استفسار يامزااااعيط اول مره في مراكش
 

افضل لكم تستاجرون سياره بدال السواق بمراكش
وتوفرون مبلغ كبير جدا

والسكن عندك النخيل او الروز قاردن

تلقى ارقامهم والاسعار بقسم العروض

والميزانية اتختلف من شخص لاخر حسب اهتمامه وميوله
لكن تقريبا بتكون ما بين 1500الي 2000ريال سعودي مع السكن طبعا تزيد وتنقص حسب جوك

تروح وترجع بالسلامة

الله يسلمك
صعبه اول مره بسيارة مستأجره بناخذ سواق امين ونريح روسنا بس استغربت من اسعارهم

صدقني ماهو صعبه ولا شي
افضل لك سياره من المطار اسهل لك واحسن
وانصحك السكن في النخيل
كنت مثلك خايف بس قلت لنفسي حنا بدولة عربيه كل الوحات بالعربي مافيييييه اي مشكلة

800 درهم كثير .... السعر الطبيعي من 400 الى 500 درهم مع السواق والبنزين طبعاًَ عليك ... مكاتب تاجير السيارت ذات السمعة الجيدة كثيرة واذا حبيت ارسلك افضلها ... السكن الافضل النخيل والروز خصوصا اذا كنتم شلة وتبون الفلة ...بخصوص الميزانية فهذا اصعب سؤال تساله لرود المغرب فكل واحد له ميزانيته في البعض مايصل مصروفه 500 ريال في اليوم مع السكن اذا ماله في العلوم اللى بالي بالك ...والبعض يصك 3000 ريال سلام سلام في اليوم هذولي اصحاب الفل بكيج :D

صادق وانا اخوك بس الايام الي بنجلس فيها بمراكش قليله ولا نبي يروح نصها تايهين بالشوارع ولا بعد السهره صعبه السواقه :)

بالنسبه لسكن ترشح المخيل او روز قاردن ؟

الي حصلته يقولي ٨٠٠ والبنزين عليه كذا مناسب يعني ؟؟
وبالنسبه للمصاريف اكيد بنسهر وبنعزم بس بالشي المعقول

السياره حقها 400 ماتتعدى
لكن هو قالك 800 ممكن حسب حسابه وحشاب اجاره للسياره
واذا كان له فقط 800 غالي وانا اخوك يعني تتكلم على 2400 ريال مايعادل 4800 درهم وهذا كافيه لك سكن في النخيل او الدرقاوي او توفير لك في السهر والوناسه
انا اشوف غالي السواق والقرار لك ياغالي
انا مثلك اول ماجيت كنت متخوف لكن توكلت على الله واخذت السياره من اول يوم بتعرف الشوارع لايهمك واي سؤال حاضر ياغالي

استفسار يامزاعيط. من لديه معلومات عن شقق جاد سكن مراكش هل بالفعل كان عليه حمله من الدرك وهم علي خلاف مع اداره المنتجع من لديه اي معلومه لايبخل علينا مع جزيل الشكر

عبدالله >> صاحبي توه راجع الاسبوع الي طاف يقول ممنوع دخول الضيوف بالمنتجع