ياهلا ومرحبا فيك أخوي إقلاع,,,
معليش وأعذرني تأخرت على الرد في الموضوع,,,لاني انشغلت امس بكذا
حاجة وفي كل تأخيرة خيرة,,,
في البداية أشكرك من كل اعماق قلبي على جرائتك و صراحتك وطرحك الصادق,,,
واتضح لي من موضوعك ان هدفك هو قول الحقيقة والصدق اللي تقض مضجع المغرضين والمطبلين!!!
وانت من حقك مثل أي عضو ان تطرح رأيك بكل صراحة وشفافية بدون اي تزييف او تضليل,,,وتذكر ماشاهدت بكل وضوح,,,
أنا من هنا أشد على يدك وأحييك على اسلوبك في الطرح وقولك الصراحة حتى لو كانت
الصراحة ضدي أنا شخصياً فأنا أحييها وأرحب بها وأقبلها على نفسي,,,لان هدفها هو الاصلاح وتعديل الوضع الى الافضل للمسافر الى المغرب,,,
يعني انا على سبيل المثال لو عطيتك شقة بكازا ورحت وسكنت فيها,,,وانت رجعت من سفرك
وقلت ان الشقة فيها عيوب كذا وكذا قدام الاعضاء,,,فأنا راح اوقف معك واصلح الحال,,,وراح فورا اتوقف
عن عرض وتسويق لهذي الشقة بخصوص الاخطاء والعيوب اللي فيها,,,ولا راح اخلي
احد يجي لها او يقع في فيها واتورط,,,لان هدفنا هنا هو تسهيل كل ماهو صعب على
المسافر الى المغرب وتذليل الصعاب له,,,مو اني أورطك واسكنك بمكان على حساب
مصلحتي وفلوس تجيني أو أسكن ببلاش!!!
وثق ثقة تامة اني ماراح انزل مواضيع وافلام هندية ضد أي عضو علشان
انه ذكر حقيقة وعيوب السكن اللي عطيتة من أجل مصلحتي!!! مثل ماسوى معك
الطعس النصاب!!!
وحط في بالك اني على طول بوقف عرض وتسويق للشقة,,,ونلتفت لمصلحة
العضو قبل كل شي,,,لكن للاسف فيه ناس تبيعك من أجل حفنة من الدراهم!!! أو
انة يسكن ببلاش!!!
ومثل ماقلت لك,,,أنا أؤيدك وأشد على يدك,,,وانا تحت خدمتك وأوفر جميع
طاقتي اللوجستية وخبرتي في الشبكة العنكبوتية للاعضاء أمثالك,,,اللي لاتاخذهم
في قول الحق لومة لائم,,,
مشكور على تقريرك الصادق,,,وياليت تحكي لنا بالتفصيل القصة كاملة,,,من البداية للنهاية,,,علشان تكون عبرة لمن لايعتبر,,,وعلشان الناس ماتكون ضحايا للمنتجع جنة المهابيل,,,
تحياتي وأشواقي,,,