الْحَوْلي و المدرسة
علا صوت عمي التهامي و هو ينتظر دوره عند توفيق الحلاق : ” غي من هذي لهاذي ، المدرسة خْلاتنا و عَرّاتْــنا ، بزاف هاذ الشي ” ابتسم توفيق كعادته محاولا تهدئته : ” العلم نور ، و كل درهم تنفقه في سبيل العلم و التعلم ،فأنت مأجور عليه عند الله و لا يذهب سدى ” فقاطعه عمي التهامي : ” وا منين نجيب هاذ لفلوس باش نقريهوم ، انا خدام جورني ، خمسة ديال النفوس يقراو ، شي خاصو الدفاتر شي الكتب شي الكسوة شي الطوبيس ,, ها فلوس التسجيل كل عام ، ها الجمعية ,,, لا اله إلا الله ، تقهرنا…” تدخل الحاج عبد الرحمان متنهدا : ” رحم الله أيام زمان ،كان التلميذ لا يكلف شيئا إلا دفترا وكتابا و قلما و حتى المحفظة كانت عبارة عن ” خنشة ديال الدقيق ” لا غــــــلافات لا زواق و قرات الناس و توظفات و خدمات لبلاد ,,,اما اليوم ” كارو ” ديال الأدوات من كــــــــل نوع و تقرا فيه هاذ العام و الله يهنيك ، و التلميذ ما يهجيش لحروف “مثله كمثل الحمار يحمل أسفارا ” ضحك توفيق الحلاق و خاطب عمي التهامي : ” دعنا من المدرسة ، قل لي كيف حال سوق الغنم ؟ ها المدرسة مشات و الحولي أش خبارو ؟” تنهد عمي التهامي تنهيدة عميقة لخصت آلامه و معاناته :” إوا يجيب الله ، ما ينساش عباده ” انطلق الحاج عبد الرحمان يحكي عن مشكل الغنم و عن غلاء العلف و معاناة الفلاح الصغير: ” المشكل أن الغنم متوفرة في الأسواق ، و لكن المشكلة في تدخل المضاربين والسماسرة و الشناقة ، في الوقت الذي تطالعنا فيه وسائل الإعلام بأن الغنم متوفرة وبصحة جيدة و أن العرض يفوق الطلب و كيف أصبحت الأضحية مباهاة و تباهٍ بِحجمها و ثمنها إذ حادت عن سُنيتها ، في الوقت الذي تتمنى فيه شريحة كبيرة سماع صوتها بغض النظر عن حجمها ” ” اللي فيها الخير الله يجيبها و اللي فَلْمَكْتاب غادي يجي ، كلشي يْعَيَّدْ ،وكِيفْ سَلَكناها مع المدرسة غادي تسلك مع الحولي ، رحمة ربي كبيرة ” كلمات رددها عمي التهامي و هو يقوم ليأخذ دوره للحلاقة ,,, إنها معاناة تليها معاناة كلما حلت مناسبة ,,,” مصائب قوم عند قوم فوائد ” |
عواشير مبروكة،بالقعدة والدربوكة والجلسة في الفلوكة بالحلاوي والدكوكة والعاصير ديال لافوكة والشلايض محكوكة وشي مونادا كوكا والطنجية باللحم مدكوكة والجلسة مع الحباب مشروكة والناس من الكريدي مفكوكه❤
|
علينا وعليك ياربي شكرا :thumbup1:
|
الساعة الآن 09:35 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط