عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


إضافة رد
مزعوط نشيط
المشاركات: 112
تاريخ التسجيل: Apr 2014
الدولة: السعوديه
الصاحب غير متواجد حالياً  
قديم 2014-05-21, 05:34 AM
  المشاركه #1
الشنطه

سلام عليكم ..
هلا بمزاعيط الاستراحه ..

الامور هاديه وراكده بالاستراحه قلنا نطقطق معكم شوي
تعرفون اني منقطع عن السفر من الحرب العالميه الثانيه ايام هتلر وموسوليني.. ايه
الله ع ذيك الايام اجرام ع اصوله

وقبل شهرين نطت في راسي نطه مثل البطه اني اسافر القاهره وكلمت زميلي
من كثر روحاته اوقات يروح خطافي يشرب الشاهي في مصر ويرجع ..


وعليه شنب تحس انه شايل بلكونه .. اذا يشرب الشاهي ولا فيه طاوله بحط الفنجال
ع الشنب واحيانا يستعمله علاقه للشماغ والعقال هههه


والقصه هذي صدق .. ولكن احكيها باسلوبي ..!!

اتفقنا ضبط الحجز اسبوع وقال السكن عندي شقتي الخاصه .. ونشوف لك شقه ع مزاجك
انا اخذ راحتي لحالي ..!!

اخذت شنطتي وقابلته في المطار ومعاه شنطه صغيره كتافي .. ماتشيل ملابس ..!!

واستغربت قال مايحتاج ملابس اروح وارجع بنفس الثوب .. وكان حريص ع الشنطه معلقها لكتفه وضامها بيديه
واقلعت الطياره وجنبي مصري تلح يخزني بعيونه احسه بيفتك في

ودخلنا صالت الوصول وفيه كاونتر عليه وحده مزيونه حيل قلت لخويي تعال عند
الحلا ع الاقل نكحل العين وش ذا الزين ..!!

وكان قدامنا صاحبنا المصري ويوم شافو جوازه .. ع طول اسحبوه وقالو روحوا الخط
الاحمر بمكتب المطلوبين ..!!

قلت لخويي انت قايل انه مجرم اشوا اللي ماعدمنا بالطياره هههه

وختم خويي بسرعه .. وجا دوري قلت عساها تاخر شوي املي عيوني من الزين ..

واخذت الجواز وصارت تطالع في الجواز والجهاز وبعدها تطالع في عيوني

وانا اتبسم وابربش برموشي وامسح الشعرتين اللي باقيه من الصلع وامسحها
لين صارت واقفه مثل اريل الونيت القديم هههههه

وكل مره تطالع فيه اقول قسم متعمده تبي رقمي ومبسوط ومصهلل واخطط
لين صحيت ع صوتها وهي تنادي المساعد وتقول الجواز مسحوب روح مكتب
المطلوبين ورا الخط الاحمر ..!!

قلت حمرت عيونك بلا هذي اخرتها وانا اسبل وابربش بعيوني ههههه

وحطوني جنب صاحبنا التلح المصري قلت بنفسي قسم بالله ان حطوني بالسجن
معه يفترسني ويفتك في فتك !!!

مالي حل الا احسن العلاقه معه من بدري قلت ياخي شكلك سمح ووسيم
ونشمي اكيد مظلوم مثلي ههههه

واعطاني اشكل ولا عبرني ملعون الجدف هههه


خويي بيكلمني قالو له ممنوع قال شكلك بتجيب لنا مصيبه انت ووجهك
خلك هنا اخرتنا اهم شي اشوف الشنطه لاتروح وبعدين اشوف وضعك !!

وانا اقول اللهم اني اعوذو بك من هذا المصري شايل همه .. هههه

وشوي اسمع صوت خويي يسب ويلعن قال الشنطه راحت .. وطالع فيه وقال
كلها من وجهك النكبه ههههه

وانا اقول ياربي انا همي المصري وهذا همه الشنطه ههههههه

وبعد شوي جا ظابط وجا معه الفرج وراجع قوايم المطلوبين
وقال خلاص روح مع السلامه وختم الجواز ..

وبدا مسلسل الشنطه ..!!!

خويي معصب ويقسم مايطلع من المطار الا ومعه الشنطه ههه

وقلت تعال نروق ونشيش بكافيه مقابل صاله الوصول وبعدين نرجع نسوف
الشنطه ..!!

واخذ جواله واتصال ع واحد لوا قاله ابي شنطتي لو توقفون المسافرين كلهم
تطلع الشنطه يعني تطلع الشنطه ..!!

وبعد الشيشه رجعنا للصاله وانا ماشي تذكرت انهم حجزوني ولا اتصل ع احد
لكن قلب الدنيا واتصل ع ناس كبار علشان الشنطه ..!!!

انا شنطتي ماعليها حسافه واجد مافيها الا بنطلون وقميص وثلاثين شراب ههه
انا عندي الاناقه بالشراب ههههه

تعرفون بالسعوديه نطالع من الوجه وانت نازل لكن برا من الشراب وانت طالع هههههه

اتصلوا امن المطار بجواله بالواسطه وقالو مسكنا شنطكم مع واحد مصري وصار
يركض لمكتب الامن يبي الشنطه وانا اركض وراه ودي اخنقه ههههه

واعطونا الشنط وكانت شنطتي مفتوحه لكن اعطوه شنطته وهم يضحكون ..!!


وعلقها بكتفه وضمها بيده اي قسم بالله ..

وركبنا التكسي وحطها بحضنه وحط يدبها فوقها ههههه
وقال بغت تروح الشنطه

وانا افرك براسي واقول ياربي وش فيها الشنطه

قلت ريح نفسك هاتها جنبي قال مالك شغل بالشنطه

ودخلنا شقته وحطها بغرفت النوم وسكرها بالمفتاح وقال ي الله نشوف
لك شقه ع مزاجك .. قلت والله ماروح لين اعرف ايش فيها الشنطه هههههه

قلت لازم تعلمني اللي بالشنطه وبعدين اروح ويوم رفض قلت انا جالس معك
بالشقه خايف اسكن لحالي بتطردني وانا خويك ياشنب هههههه

وحلفت له اني لازم اعرف سر الشنطه ..!!!!

وهو ماهو راعي سهر طلعت انا وسهرت وطول الليل وانا افكر ايش فيها الشنطه

افكار الدنيا براسي مره اقول شكله مهرب فيها بلاوي هو وشنبه المشبوه هههه

ومره اقول هذا يهرب فيها سبايك ذهب علشان كذا اتصل بناس كبار ظباط بالداخليه
وناس بالجيش كله حرص ع الشنطه !!!

ورجعت الفجر وفتح الباب ورجع نام وترك باب غرفه نومه مفتوحه ههههه

ودخلت اخذت الشنطه وفتحتها وكانت اامفاجاه ..!!!!

لقيت فيها بنطلون قديم لا مغسول ولا مكوي ومعرفط ع بعضه ههه
قميص عليه قلب ومكتوب احبك وشكله مقاي اكس عشره ههههه

وكرتونين فحم مربعات وعلبتين معسل عنب فل الفل

ونص كيلو خوخ صاير عصير من الحراره .هههه

وعدد واحد وعشرين علبه تونه قوووووودي بالفلفل
هههههههههههه


كل الفلم البوليسي هذا علشان يخبي علب التونه هههههه

ويسكن لحاله مايبي احد بدري عنه انه يقوم نص الليل يفتح علبتين
تونه وياكلها ويرجع بكمل نومه هههههه


ضحكت انا واياه اسبوع كامل .. ياخي قول انك مدمن تونه ههههههه

اسبوع ينام عشره يقوم الساعه وحده ياكل تونه يرجع ينام للصبح

الاستفاده من الموضوع ..!!!

للناس فيما يعشقون مذاهب

ولا ناخذ الامور بالظواهر وانما بالجوهر ..!!

وعطونا رايكم هل يحق لنا نسال خويانا بالسفر ايش فبها الشنطه
ههههه

سامحونا طولناها

مع السلامه
رد مع اقتباس
موقوف
المشاركات: 13,328
تاريخ التسجيل: Jun 2012
الدولة: بيتنا
إرسال رسالة عبر Skype إلى مزاجية
مزاجية غير متواجد حالياً  
قديم 2014-05-21, 05:46 AM
  المشاركه #2
الله يسعدك ياشيخ سرح حلو دخلتني جو وانلحس مخي بعد ابي اعرف وش بالشنطه هههههه الله يلوم من يلومك ومثل ماقلت انت
للناس فيما يعشقون مذاهب بس وش صار عالمصري تركوه ولا انسجن ولا وش؟
رد مع اقتباس
مزعوط نشيط
المشاركات: 112
تاريخ التسجيل: Apr 2014
الدولة: السعوديه
الصاحب غير متواجد حالياً  
قديم 2014-05-21, 07:32 PM
  المشاركه #3
اقتباس:
المشاركة الأصلية كتبت بواسطة وردشـان مشاهدة المشاركة
الله يسعدك ياشيخ سرح حلو دخلتني جو وانلحس مخي بعد ابي اعرف وش بالشنطه هههههه الله يلوم من يلومك ومثل ماقلت انت
للناس فيما يعشقون مذاهب بس وش صار عالمصري تركوه ولا انسجن ولا وش؟
الورد شان
هلا عميده حاره المزعيط

ياعميده المصري قفطوه امن الدوله في المطار

ومن طيبتي وتعاطفي معه قلت له قلبي معاك وربنا يسترها

وتاخذ اعدام بدون مقاطعه ههههههه

تحياتي لك ولكل مسافر وخاصه الشنطه

وكل واحد ياخذ باله من شنطته هههه
رد مع اقتباس
موقوف
المشاركات: 13,328
تاريخ التسجيل: Jun 2012
الدولة: بيتنا
إرسال رسالة عبر Skype إلى مزاجية
مزاجية غير متواجد حالياً  
قديم 2014-05-23, 07:07 AM
  المشاركه #4
اقتباس:
المشاركة الأصلية كتبت بواسطة الصاحب مشاهدة المشاركة
الورد شان
هلا عميده حاره المزعيط

ياعميده المصري قفطوه امن الدوله في المطار

ومن طيبتي وتعاطفي معه قلت له قلبي معاك وربنا يسترها

وتاخذ اعدام بدون مقاطعه ههههههه

تحياتي لك ولكل مسافر وخاصه الشنطه

وكل واحد ياخذ باله من شنطته هههه
المهم حمدلله على سلامتك وسلامه الشنطه ياباشا هههههه
رد مع اقتباس
إضافة رد

الكلمات الدلالية (Tags)
الشنطه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قصيده لمخاوي الشنطه ابووليد صاله عشاق المغرب العامة 3 2012-08-06 11:38 PM
قصيده لمخاوي الشنطه ابووليد الاستراحه 2 2012-08-02 05:02 PM
اهداء الى عثمان بزناس مخاوي الشنطه فياض خبير اغادير البرنس مصطي امواج الشمال حديدان المحب 777 ابوملك اغاني مغربية - اغاني مغربية mp3 - موسيقى 15 2012-02-04 10:38 PM
يوميات مخاوي الشنطه بالرباط مخاوي الشنطه ارشيف تقارير السفر الى المغرب 105 2011-09-18 01:10 AM


الساعة الآن 10:25 AM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81