر مافي الا هذي الطاولتين .. قلت سلام عليكم ومشيت !!

وانا خارج جاني اتصال مع احد الزملاء المغاربه .. وقلت له بالموقف قال ولا يهمك راح تسهر اليوم على طاوله انا اختارها لك و بنفس السعر ،، ولا تدفع لين تجلس .. وفعلا جابها لي ... طيب يابن اللذينا دام الطاولات عندك مفتوحه تتغلى ليه ومسوي فيها انا اللي ماسك توزيع النفط بين الحلف الثلاثي ودول الوفاق ؟؟

المهم قلت للشباب صحيح جو صحارى حلو .. وصحيح ان السوق مليان لكن ان عزمتوا تسهرون هناك انا معاكم بالدراهم لكن ما بروح لمكان يعطيني وناستي مفابل كرامتي !!

والشباب انا افداهم من ذاك اليوم والله ما احد جاب سيرة صحارى !!

الكرامه لاتقارن بفلوس الدنيا


تنزل كرامتي ليش عني مادخلته ولاسهرت فيه ايش بيصير يعني

هههه ضحكتني كرامه وانت متكي بصحارا ههههه


يلبى سكاي بس ..

ع العموم شكرا ع السالفه الي ماتنفع بشي ههههه

اغلب رواد اكادير يشتكون .. من الغلاء في السكن .. ومن السهرات .. مره مخيطو ومره شهرزاد

ومقالب المرينا وفندق صحارى .. ومع ذلك اكادير زحممه

ابي اعرف شو السر ؟

:maroc (1120)::maroc (1120):

ياليت تحترم نفسك وتحترم مشاركات الاخرين

كون اني اسهر .. او اسوي اشياء سيئه لا تجعلني مسخ بلا كرامه .. فالكرامه غريزه لم ترتبط بالانسان فقط ولم ترتبط حتى بالتدين يا صديقي !!

اما المنفعه من السالفه فاعتقد اني ما اعطيت تلميحه في البدايه ان الموقف راح يفيد .. فقط مشاركه موقف قد يجد فيه بعض الشباب شي لن تجده انت ولو بعد زمن !!

اخيرا اشكر لك خفة دمك ههههه

يا غريب كن اديب

وانا استغرب صراحه ما خلوه يشوف موقع الطاوله وين المشكلة

ولو ريح راسه وعطاه مبلغ بسيط وانبسط احسنله

و والله ماوقفت على صحارى عادي حتى لو توصل اسهر في مكاني او اروح لاي مكان ولا اروح لمكان اتضايق فيه


وميشيل هو المسؤول لو راح وشرحله الوضع ممكن راح يختلف الوضع

ومعروف ان ميشيل صارم وقوي قراره معهم سواء البنات او الموظفين

ولنفترض ان ميشيل ماقام بالواجب اشوف المسؤول الاكبر دام اني اعتقد اني ما اخطيت وعلى حق
بس الواحد يشتري راحة باله

بالنسبة للسكن في اكادير غالي لأن المعروض قليل مقارنة بمراكش و كازا

والسهر غالي لانه ليلتك تكون سهرتين في مكانيين بينما كازا ومراكش سهره واحدة

وعلى قولك المقالب ولله الحمد شخصياً لم اتعرض لمقالب تستحق الذكر

(السر ) سر الاقبال عليها مدينة مريحة صراحة وهواها غير وفيها ناس طيبين وهي تعتبر اكثر انفتاح وظغط امني من غيرها


وسياحنا مع الخيل يا شقراء هههههههه الناس وين يالله معهم


ومراكش الخيارات اكثر لكن اغادير لها جوها تحس بالراحه اوكسجينها فيه شي



اغادير بالنسبة لي ماعندي مشكلة اجلس في غرفة مطلة على البحر وما اطلع استنشق هواء بس .)