مزاعيط المغرب - السفر الى المغرب - تقرير عن منتجع جنة النخيل (دار العجزة) وقصة السمسار السعودي النصاب !!

ملاحظة ::
تقريري سوف يكون عن منتجع جنة النخيل ( دار العجزة) وتوضيح الحقيقة الكاملة عن المنتجع المعفـن ومدى استغلال السائح وخصوصاً الخليجي بمباركة السمسار النصاب ومنتدى التطبيل والعنصرية لكي لا يتم الوقوع في شبكة عصابة النصب والاحتيال والتطبيل وهذي الحقيقة اقدمها بين ايديكم .

البداية::
تم اختيار مراكش لزيارتها 8 ايام وبما اني اول مره اذهب للمغرب لابد من السؤال عن السكن وخلافة كنت مشترك بموقع منتدى التطبيل ورأيت موضوع عن منتجع جنة النخيل عرض خاص وحصري ومشفر واللي ما يشتري يتفرج من ذا الكلام وكاتب الموضوع السمسار النصاب السلتوح المهم تم حجز فله والرحلة بعد شهر وكل اسبوع اكلم السمسار بالموبايل وابشر واحلى فيلا (شغل مصارية حزبطك يا باشا وووووووو) المهم قبل السفر بيوم تم الاتصال بالعطس واكد ان الفلة في انتظارك واول ما وصلت المنتجع ويستقبلني الاخ رضوان وقالي الفلة محجوزة يا هو يمين شمال اتصل على السمسار مايصير يا السمسار انا مكلمك قبل شهر المهم قالو ما فيه غير شقة ونروح الشقة نبغى ننام من مطار كازا الى مراكش تعب واول مره نروح للمغرب كنت معتمد على السمسار ما نعرف شئ وقالو بكرة تجهز الفيلا قلت مو مشكل بكره بكره .
والله ويجي اليوم الثاني ها يارضوان قالي ماكاين والو يا هوووو يارضوان قالي زحمة بزاف ووووو واكلم السمسار ويقولي خليني اسوي اتصالاتي تكفي يا اللي يشوفك يقول مالك المنتجع والله محد درى عنك حتى رضوان معطيك اشكل عرفت هنا ان الدعوة ضحك على خلق الله وعيال بلدك وتطبيل من منتدى القذر لمنتجع خايس تم الانتقال الى الفله ثالث يوم بصعوبة بالغة .

عيوب الشقة ::
1- لاتوجد ادوات مطبخ حتى كأس واحد مافيه الثلاجة صغيره جداً.
2-الحمام الشطاف لا يعمل والبيارة منسدة حقت الاستحمام .
3- سعر مبالغ فيه 1400 درهم غرفتين وحمام واحد فقط.
4- مساحة الشقة صغيرة جداً .
5- الخدمة تحت الصفر .
عيوب الفلة ::
نفس عيوب الشقة بالضبط ما عدا يوجد حمامين + المسبح 2 متر الطول في 2متر العرض الارتفاع ربع متر بالله هذا مسبح ولا علبة تونة .

ملاحظة::: توجد فلل جدا راقية وروعة لاكن لا يشرف عليها رضوان هذي اسبشل اما الاعضاء اللي حاجزين عن طريق السمسار النصاب يسكنوا في اعفن الفلل والشقق و يتم تضبيط السمسار واصحابة في فلل جميلة طبعا بلاااااااش تم اكتشاف النفطة هذي بعدرجوعي وبان المستخبي وكلمت ناس كثير وقالو ا نفس كلامي عن المنتجع .المهم كملت المدة وعلى طول على اغادير دار الغنادير .

والان راح اتكلم عن منتجع جنة النخيل بصفة عامة وعيوب المنتجع ::

1- المنتجع جدا كئيب والله وتالله حتى دار العجزة ما يسكنوا فيه .
2- المطعم نصب في نصب واسعار مدبلة ثلاث دبلات ونظافة مهمله .
3- العساسين او امن البوابات تدفع يعني تدفع بالقوة كلمت السمسار يا هو ما يصير في الداخل والخارج قالي انا اعرف مدير الامن وانا اسوي وانا افعل وما عندك احد كله خرطي في خرطي .

هذي الحقيقة كاملة لا تتورطوا مع هذا المنتجع الخسيس شلة حرامية انا مايحزني ويكدر خاطري ان فيه ناس اول مره تروح المغرب وتصدق التطبيل للمنتجع والله حرام اجازة + فلوس + تعب = منتجع خايس تضيع السفرية عليهم ومالهم غير الحسرة .

ملاحظة مهمة جدا ::

تم طرح عيوب المنتجع في المنتدى الخساسة منتدى امسكلي واقطعلك وتم حذف الموضوع والسمسار النصاب نزل موضوع بدال ما يعترف بخساسة المنتجع اويرد علي ويقول الكلام غير صحيح والمنتجع كويس تم مهاجمتي بالسب العلني وعمل فيلم هندي طويل اني عملت مشاكل بالمنتجع واني واني واني وطبعاً رديت على كلامة السوقيوقلت هذا كلام غير صحيح وكله كذب وافتاراء عشان فضحة امام الاعضاء وتم حذف ردي وايقاف المعرف وتم الاتصال باغلب المشرفين وفهمتهم الموضوع لكن يقولون ما نقدر نسوي شئ هذا مشرف ويجيب اعضاء جدد للمنتدى ويسوي بهرجة للمنتدى لكن ما نقول الا الله غالب قلت ماقصرتوا وسحبت على المنتدى الخايس العنصري.
وقفة ::

عند حدك يا كثير الهـــرج تب
ولاتــمر النار وثيــــابـــــك حرير

كان لـك عزٍ بــذلي فـتـعـقـب
والله الا تـبـطـي وحبــلــك قصير

احسبك انك من صناديد العرب
واثر ساترتك عباتك يــــــاغرير

ماحسب للـسـوس زراع القصب
والقــــراده ما درى عنها البعير

ولو حسبنا للـحسايف والتعب
ما بذرنا يالــعــصافـيــر الشعير

عن هـلك ابــراي لله واحتسب
الــرجال اللي مــجـاراهم عسير

من قريش المصطفى وابو لهب
والـدغالب ما غشت عذب الغدير

للــرجال من الرجاجيل انـعتب
والزكا’ تحل في حـــــال الفقير

لعنبو وقتٍ غـدينابه حــــطب
تـــحرقه نــــــــارٍ يـثـورها اجير

ماالومك والزمن سوىالعجب
هو بقى غيـــــر الكرامه بالجفير

اخوكم / اقلاع

تقبلوا تحياتي العطرة
واي سؤال انا حاضر