كيف اصحبت مزعوطن...!!! رحلة وحداني للمغرب ولاول مرة

واااااااااااصل

ههههه يسعدلي جوك. ...تعجبني التقارير الصريحة وااااصل

بصراحه تقرير فاتحها بحري وبزياده أتوقع مقص الرقيب حيشتغل هههههههههه

لا تخاف اشتغل مقص الرقيب وقصقصني

مازلت بثاني يوم , جالس بروتانا كافيي على وقت الغروب , واغاني خليجية رايقة, واحتسي واتشراف الاتاي المغربي لبى قلبه .. كملتت ثلاث ساعات وكل شوي ابي اقوم بس يجي من يجلسني
اول مرة اشوف نففسي بهذا الكرم الحاتمي وانا ارحب بكل ضيف جديد.. بعد كم ساعة قررت اغير المكان , طلعت وصرت اتمشى على الكورنيش , شفت الناس اشكال والوان , منهم الفقير والمعدم ومع هذا يبيع الورد , يبيع السعادة للاغنياء , بصراحة ضايقتني الطبقية واللي اغلب الددول العربية تعاني منها , وشفت عوائل مغربية باطفالهم ولباسهم الجميل وخصوصاً الثوب بالقبع , كان ودي اشتري واحد ..المشكلة مطبوع على وجهي خليجي , استمريت بالمشي , ورحت كملت مشي , كنت مستمتع جداً بمنظر البحر , مع ان في استراليا مناظر اجمل ,
بس ماعرف ليش حسيت بانه هذا الجمال على الاقل يخصنا احنا العرب !!

رجعت مرة اخرى للشقة,اخذت حمام وبدلت ولبست ملابس كشخة واتعطر واطلع للسكاي مرة ثانية ..
,
..
جلست هناك دار بيننا احاديث سريعة ثم اشتغلت (كازا ياخوي ماغابت عن البال..) وانا وقتها مالقيت نفسي الا وسط الستيج اهز واغني معه ..اعشق هذي الاغنية
طبعاً كالعادة طلباتي غير متوازنه ..وواضح اني عليمي ماعرف شي ..
اجرب من كل بستان زهرة ومن كل عصير رشفة ..
والدنيا تدور ودخان المعسل يزيد ..كانت مشكلتي اني زي كذا ماحس بالوقت , الوقت يطير!!,
ودي اروح اوقف الزمن ساعة بس زيادة ..انتهت السهر على الساعة 3
وتعرفت على 2شباب سعوديين وقررنا نطلع نكمل في مخيطو ,
اخذنا التاكسي ,
وصلنا مخيطو ... بصراحة اول مادخلت ماعجبني الجو , مازال السكاي عندي الافضل , جاني واحد وطلبنا منه طاولة , قال مافي متوفر ,
لمح لي خويي قال طلع له الازرق , قلت هاه!!! لييييه!!!
قال: يالله خلص!!
قلت:طيب!!
دفعت له , وانتظرت ....ما سوى شي !!!
, طيب خلاص.. دفعنا ثانية !!
الحين خسرنا 400 درهم ,
واخيراً اختار لنا طاولة بس في خلف مو قدام!!!
عصبت%^& ,قفل جوي لاول مرة في اغادير
, قررت اطلع لوحدي
,
وقالي: تعال كمل معنا ,
كملت السهر لحد الظهر , ورجع ل واحد بيته ونادوني اصداقائي الجدد اسهر معهم بالشقة بس اعتذرت كنت تعبان ,
رحت وننمت ولا صحيت الا العصر
,صحيت جوعان !!! وين اروح؟؟
كنت لوحدي , اتصلت بالتاكسي , جاني وشغل العداد الين وصلت النهضة ..
مرة اخرى اطلب طاجين لحم واضرب الين تطلع عيونك , كنت استمتع بكل قطعة ..واتصلت على التاكسي مرة اخرى وقلت يالله تعال واطلب الاتاي الين يجي , شوي الا وتناظرني وحدة من بعيد معها عيالها وتشر لي تبي فلوس !!, كنت متردد اخاف اعطيها ثم تنشب لي @.. , بس شوي شفت فتاة شكلها ضعيفة مرت عندها وعطتها, وكانت العجوز الفقيرة تشكرها بادب ولا راحت تلاحقها زي ما ظنيت !! ,
وربي استحيت على وجهي واروح واطلع لها كم درهم واعطيها , وانتظر منها نفس الابتسامة !! بس لحقتني وقالت لسا باقي تعطيني اكثر , هربت منها هههه ولحقتني وظل ولدها يلاحقني , يابن الحلال خلاص انا اسف عطيتكم , بس مصمم ياخذ زياده هو وامه , اعطيتهم خمسين درهم , برضة استمروا وراي , قسم بالله ودي اقول عطوني اللي عطيتكم من القهر هههه
جاني االتاكسي وانا محاصر بالعجوز وولدها وانا اللي اقفز قفزة جيمس بوند واركب التاكسي هارباً من الجحيم الذي خلفي ..(ليش قلبت فصحى )
قال على وين يالحبيب؟ قلت ابي حمام!! قال: ماعندك بالشقة حمام!! قلت لا ابي حمام مغربي !! قال يالله بوديك واحد حلو يعجبك !! وحتى الامراء عندكم يسوون فيها حمام مغربي هههه كثر منها ياراعي التاكسي !! طبعاً صاحب التاكسي هذا انسان طيب شباب عمره ممكن 27 زي سني , اول مرة ركبت معه كان منقذني من شلة نصابين رافضين يشغلون العداد , وبعد دقيقتين تخانقنا !! كان يقولي انتم فاسدين وانا اقوله انتم فاسدين كنت اقصد بالفساد انا فساداداري واقتصادي و بعد الخناقة اتفقنا كل الدول العربية تقريبا فيها فساد من جميع انواع الفساد بس الاغلبية من الشعوب العربية تكره الفساد وتحاربه , وهنا انتهت خناقتنا ووصرنا تنتخانق على اشياء ثانية , البنزيم افضل وهو يقول الديزل افضل ههه , المهم اني فقدت رقم صديقي هذا وربي اتمنى القاه واكلمه ...بكمل بحلقة رابعة وش سويت يوم رحت الحمام المغربي

اخذني سائق التاكسي للحمام , استقبلتني فتاة كانت قمة بالجمال , وحتى ملابسها وشعرها بقمة الاناقة , طلبت حمام مغربي قالت نسوي لك حلاقة وحمام مغربي ومساج ومادري ايش عطوني اشياء كثيرة وقالو بالفين درهم !! قلت لا غالي!! قالوا: لا هذا مكان فخم وفي اماكن ارخص !!
قلت لا ابي معكم بس ابي ارخص اتفقنا في الاخير على 600درهم ماعرف كيف طاح المبلغ كذا !!
جاني الحلاق كان مهذب وشاب انيق , قلت اكيد بيخليني انيق مثلو ههه, بدا بالحلاقة واخذ وقت اطول من المعتاد وكنا نحكي صار من طنجة , تكلم عن دخل الحلاقة في المغرب يعتبر بسيط , اخبرته تجربتي بالحلاقة في استراليا تكلفة الحلاقة ثلاثمائة درهم والسعودية الحلاق ياخذ ثثلاثون درهم !! كان يقول يبي يروح استراليا ..حتى انا !! قلتها له وانا اقوله ودي بس اخذ الجنسية !! انتهتى الحوار بيننا ثم نادتني الفتاة الجميلة مرة ثانية , كنت اقول هيا الى الحمام ياحسام ..دخلت الحمام وتجهزت وكنت متحمس لكن دخلت علي فتاة بعمر جدتي وتكبرني بالجرم مرتين !! سدحتني على البلاط وبدت تفرك الصابون وكانها تضرب فيني وكانت تفرك باداة حادةههههه المهم اني كنت اتعذب من فركها لكنها كانت ماسكتني بقوة حتى لا اقاوم !!, انتهت من الفرك وانتهى معها صياحي , ثم راحت وانا صرت وسط بخار يكتم الانفاس (كم اكره الحمامات المغربية بس دايم اروح لها)
بعد دقائق دخلت علي وهي تسكب الماء علي وانا صرت مثل الطفل احاول اقاوم الماء المسكوب على وجهي ببلعه !! سحبتني للخارج بقوة ثم قالت يالله روح خذ دش!! كانت بصراحة عنيفة جداً ..المهم انتهت ورحت البس الا وجائتني الضخمة تطلب بخشيش ..طبعاً اعطيتها خوفاً منها هههه
رحت الان لفقرة المساج ...كان المفروض المساج يسبق الحمام بس كما قال صاحب التاكسي حسين ان هذا حمام الامراء!! بس جاتني انسانة اضخم من السابقة ونادتني لسرير المساج , واضح اني الزبون الوحيد عندهم هذا الاسبوع , كلهم يعملون بحماس ويطلبون بخشيش بالقوة !!..تركت جسمي المنهوك على سرير المساج وادخلت رأسي بالفتحة واناظر والاقي شمعة معطرة بصراحة وترتني قلت ممكن تطيح وتولع نار على وجهي ..جائتني الضخمة الاخرى وبدت تمسج كانت يدها في البداية ناعمة لكن فجأة بدأ العنف والضغط القوي , كنت اتألم وانا ساكت حتى لا اتسبب بوقوع الشمعات على الارض ثم تشتعل !!, عرفت الان سبب وجود الشمعات هنا , اخذت الضخمة بنشاط تضرب وتضغط على ظهري وجسدي بقوة وتحاول بنفس الوقت تجري حوار !! مستحيييل اقول كلمة!!
انتهى المساج بس بصراحة على انه عنيف بس كان رايق وحسيت اني توي متضارب مع احد قبل قليل ..طلعت ولقيت صاحب التاكسي حسين ينتظرني ..كالعادة قفزت داخل السيارة بحماس!! قالي نعيماً ..
طلعنا الى مكان تراثي جميل ماعرف اسمه ولا اتذكره , لكن كان عبارة عن مبنى في عدة ادوار كل دور فيه اصناف تراثية مختلفة معروضة للبيع , او حتى بضاعة صناعة محلية , لقيت بالطو جلد اسود ورخيص جداً , اتذكر اشتريت مثله بالف دولار تقريباً ولقيته هنا اذكر برخيص ممكن ما يزيد عن الف درهم,,فكرت اشتري مجموعه واهديها لاصدقائي باستراليا لاني اعرف انها ستكون ثمينة بلنسبة لهم
اخذني الساائق بجولات , وبعدما خلصت طلبت منه الجلوس معي واكمال حديثنا باحد الكوفيات وجلسنا بكوفي على المارينا ام اذكره بس كان رائع ودار بينا احاديث متنوعه وكنت وقتها اتعرف اكثر على الثقافة المغربية , كان بصراحة مثقف عزيز نفس , عفوي وشهم , جلس يحكي لي عن تاريخ اغادير , ثم تعشينا بنفس الكوفي وطلب مني باستضافتي مع والده ولكن اعتذرت منه ووعدته بوقت اخر..
رحت مباشرة واتصلت باصدقائي السعوديين الاثنين , كان اغلب وقتهم نايمين وانقهر انا كيف ما يجيني نوم مثلهم !! وتواعدنا على صحارى !!

أخي أسترالي ،،،

أضافه جمييله وسرد تلقائي دمه خفيف ،،،

ديما الحمام قبل المساج أما بعده فهذا بدعه ههههههههههه

زرفوك الجماعه في 600 درهم من غير البخاشيش ولو منك أسترالي كان مشت عليك كذبة 2000 درهم ،،،

ساءق التكسي لا تعطيه أكبر من حجمه شغلة روح وترجع ومجلسه معك في القهوة كل هذا محسوب عليك يا لحبيب

سعر الجلسة محسوب عليك لأنو شغال هو باليوميه وشوف كم أخذ منك لمشوار الحمام (( وربما أخذ سمسره من عندهم على ظهرك وانت في الحمام وما يدريك انه متعامل معاهم يجلب لهم زبناء خليجيين وله مبلغ معلوم ))

الله ستر عليك بعد خروجك من الحمام عادة بعد الحمام خصك ترتاح في غرفه مقفلة حتى لا يصيبك الزكام من تعرضك للهواء البارد
وتلبس ملابس دافيه وثقيلة عند خروجك من الحمام ولا تعيدها مره أخرى ،،،،

في اغادير خاصه الأفضل ان تتعامل مع السائق على العداد أما بالمشوار انت الخسران ،،،
كمل لنا التقرير والآن مقص الرقيب ح يشتغل هههههههههههه

الله يسعدك ياروداني ..والله اتعبتك معي بالموضوع ,,تقص وتحذف هههههه تراني مفلتر الموضوع قبلك بس ماش الرحلة كلها اصلاً صايره فوق ال18
بخصوص الراحة بغرفة مقفلة انت صادق والله بعد الحمام من اليوم اللي بعده ارتفعت عندي الحرارة وصرت تعبان يومين ...كنت اتعامل مع التكاسي دائماً بالعداد

تعبك راحه يا لحبيب أسترالي ،،،

لا نريد خسارة موضوعك ولا نريد خدش الذوق العام ولكن سدد وقارب ولكم ولي واسع النظر في تنسيق التقرير

قدر الإمكان ،،،

يعطيك العافية على المجهود الكبير لإخراج تقرير زوين بحالك ،،،

مبدع يالاسترالي

گل تقرير يخص اغادير يزيد الزعطه عندي

لو الوقت مبكر كان تلقاني بمكتب الخطوط ادور حجز

ههههههه