محتار مدري وين اروح دلوني
في البدايه حبيت اصبح عليكم يامزاعيط كيفكم ان شاء الله بخير : (708):وماابي اطول عليكم بس محتار وين اروح لي مدينه من كثر ماشفت واطلعت ع تقرير الاعضاء الي اكثر من رائعه وحتى لما شفت التعاون والمساعدات الي بين الاعضاء شجعتني ع الاستفسارات واخذ الفائده منكم يااحبه فلو تتكرمون علي ببرنامج علما انه اول مره اروح المغرب وبصراحه احترت مابين الرباط واغادير وياليت تفيدوني بخصوص السكن ومن مجاميعه طبعا معي اثنين من الشباب واشكركم ع سعه صدركم |
انا ارشح لك مراكش واغادير لقربهما من بعض بعد افتتاح الطريق السريع ساعتين وانت في اغادير
واذا بقى معك وقت سير على الرباط يومين |
هلا بك يااحمد2ات ومشكور ع اقتراحك وبصفتك المشرف ع بوابه مراكش ممكن تفيدني بخصوص السكن بمراكش ومواقع السياحيه لانه مااخفيك انا مجنون تصوير وان شاء الله راح ازودكم ببعض الصور من رحلاتي لشرق اسيا واكرر شكري ياكبير |
ابد انت اجزم على مراكش وراح افيدك بالسكن والاماكن السياحية واذا كنت راعي تصوير فمراكش تصلح لك لان فيها اماكن الهام للمصورين
وبعدين اغادير قريبة اذا ملتوا من مراكش ازركوا اغادير يومين وارجعوا |
تسلم يالغالي ولاننحرم من طلتكم وتوجيهكم |
هلا وغلا منور الونيس لاتحتار ابد ونا خوك انت قلنا بس وش جوك بضبط والاعضاء موا مقصرين معك وعندك تقارير الشباب وبوابه المدن خذلك جوله واذا بغيت اي استفسار ابد حن حاضرين |
اقتباس:
اخوي الونيس انت من اي الناس في السفر لجل انوجهك التوجيه السليم والصحيح واقصد انت من يحب اليل والسهر او تحب النهار والفرجة تحب الهدوء او ليل صاخب تحب البحر المقهاهي او او او .. وانشاء لله نعطيك المكان المناسب لك بنصح والمشورة .. تحياتي لك |
بالضبط زي ماقالوا الأخوان ..
حدد لنا وش نظامك بالسفر .. وأبشر بالي يسرّك .. |
اقتباس:
اتشرف باخوتكم يابعدي بالنسبه جوي بتاع كله ماعندي مشكل ابدا ولا خلى ولا عدم |
اقتباس:
مشكور ع تفاعلك معي بالنسبه لي احب اني اوزع جدولي اليومي ولا اخلي ساعه الا استفيد منها يعني تقدر تقول ابي كل شي فيما ذكرت اعلاه وغير كذا (احب البر والمزيون) وتسلم لي ياكلهم |
الساعة الآن 11:57 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط