|
رحله اكادير..السكن والسياره
الحمدالله وصلنا البارح من من المغرب وحبيت انقل تجربتي المختصره في السكن والسياره للافاده. طبعا احنا سوينا حجوزتنا او نلاين كالعاده عشان نرتاح من الصداع. اول ماوصلنا المطار رحنا لشركه دولار الي كنت مسوي فيها حجزي اخذنا رينو ٤ ابواب ب ١٨٠ لليوم، وعلي طول مسكنا الخط بنروح لاغادير، طبعا اول تفتيش بعد المطار وقفونا عطيته الاوراق ورقه ورقه قتله اذا ناقص شي قولي ارجع المطار قالي سير ونفس الشي دخلت اغادير. وصلنا اغادير علي طول المرجان شرينا الي نبيه ومشينا اماديل حجزنا كان ١٢ يوم غرفتين علي البحر مع فطور وعشا سعر الليله ٧٤٠ درهم للغرفه وهذي فايده الحجز اونلاين. الحمدالله انبسطنا ولا اضطرينا ندفع لاحد لا من استقبال ولا سكرتيه في الفندق. بالنسبه للثلج تعرفون الجو حار كنا نخلي الي معنا كل يوم يجيب ثلج بشنطته ونفس الشي اذا بغينا نجيب اكل للغرفه. بالنسبه للسهر ماكنا ناخذ طاوله علي البست لان الطاولات الي وراي تكون علي الطلب فبدل ماندفع الف وفوق كانت فاتورتنا اقصي شي ٥٠٠ درهم. من بعدها رحنا الرباط. هذي باختصار تجربتنا من ناحيه الاسعار.
|
وش شروط استجار السيارة طلبو منك مبلغ تامين او بطاقة فيزا او مستر كارد ياليت تفيدنا
|
بطاقه فيزا حط هولد علي ١٨٠٠٠ الف درهم
|
الحمد لله على سلامتك واهنيك على ترتيب الرحلة وياليت توضح عن السيارة وطريقة المكتب في التعامل وياليت ترسل خاص رقم المكتب
|
٧٤٠ درهم !!!
الظاهر تقصد ٧٤٠ ريال |
الحمد الله على السلامة يا غالي ياريت تحدد العملة للسيارة درهم أو ريال لليوم يعني 180 أيش ؟ والموديل لو سمحت وهل هو 2014 أو لا ؟ |
السياره اجارها ١٨٠ درهم مغربي (٢٠ دولار باليوم) موديلها ٢٠١٢، حجزتها من النت عن طريق شركه (اسمها دولار) مو مكتب.. الشركات يكونون تحت في اخر المطار مثل دولار، بدجت، ايفيس .. شركات عالميه كل المطلوب بطاقه فيزا واخذ تامين منها ١٨٠٠٠ الف درهم مغربي.
وفندق اماديل الليله علي البحر مع فطور وعشا ٨٢ دولار امريكي = ٣٠٧.٥ ريال سعودي + تدفع ١٧ درهم مغربي في الليله الضريبه. الاوروبيين الي يجون اماديل او اي فندق حجوزاتهم اما عن طريق مكاتب ولا نت بنفس السعر وفيها فطور غدا وعشا وشراب تلقاه حاط اسواره بيده ، مستحيل اجنبي يدفع ١٢٠٠ او ١٤٠٠ درهم في الليله ونفس الشي للمغاربه يستعملون مواقع فرنسيه. بالنسبه للحجوزات نفس الي كنت اسويه بامريكا واروبا سويته في المغرب كلها من النت. |
الحمد الله على سلامتك..أعجبني فيك انك واضح وصريح بدون هياط واستعراض ماله لزوم.
عندي سؤال بالغالي حجزك بفندق اماديل عن طريق اي موقع؟ |
شكراً بزاف وصلت المعلومة المطلوبة :thumbup1: |
اقتباس:
الله يسلمك نقلي للتجربه كان للافاده لا اكثر.. بحكم اني استفدت من تجارب الاعضا الي ماقصرو باستفسارتي مع اني اروح للمغرب كثير لكن مشاركه التجارب لابد تطلع منها بفايده او شي مامر عليك مهما كنت خبير. بالنسبه للموقع ادخل علي Compare & Save on Cheap Hotel Deals - HotelsCombined بيقارنلك الاسعار في اكثر من مكان اختار الارخص نصحيتي لك انك ماتختار ريال سعودي لانه علي طول بيعطيك سعر عالي + احجز من بدري بفتره .. حجزنا كان قبل شهرين من سفرتنا. او سو بحث بقوقل cheap hotels ادخل المواقع وشوف الاسعار واقري التعليقات. |
| الساعة الآن 01:48 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط