حاجز ومضبط كل شي الحمد لله ولكن ناقصني الخوي الفلاوي
 

السلام عليكم
يا اخوان انا مسافر ان شالله يوم الخميس٢١/٥ ووجهتي ان شالله الى مراكش لمدة عشرة ايام وبصراحه انا لوحدي معي الرحمن عز وجل وطبعا ما اخفيكم اني تقريبا خبير بمراكش نوعا ما لاني اسافر لها باستمرار ولكن مشكلتي هالمره اني لوحدي وحاجز في النخيل الدرقاوي باحسن عمارة تقريبا فيه واعتقد اللي يعرف الدرقاوي يعرف اني اقصد السليمانيه بوابة 10 فاذا فيه خوي يبي يخاويني ويكون فلاوي ومن النوع اللي ينحط على الجرح يبرا فمرحبا فيه يرسل لي خاص علما بانني حاجز السياره من المطار وكل شي تمام ولله الحمد واذا مافي خوي فما عندي مشكله ولكن حبيت اشوف اذا فيه احد محتاج للاخوه هناك وخصوصا اللي مو متعود على مراكش ومرحبا بكم على الخاص ودمتم

اتمنى لك سفره سعيده انا رحلتي الاربعاء معاي اثنين من الشباب حاجزين في الروزغاردن ا ذا حبيت نتقابل هناك ارسل رقمك بالخاص

مرحبا بك انا سفرتي ان شاءالله يوم الجمعه القادم انا وواحد ويوم السبت حكون في مراكش لمدة أربع أيام طبعا في النخيل الدرقاوي

والله وناخوك الخوي الفلاوي عمله نادره ، رح لحالك احسن من غثيث مزاجه وموده غير عنك ، اغادير تقدر تروح لها لحالك

بالعكس متواجدين وبكثره والحمد لله لاكن يجب ان تحسن الاختيار وبخصوص اغادير فعلاً بروحك تنبسط اكثر

صحيح كلامك متواجدين بكثره ولكن انا اقصد الاختيار زي حجز التذكره لازم قبلها بفتره ، الواحد لما يروح المغرب تكون لحظته لحظات فرح ولا تتخذ قرار وتستعجل بالاختيار بلحظه فرح يعني مثلا تاخذ شخص ماتعرف عنه شي بش مجرد انه يكون معاك .

انا بالسكن مستحيل اسكن مع احد ماعرفه قبل لانه اذا سكنت لزمت الخوه وخلاص ماتقدر تتركه حتى لو خرب سفرتك وقلبها مشاكل لاكن بالسهر عادي نسهر مع بعض واذا ماعجبني جوه استأذن بأدب واحاسب وامشي ويادار مادخلك شر

رحلة موفقة ودامك رجال خبير بمراكش انت الي تخلق لنفسك الجو المناسب وكلام اخوي ( حبيبتي المغرب ) لا يعني تقليل في حق الغير وأكد الخوه مطلوبه بس وين الي يقدر هالشي وتلاقيه على نفس جوك اذا في السفر تلاقي الشباب الي يسافرون مع بعض احيانا لك شخص جو مختلف عن البقيه ولكن ضروري الواحد يخلي من جوه لجو الشباب الي معاه علشان اكمل الرحلة .
تقبلوا مروري
تحياتي

فيه مثل يقول صدفه خير من الف ميعاد ، انا لما اروح المغرب سبحان الله اطيح باشخاص رائعين وصداقتي مستمره معاهم حتى لما رجعت الرياض ، المقصد وزي ما انتو عارفين مجتمعنا فيه تنوع . صديقك اذا ما توافق معاك ٧٠ بالمئه ماينفع ، انا لما اخذ معاي احد ابي يكون اضافه لوناستي مو يرفع ضغطي ، يعني مثلا شخص جوه فقط سهر او دايم يحب يروح لمكان معين او انه تفكيره غير عن تفكيرك او الفاظه مش ولابد . المساله مو بسيطه . اسافر لحالي واحب خشمي ولا اروح مع المذكوره اعلاه

السلام عليكم تحيه طيبه لكم انا رايح ان شاء الثلاثاء صباح الأربعاء الموافق ١٩ مارس اذا حبيت نجتمع هناك لامانع وكلكم والنعم فيكم والله خبرني على الخاص اذا حبيت نتقابل