تكفون يالمزاعيط اشيرو علي
هذا سلمكم الله واحد من الاصدقاء احب مغربيه عن طريق معرفة بالنت ويريد الزواج منها
الحقيقة انا شفتها بالصورة معه حلوة جدا وتستاهل بس كبيرة شوي وعمرها يمكن 30 او 29 بس يقولي وش رايك ابتزوجها واجيبها للسعودية قلت له لازم تسال عنها اول وتشوف الامور ما تاخذ بمثل هذه العجلةومعرفة النت تكون احيانا علاقه عابرة تنتهي بهدؤ دون اي تعلق ما ادري وش اقوله بس نشب بي يبين اروح معه وانا ماودي اروح الا لوحدي لان الرجال فعلا رجال بكل ما تعني الكلمه ومتدين وانا رجال.. بس ..؟؟ احب الحياااااة والحياة حلوة بس نفهمها....؟؟؟!!!! لذلك ابي رايكم ايها المزاعيط وبالذات كبار المزاعيط واهل العقد الحل ومشائخ وعمد المزاعيط واعيان المزاعيط وكل مزعوط يحب الحيااااة داردار وزنقةزنقة وزعطة زعطة محبكم المسااااااااالم الحنون |
والله ياخلفهم الشور بذا الأمور صعب ..
تخاف تقول خله يتوكل على الله .. وبعدها يكون وضعهم مزري ويجي يقول انت الي ورطتني .. وتخاف تقول ابعد عنها واعقل .. يقولك ايه إنت اصلا ماتبي لي الخير وتغار مني ..!! :D لكن مافيه مثل شرعنا الاسلامي .. يتوكل على الله ويصلي له ركعتين استخاره .. وان شاء الله ربك بيهديه للأمر الي فيه خير له .. |
ابشر بنصح لك رسالة على الخاص |
هلا بحبيب قلبي مسالم حنون
انا مانصحة ابد معرفة النت مخيفة وغير كافية ابدا انتبه وحذر خوياك المسألة زواج مش جلسة كابتشينو في كافي |
مسالم حنون.....
اليك وجهة نظري..... ومشورتي فالامر. اولا وقبل كل شي كما ذكر مميزنا ان الاستخارة هي الفاصل. اما الاعجاب الشديد والعشق المجنون او ماقد يسميه البعض ب " الحب" قد تكون له الشرارة الاولى من النت...وكيف لا وقد اصبح النت مقلبا للحكومات وطريقة امنه للحجوزات... للقطار والفنادق والظائرات بل واصبح مصدرا للدساتير والاحصائيات!! اذن فقد تقع الشرارة خاصة من اطراف متعطشون للحنان ومتلهفون لحب تايتنك والمسلسلات... اما الخطوة التالية ان كان الامر جديا فهي التعرف الجدي باللقاء وجها لوجه والتعرف الحقيقي.... ولو لايام. هذا بشكل عام..... والبقية سيكون همسا في اذنيك . |
والله ياغالي مادام المعرفة نت,,,فأنا انصحك ان تبتعد ولاتخلي خويك يطيح في فخ منصوب له وهو مايدري,,,يبي بنت الناس البيوات واجد وياكثرها بالمغرب,,, لكن معرفة نت ويبي يتزوجها على طول!!! عز الله ان خويك مشفوح ومنعمي!!!ومضحوك علية!!! رجاء كل الرجاء انك تنصحة وتشد علية انه ينتبة لنفسة ولايكون ضحيه لها,,, تحياتي وأشواقي,,, |
انا اقول يساوي صلاة استخارة و يتبع قلبوا و يجي على المغرب و يسال عن اهلها و عنها وادا كانت بنت حلال راح يبان و ادا العكس راح يبان لانو مافي شي متخبى فهادا الزمن.
وصراحة انا اعرف ناس تزوجو من خلال النت زواجهم ناجح 100/100 و الله يجيب اللي فيه الخير. |
شكرا لكم جميعا
اتعبتكم معي ياعيون المزاعيط رايكم موضع اهتمامي وتقديري سافعل ما شرتم به علي لكم ودي واحتراااااامي مسااااااااالم حنون |
رد: تكفون يالمزاعيط اشيرو علي
الله يوفقة والى الامام الامام
|
رد: تكفون يالمزاعيط اشيرو علي
والله امر صعب البت فيه لازم يعرف البنت اذا كان كويسه
مو خلاص صارت مزيونه يقول مافي الا هي هذا زواج مو لعب و الاخلاق امر مطلوب بكره بتصير ام عياله و بتربيهم وايضا اذا هو تعلق بملامح او كذا اقولك من الحين صور و كام وهذا ما ينفع مره ترى قد تمنكحنا في ذي الامور كثير هههههههه ما فيه احسن من المعاينه على الطبيعه اذا كانت البنت محترمه نقولك مثل ما قال القذافي الى الامام خطبه خطبه ملكه ملكه زواج زواج :cupidarrow: |
الساعة الآن 10:33 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط