10 ايام وبداية الزعطه

السلام عليكم

اخواني المزاعيط اسعد الله مساكم/صباحكم بكل خير لست من النوع الذي يجيد كتابة التقارير ولكن سوف اذكر لكم رحلتى بالمختصر وعلى شكل نقاط

الناقل / الخطوط السعوديه

الاقلاع من ابها الى الرياض وصلنا الرياض وكلنا شوق للمغرب اللى سمعنا عنه كثير ولاقد شفناه وفي تمام الساعه 3 عصرا تم الاقلاع الى مدينة الحلم الدار البيضاء ولاحظت ان العوايل كانو كثير معنا بالرحله لاني كنت متوقع ان المغرب ديال شباب وبس وبحدود 7 مساء هبطنا الى ارض مطار محمد الخامس وتم تختيم الجواز بدون اي مضايقات او اكراميات نزلنا مع الدرج وخذينا شرايح مغربيه وكانت مجانيه وفيها رصيد 20 درهم و2 ميقا نت قمنا وصرفنا دراهمنا من المكاتب اللى بالمطار وخذينا طاكسي ب 250 درهم لفندق فال دي انفا في البدايه كانو ناوين علينا قالو ب 500 قلت الله يخلي المزاعيط ماخلو شي الا دلولنا عليه توجهنا الى الفندق الجميل اللى انصح فيه وبقوه وكنا حاجزينه من بوكنق بحدود 570 ريال موقع الفندق جدا جميل ومطل على المحيط ويقع في منطقة عين ذياب المكتظه بعد الوصول خذينا شاور ع السريع ونزلنا لمطعم الفندق كان ودنا نجرب الطاجن خذينا طاجن وحريره وصحن مشويات وشحطونا ب600 درهم قلت لخويي هذى جزاة اللى ياكل مطاعم الفنادق واكل الله يديم النعمه بعد العشا خذينا جوله على الكورنيش الين وصلنا ماكدونالدز وقتها شفنا الشي العجيب قلت لصاحبي نفسي انفتحت للاكل ودي اتعشى مره ثانيه حسيت نفسي بعالم خيالي الجو براد والمكان عامر بالزاف والطيور من حولك اشكال والوان ودك تجلس وماعاد تقوم ابد بعدها كملنا طريقنا الين وصلنا مقهى مذهله كمان موجود بنفس المنطقه كان راسي يلف ابي شيشه دخلنا المقهى وطلبنا شيشه ب150 واتاي مغربي50 جو المقهى عادي ومايستاهل الواحد يروح له مره ثانيه رجعنا للفندق واحلا نومه بعد عناء سفر ويوم طويل , صحينا اليوم الثاني وكان كله تمشيه ع الكورنيش وسهرنا ب vip وماطولنا سهر لان اليوم الثاني رحلتنا على باريس ومنها على سويسرا والوعد بعد اسبوع يالمغرب

تقريرجميل و مختصر عن فترة وجيزة ...

سفرة موفقة وننتظر تقرير شامل لسفرتك

ان شالله
يخفظكم الله

ال في اي بي اذكر انه يفتح اول شي بالدور الثاني ويكون ع الطلب

وباخر اللي تنزل للمرقص تحت ويكون بالطاولة

باقي نفس النظام

تسلم على مرورك والاجمل كلامك العطر

هلابك مزعوط حجازي انا مثلك مزعوط لكن جنوبي

بالنسبه ل vip الدخول ع طول للمرقص على الطاوله وسعرها تقريبا 1400

بعدما قضينا اسبوع كامل في ربوع اوروبا مابين فرنسا وسويسرا واستمتعنا بالتمشيه في شارع الشانزليزيه وبحيرات سويسرا وانهاراها وجبالها خصوصا مونترو وانترلاكن اللى تسحر بطبيعتها كان لنا عودة لمغربنا الحبيب واحنا نقول وشلون نترك هالمناظر ونرجع المغرب ومادرينا ان الزعطه بنتظارنا في مراكش الحب سحر البشر غير عن سحر الطبيعه وحياة النهار انقلبت الى حياه ليليه سهر وتنكس الى الصباح وصلنا المغرب الصباح تقريبا 11 وخذينا قطار من كازا الى مراكش وسعر التذكره كان 120 درهم درجه اولى وبعد مرور 3 ساعات وصلنا مراكش وكان الجو حار بدينا نحس بالملل من عقب الطبيعه والامطار حر وشمس قويه خذينا طاكسي وكانت النيه ع النخيل الدرقاوي وكانت المفاجاه ان الفلل عامره كلها عشان ايام عيد ومالقينا الا في بوابه 3 وكانت كلها عوايل يعني ممنوع دخول اي ضيف قلنا الشكوى لله ناخذها يوم وبعده نغير نزلنا عفشنا ونومه عميقه بعد عناء سفر صحينا اليوم الثاني وكنا قد اخذنا سياره خاصه مع السايق بحدود 600 ردهم والسواق معاك 24 ساعه على الاتصال متى مابغيت يجيك وكلمناه يدور لنا سكن ومن حسن حظنا لقى سكن بالنخيل بوابه 6 اقرب بوابه للنرجس حتى كنا نروح له مشى دقيقتين وانت بالمرقص
طبعا كانت الفله مكونه من غرفتين وصاله سعرها مع الخدامه 1800 درهم لاتستغربون من الاسعار ترا عيد وزين اذا لقيت قمنا وكلمنا الشغاله تجيب اغراض المطبخ وضبطت لنا احلى كبسة لحم وبعدها ترويقه شاهي دقيت عالسواق قلت يالحبيت يومين راسي يلف ابي شيشه قال مالك الا قلييز قلنا صافي ونروح لمقهى 113 خلف ماكدونلز اللى بقيليز دخلنا المقهى وكان عامر بالزاف طلبنا شيشه بحدود 80 درهم بس ياهي تستاهل احلى شيشه بالمغرب كله وهناك كانت بداية الزعطه الفعليه بالمغرب تخبرون اخوكم قاعد يشيش في امان وناسي الدنيا وراه وفجأه يدخل ذاك الطير اللى ماقد شافت عيوني مثله سبحان من صوره ويرميني بنظره وانا اغني له من بعيد واقول
عيني انا بعينها والقلوب ابعاد اخشى هدب عيني يلامس هدبها
مقوى الحكي حينها والقلب مااعتاد على اللى قال حبها من عرفها

مراحب ..حمدلله على سلامه… ومنووور… اجل عيني انا ف عينها… منت هين منت بسيط لزوم نعلم. الشيخ بالسالفه…. ههههههههههه… ووواصل ي مزعوط صغير… تحياتي لك

يسلم عمرك اخوي هههههههههههههه انت اللى منور بطلتك الحلوه

لاتعلم الشيخ وتفضحنا هههههههههههههههه

لو شفت اللى شفته غنيت مقادير ياقلب العنا مقادير خخخخخخخخ

الحمد لله على السﻻمه...هي المشكلة النظره ذي اللي تخليك تغرز بالمغرب ...تقرير جميل ﻻ يوقف

الله يسلمك يالغالي اللى يخليك تغرز بالمغرب شعور وحاله غريبه صعب تفسيرها

وعلى قولة عبدالله الفيصل

اشتقت للمغرب ونا توني جاي والله يصبرني على نار شوقي