يالربع ( وش لي فيكم ) لأول مره أسافر المغرب الفزعة

عزالله إني وحيد ياخوك خفت أجيب معي أحد ( فيلعمس ) أم السفره .. والحين فيه من يقول أغادير وفيه من يقول مراكش والله يقدم الي فيه الخير .. عموما الله لا يهينك ويجمل حالك.

أرحب يالمشرف عزالله كلامك مسئول من رجل مسئول الله يثيبك ويكثر من أمثالك ولا يحرمنا من مداخلاتك القيمه وحقيقه ماقصرت لا أنت ولا الشباب توجيه واهتمام وهذا ماهو غريب على الجميع وكلكم من نسل طيب الله بيض وجيهكم ويرزقكم الخير

هلا والله بولد الحجاز وترى مدة رحلتي ( 14 يوم ) وأنا معك لولا اختلاف الأذواق لبارت السلع لكن ( لا عاذر ) من الإستفاده من الطيبين شرواك والي مالي شوير شويره إبليس أعوذ بالله منه مجمل ومكثور الخير الله يحفظك

الله يطيب أيامك ويحفظك طيب ياطويل العمر ( دزني ) برقم سواق ولا راعي شقه أو شغاله أي شيء لوكان واحد ثقه يستقبلني في المطار ويوديني للفندق وبعدها ( الوجه من الوجه أبيض ) وجميلك واصل والله لا يهينك

((( ياحلو ))) ماقلت إنك حكيم وش ( مدريك ) إني محروم من ( ذالكلمه ) من يوم ولدت لليوم صدق الحكمه لها أهلها الله يزيدك من فضله وييسر أمرك وأمر كل من دخل على موضوعي وعلق وألف شكر للجميع.

اذا تبي السفره تكون جميله لا تعتمد علي احد
ولا تصير اتكالي بما انك وحداني شخصيه الوحداني لازم تكون قويه ويضع اسوء الاحتمالات ويواجه الصعاب بمفرده والله يبعد عنك الصعاب
قلتلك اخذ شوري وطير علي مراكش وانت قاعد 12 يوم جرب اغادير بس يومين وشوف الفرق
خل عنك الي يقول المنطقه هذي تنفع للوحداني وهذي للقروب كلها سوا تعتمد عليك انت
الناس تنصح باكادير لسبب معروف وهو صغرها لاكن راحت ايامها وصارت اشبه بما يكون حضانه او مدرسه لصغار السن والمراهقين والمبتدئين الي ضيعو الامه العربيه بأكادير

مادري كيف جات فكرة انك لو كنت وحداني لازم اقادير !!
انا رحت وحداني لأقادير ولمراكش...
اشوف مراكش احسن ... حتى لو كنت وحداني عند الخيارات متعدده سوا اسواق والا اسواق شعبيه واماكن السهر اشكال وانواع ... وخيارات السكن متنوعه ..
والمقاهي ... وكل شي هاني
مافي شي اسمه وحداني وقروب
صح القروب تصلح لهم مراكش عشان مثل ماقلت خيارات السكن متنوعه
ولو اقادير فيها ميزه اكبر من مراكش
صدقني بيروح لها القروب والوحداني

اخوي الشقردي كلامي مو معناه انك ماتروح لأقادير بالعكس روح لكن لا تفوت مراكش واذا جيت المدينتين بتعرف الفرق
اتمنى لك التوفيق

__________________

آجـسـآد نـحـيـا في شـعـور مـتـوفـي...

إخـوآن لآكـن نـآقـصـتـنـآ ...الأخـوهـ

شديد ماشاء الله عليك وماتعرف تلف وتدور دخلت للموضوع من الأخر وضعت حلول وعددت خيارات حقيقه انت جدا رائع وكلامك جدا واقعي وفي الصميم والله لا يهينك ويزيدك من فضله

مدة رحلتك حلوة جدا والفتره نوعا ما طويلة

انصحك تحجز طيرانك من السعودية علي كازا وعلي اقرب طيارة لاغادير

واجلس فيه كم يوم ومن بعدها اطلع علي مراكش واجلس فيها كم يوم بعد ومن بعدها خل اخر ثلاث ايام بكازا

يصير بديت بالبعيد ويكون التعب واحد

بالرغم من ان رجلك او ما تطب المغرب ما بتعرف شي اسمه تعب

ياطويل العمر أنا آسف ( ومالك مسفوه ) يوم تأخرت في الرد عليك والله ما ادري كيف طاف ودك علي رغم انه رد مليان ومتعوب عليه وبين طياته كثير من النصائح الي جدا مهمه وفيه مثل يقول ( مايحك جلد الا ضفرك ) بيض الله وجهك واعذرني ياخوي.