الى اخوي رادوني وباقي الاعضاء اشيرو علينا بنصايح لتاريخ جديد .. المواضيع قديمه واحترت فيها ,,
 

السلام عليكم

مثل ماوضحت بالعنوان ,, اخذت لفه عالمواضيع واستفدت الكثير منها لكن عندي كم نقطه ياليت تفيدونا

اولا انا مسافر لوحدي الثلاثاء بتاريخ خمس وعشرين واول مره اسافر للمغرب
ومدة سفرتي عشر ايام
خمس بمراكش وخمس باغادير وقررت تكون اغادير اول مدينه وبعدها مراكش

الزبده
انا محتار مابين صحاري ومارينا باغادير .. ناس تمدح وناس تذم !!!
ابغى الافضل بينهم لان المواضيع قديمه واكيد تغير النظام وتغيرت اشياء كثيره

ثاني شي
لقيت ناس تسب بمكتب المؤيد ,, فيه بديل احجز عن طريقه السكن ؟؟

باالنسبه لمراكش .. فيه بديل عن النخيل لانه بعيد عن البلد وانا ابغى شي امن وامان عند جليز اروح وارجع برجلي منها اخفف كرشي بالحركه هههههه
وحتى لو ماهي امان اعطوني اسماء الفنادق اللي عند ماكدونالدز جيليز .. عالاقل اسكن فيها يومين اطقس الوضع وبعدين ثلاث بالنخيل
واذا انحديت عالنخيل وسكنت فيه .. وجو ضيوفي لازم ادفع للبواب مبلغ ولا اسحب عليه ؟؟ انا اكره ماعندي دهن السير اذا بعططيك اعطيك من كيفي واكرمك من كيفي .. لاني اكره الاستغفال والاستغلال ..

والشي الاخير
اخوي رادوني ولايهونو الاعضاء بما انك خبره ,, تقدر تعطيني ارقام ناس ثقه اتعامل معاها بمراكش واغادير ؟؟


الله لايهينكم ومشكورين مقدما

بجاوبك عن اقادير بما اني من عشاقها

المارينا استكنان وهدوء وموقع رايق ويسمح بدخول المأكولات والمشروبات على مدار الساعه وهي اربع عماير وكل عماره عندها بواب ما يكلمك ولا تكلمه الا اذا جبت ضيف وسجلت اسمه بالرسبشن تعطيه ورقة السماح بالدخول

الاثاث متوسط والنظافه جيده ويومياً يجون شغالتين بالشقه ينظفونها

مشكلة المارينا في الفطور خصوصا الفجر بعد السهر لكن تقدر تحلها بالمطبخ عندك تطبخ بنفسك

كنا نطلب من المطعم الي فوق السكاي والرسبشن صحنين شكشوكه وثلاثه عصير برتقال ٤٦٠ درهم !!! والعصير مضروب طبيعي مخلوط مع عصير برتقال من البقاله ؟!!

صحارى يتميز عن المارينا بالفطور والاثاث افضل شوي

لكن المارينا يتميز بدخول الماكولات والمشروبات والموقع الجميل والهدوء

بما انك اول سفريه اتوقع تقضيها كلها في اقادير

اتمنى انى قدرت افيدك وسفره سعيده

الف شكر اخوي فلالي على ردك

انا مايهمني الفطور وعادتي اقضي للثلاجه لاوصلت عصيرات وبساكيت وكذا واذا صحاري مايسمح بدخول الاغراض من بره فهذا الفندق مايصلحلي ابدا وهذي نقطه جدا مهمه افدتني فيها

لا صدقني بمر على مراكش واخاف من ثاني يوم اترك اغادير اذا عانيت بالسكن ,, لاني على ما اسمع غاليه على قلة سنع فهي بتكون تجربه سفرتي ذي ,, ان انبسطت رجعت وان ما انبسطت قفلت عالمغرب بالشمع الاحمر والله يخلي دبي للترويح عن النفس.

اكيد افدتني ماقصرت بارك الله فيك

وليش ما تراسل محمد عاطي عالوتس وتعرف اسعار المارينا او تمر مكتب المؤيد وتكون الصوره واضحه عندك

عموما السكن باقادير مقارنة بالسعر يعتبر مبالغ فيه ولا تقيسها بفخامة دبي

السكن كثير ومتنوع وفيه الفخم واسعاره حلوه لكن اللي يجبرنا ع المارينا وصحارى وغلاها هو الضيوف وعشان نرفع الصوت براحتنا ومحد يقولك شي

اذا منت راعي ضيوف صدقني تسكن بأرخص الاسعار في اي مكان وانت مرتاح وآمن


اتمنى من الاخوان يضيفون رأيهم عن اقادير ومراكش ويفيدون الجميع

اكلم واراسل محمد عاطي وولا يرد

وبعض الاخوان ماقصرو بالخاص بيض الله وجههم

وانت ماقصرت يالذيب الف شكر لك

والحمدلله ان شاء الله اموري اتضبطت

بس صراحه اتمنى ان المنتدى يطور اكثر واكثر بالذات ان المنتدى الاول بوابة العرب المسافر بيقفل وينتهي
ومافيه منتدى نشيط

هلاوغلا

نصيحه خذها مني وانا اخوك احجز لك سويت غرفه وصاله بالمارينا بالجو العليل الوقت هذا صدقني الجلسه بالليل حلوه واحجز عن طريق محمد عاطي او راسلني ع الخاص اوصيلك شخص هناك يضبط امورك صحارئ زحمه والتكاسي والشحاتين مالين البوابه خذها مني نصيحه اسكن بالمارينا واذا بغيت شي راسلني والاخوان فوق ماقصرو


تحياتي لك

مشكور اخوي واان شاء الله ان الامور تضبطت
ماقصرو الشباب هنا او بالخاص

لاهنتم جميعا وبارك الله فيكم