رأيكم يهمني
السلام عليكم ورحمة الله وبركاته
اخواني الاعزاء طلبي منكم كماهو واضح من العنون رأيكم يهمني كما كتبت لكم سابقا في موضوع اخر . هذا اليوم اكتب لكم ان شاء الله رحلتي الي المغرب بعد 10 ايام ولمده 8 ايام طبعا لوحدي ومحتاج رأي من لديه خبره سابقه بالسفر لوحده في تقسيم الايام مابين كازا وطنجه ومراكش او اغادير .. من حيث اجار السياره افضل بسائق ولا بدون . ومكان السكن ايش الافضل والامن . ولكم مني جزيل الشكر ,,,, |
يا ابو عزام لا تضيع نفسك يا امسك خط الشمال يا امسك خط الجنوب يعنى كلها 8 ايام و تبغى تلف هالفله الطويلة ..ضاعت السفره وانت ما تهنييت ليله و عامة سواءا رحت شمال او جنوب شيل فكرة سيارة وسواق من راسك ترا امور التنقل اسهل مما تتصور و لكن لو اخذت سواق و سيارة خسائر على الفاضى و لو انت بتسوقها بنفسك بتجيب لنفسك الصداع و طول اليوم و انت ورطان يا مع الدرك يا حايس على موقف هذا غير تكلفة الوقود العالية غير انك ما تدل فى الطرق فى المغرب.
نصيحة اخ حدد خط سيرك بصورة توافق المدة عشان تكسب وقتك و تستانس اكثر يعنى يا تخليها كازا-مراكش-اغادير يا تخليها كازا-طنجه وفى الحالتين بسطك مضمون و كل خط له ميزاته و عيوبه و ماودى اخوض بتفاصيل اكثر الا لو حددت بشكل نهائى خط سيرك...وسفرة موفقة |
وعليكم السلام و الرحمه 8 ساعات طيران و 8 ايام و 4 مُدن !!! مش زابطه يابوعزاام , عطنى رايئ ثاني . بالنسبه للسياره , انصحك بدون سواق بتتعلم و بتستفيد ( للمرات القادمه ) أفضل لك . تحياتي . |
خليها مراكش واغادير اذا حاب اكثر من مدينة
|
زي ماقالوا الاخوان الوقت قصير وأفضل أنك تقضيه في مدينه واحده وبالنسبه للسياره حسب المدينه يعني لو رايح أكادير مايلزمك سياره لأنك بتسكن في المارينا في الغالم وكل شي منك قريب لكن أنا أنصحك تروح طنجه وتاخذ سيارة من المطار بدون سواق وجوها غير ومافيها مشاكل درك بحال مراكش وكازا وناسها رايقييين وحتى السكن خياراتك أوسك مابين الفنادق والشقق وبالنسبه لو بتروح مراكش انا أشوف يلزمك سيارة بدون سواق برضه وبما أنك وحداني ما أعتقد أنك بتفلها جوها جو جماعه وهذا مجرد رأي وخيارات السكن في جميع المدن مقدور عليها بس أنت حدد وجهتك
|
اشكر كل من اطلع ع هذا الموضوع وكل من اعطاني رايه . لكن ترا مراكش قد زرتها قبل سنتين واخذت فيها سياره بدون سايق ومشت الامور الحمدلله طبعا ذاك الوقت كان معي صاحبي ابوخالد الله يذكره بالخير .. وحاليا ناوي اطلع لحالي ولكن طنجه ماقد زرتها لا هي ولا كازا ولا اغادير . كانت الرحله كلها في مراكش . وصراحه طنجه اسمع عنها كثير ونفسي ازورها كم يوم . واخر الايام اخليها بمراكش بدون اغادير ولا كازا .. وش رايكم :clap:
|
وبرضو اشكر من رد علي بالخاص . ولكني للاسف لااستطيع الرد بالخاص بسبب عدم وصولي العدد المطلوب للرد بالخاص
|
8 ايام قليله بالمغرب مايديك تفتح عينك الا طااارت خلها مدينه وحده او مدينتين
المدينه الاخيره خلها كازا قريبه من المطار ودامك الحالك ماانصحك بسياره اذا كان رحلتك من جده فرحلتنا سوا بس كلام الشباب صحيح مدينتين افضل ياخي بيروح عليك يوم بالتنقلات وثاني شي التعب والتفكير ويمكن السكن مايعجبك وتدخل في دوامه انت في غني عنها وسفره سعيده |
وعليكم السلام ورحمة الله وبركاته
حياك اخوي بالنسبه لموضوعك الاخوان ماقصروا كلن عطاك وجهت نظره وانا ابعطيك وجهت نظري بحكم اني جاي من المغرب يوم الاربعاء الماضي وقضيت فيها 20 يوم مابين طنجه وفاس وإفران ومراكش وقضت الايام مثل لمح البصر وهي 20 يوم ووقتها كنت مستئجر سياره اسوقها بنفسي وانت عندك 8 ايام ما يمديك تطلع من المطار وتقول بسم الله الا انت راجع للمطار ثانيه وصعبه صعبه 4 مدن بهالمده لكن مالك الا خيارين تطلع من المطار وتكون مستئجر سياره وتسوقها بنفسك افضلك والقياده بالمغرب سهله جدا اهم حاجه تكون متبع الانضمه والارشادات على الطريق وداخل المدينه الخيار الاول من المطار وعلى طول تمشي طنجه وتقضي فيها 5 ايام ومن ناحية طنجه كانها اول مره تزورها راح تعشقها من طيبة اهلها وتعاملهم الراقي ومن جوها الاوروبي والبحر والطبيعه الي حولها ويومين تقضيها بالرباط كانك من عشاقها بحكم انها على طريقك لكازا واخر يوم ترجع كازا تبات فيها وبعدين على المطار الخيار الثاني بدل طنجه تتجه لمراكش ونفس الجدول بس هالوقت ما انصحك بمراكش صاير فيها قروشت حملات وحاس جوها مو زي سفراتي لها السابقه وبامكنك تغيرها لاكادير وبعدها ترجع لكازا واسف للاطاله وتروح وترجع بالسلامه ان شاء الله |
اكررررر الف الف الف شكر لمن أعطاني رايه . وجار البحث والتفكير بمراكش وااغادير . لكن باغادير ي شباب من يدلني ع سكن نظيف وامن طبعا ترا معاي الطير:morocco_5 (132):
|
الساعة الآن 06:24 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط