|
تقرير,,, اول زعطه لي للمغرب
بسم الله الرحمن الرحيم
اخباركم ييامزاعييط ؟؟ لي فتره وانا اهجول في الموقع الصراحه فااتني الموقع ياليت عارفه قبل السفره كان عرفتها قبل السفره بس يالله الجايات اكثر ان شاااء الله ندخل لصلب الموضوع ههههههههه والله من زمااان ماكتبت موضوع في منتدى احس اني قدييم ههههههه الزبده سفرتنا الموقره مكونه من اربع اشخاص وكلنا اول مره نزعط للمغرب وقبل المغرب مانروح المغرب سيرنا على بلجيكا وهولندا مالها دخل في السالفه بس على شان تعذرونا في تفاصيل الرحله طلعنا من الرياض يوم 15 /4/2014 الساعه 1 صباحا ع الخطوط المغربيه سير الرحله الرياض - كازا قعدنا بالمطار حول 4 ساعات - بلجيكا بروكسل - بعدين بالقطار ع امستردام - بعدين مشينا للمغرب يوم 22/4/2014 الساعه تقريبا 1 الظهر وصلنا لكازا الساعه تقريبا 8 العشااء ومن هنا تبداا الزعطه يتبع |
طبعا قبل السفره بشهر تقريبا الكل يبحث عن سكن ومافيه الى فرفره ندور سكن ومن سمسار الى سمسارثاني وانواع واشكال من الفلل الحلوووه طبعا بالصور فقط للاسف ومن سوء حظنا ان محد انتبه للموقع هذا
وفي الاخير حجزنا فله على انها 5 غرف وكل غرفه فيها حمام وانتم بكرامه مع صاله ومسبح خاص في حي تاركه او تاركا ماذكر الصراحه ومتفقين مع سواق يجي ياخذنا من كازا ويودينا للفله تبع السمسار الي حجزنا عنده وطبعا كنا متخوفين من ناحية العربون بس خليناه يحجز بدون عربون وصلنا كازا وانتظرنا السواق تعطلت عليه السياره وعاد من تطلع من باب الطياره ويبدا مسلسل الازعاجات لا من موظفي الجمارك او السواقين الي برا او اواو بس انا واعوذ بالله من كلمت انا ماعطي احد وجه ابد جمارك ولا موب جمارك طاق ام السباكه واي شي يقولونه اهز راسي مافهم ونطول على هالحاله لين يطفش ويمشي وطلعنا برا المطار وبدنا بالقروشه صدق ونشب واحد فينا نشبه الله لايوريكم من طلعنا وهو واقف جنبا شكينا بالوضع وقمنا ننتصل على السواق الي بياخذنا لين وصل وفي الفتره هذي جانا واحد معه شرايح جوال واستلمناه استلام اخذنا الشريحه ب 100 درهم اسبوع نت وفيها رصيد مدري كم شغلناها وعطيناه الدراهم ووصل صاحبنا ومازال الي واقف جنبنا من طلعنا ناشب لنا كلما جا يشيل الشناط نزبد له ويبعد شوي ويرجع رحنا للسياره وكانت جيب دفع رباعي برادو وصلنا السياره وبنركب الشناط الى يجي الي ناشب فينا يبي يركب الشناط بالسياره طبعا ماخلينااه وركبنا ونشب فينا نشبه الله لايوريكم يبي دراهم على لاشيء وانا استقعدة له استقعاد عطيته 10 دراهم تسليك خله ينقلع بس هههههههه ولاعجبته يقول جب زياده قلت ماتبيها جبها واخذها منه هههههههه لعل السواق قفلت الاخلاق معه وعطاه فلوس عاد هو بكيفه هههههه وصلنا الفله الساعه 1 الليل تعبانين جداا بعد رحله شاقه وكرف في اوربا لعل تلقينا الصدمه الاولى الفله مووب نفس الي شفناها بس مع التعب اخذناها يومين الحجز كان بادي من اول يوم عطيناه حساب اليومين اكمل بعدين :maroc (1199): |
سجلني متاااابع لك وان شاءالله تكونو انبسطتوو
|
وانا بعد رقم 2 بعد الغالي حبيبنا برستيج عالي
|
اقتباس:
من ناحية اننا انبسطنا مافيه احد يروح للمغرب مهما حدث له راح يكون مبسوط وهذي سر من اسرار المغرب العظيم |
اقتباس:
|
من بداية الرحلة لكشن
هههههههههه واصل واحنا متابعين لك يا وحش |
ههههههههههه سردك حلو
واصل |
نواصل
الفله صارت اربع غرف وحمامين حمام في غرفه ماستر وحمام مشترك وفيه حمام تحت عند الصاله الحمام المشترك كان رايح فيه ابو كلب بس كنا تعبااانين حييل المهم دفعنا حق يومين والسواق الي جابنا تزهل الوضع وقال فيه فله نفس الي تبون قلنا له اوك بكره نتفاهم اخذنا الفله ب ٤٨٠٠ مايعيبها الى الحمام وانتم بكرامه تكينا في الصاله مع السواق وكان معه دخان ودخنا وعم الضحك ارجاء الفله شوي والى تدخل الشغاله سلمت وقالت بتسهرون اليوم قلنا لا |
اسلم
|
| الساعة الآن 11:59 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط