الروزقاردن

جئت من اكادير يوم ٢٠١٤/١١/٢٥
وقبل الدوارالي قبل الروز وقفنا الدرك مالقي شي مخالف قال انتو خارج النطاق الحضاري ولا زم تربط الحزام الخلفي المهم اخد ١٠٠ ومشينا
ونزلت مباشر على الروز كان استقبال جيد من البوابه والاستقبال
اخذنا شقه ثلاث غرف في الاستقبال قالو لي ٣٣٠٠ قلت اشوف الشقه اول شفت الشقه كانت في الأخير جنب الجاكوزي كنّا في الليل وتعبانين المهم كانت مبارة المنتخب مع قطر انتهت وفي الشقه ثلاث تلفزيونات كلها نو سقنل كلمنا الدري الي جاء يورينا الشقه وكان المطبخ مافي نور وغرفتي مافيها نور الا نور الحمام المهم كلمته على هذي الأشياء قلي الان أكلم الصيانه ودأبا يصيبو كل شي
وقلتله ٣٣٠٠ كتير نقص قال ننقص مئه قلت لا ٣٠٠ فقل ماشي المهم سكنا وحطينا العفش وعلى مطعم علي بن فلاحي انبسطنا الحمد لله
رجعنا الشقه ولبسنا وعلى الديوان ورجعنا ومعانا ضيوفنا والأمور تمام الأمان موجود والضيف الي بلاك لست مايدخل ومافي جمارك على الباب وكله تمام
لأكن ماصلحو وإلا شي في الشقه كلمناهم مره تانيه قالو دابا يجي عندكم واحد يصوب كل شي طبعا أنسى وكل يوم زي كدا
وصبت المطر واحنا نايمين ودخل الماء من الشباك وكانت بعض أغراضي في الارض والجاكيتات كانت على الكنب جنب الشباك وسارت كلها ماء والأرض كلها ماء طلبنا النظافة وإلا احد جاء طبعا
والحمام السيفون خربان وشباك الحمام مافيه ستاره يعني اي واحد من برا تشوفه ويشوفك ولا فيه اي مناشف
والمطبخ مافيه ولا ملعقة ولا نور وقليل من الحشرات والذباب
المهم ثالث يوم قلنا لهم شيك أوت جانا الدري الى في الاستقبال قال ليه طالعين قلنا له الشقه زباله والخدمات زباله قال لاتخرجو انا اصلح كل شي الان قلنا له ولا دقيقه قال طيب أغير لكم الشقه ، سالت الشباب قالو نشوف الشقه شفنا الشقة كانت أحسن كتير من الاولى ونقلنا لها وكان التلفزيون خربان وصلحوه على طول وبعد ثلاث ساعات خربت كل التلفزيونات ومع المطر بدائت الغرفة الي في النص الي فوقها قبه كبيره بالتنقيط من الأربع زوايا
والمطبخ كان مافيه اي أغراض للطبخ وكان ينقط من السقف وبس طلبنا الطباخه جات وجابت معاها جميع أغراض المطبخ ونظفت الشقه وزبطت الامر
رحنا المطعم الي جنب الاستقبال مافي الا وحده الي تخدم وتوصل طلبات للفلل وتنظف وتحاسب ماباقي الا تاكل معنا ورحنا الله يكرمكم للحمام وكان مافي نور ولا مناديل وكل واحد دخل بكشاف جواله وكان المطر نازل وكان الاستقبال كله سطول عشان الماء الي نازل من السقف
قعدنا يومين وخرجنا اليوم الثالث رحنا نعمل شيك أوت من الساعه١٢ وواحد من الشباب عندهم مارجع الا الساعه وحد ونص ولسا ما خلص
وقالو له نبغى كاش قلهم مافي الا بطاقة قالو أوكي بس ناخد ٥٪ على المبلغ قلنا بس خلصنا المهم جاء الدري معاه وحده تشيك على الشقه ودخلت على غرفتي مباشرة ولفت لفه كدا ومسكت البطانية وقالت هادي محروقة منكم لانها جديده واحنا لما نقلنا الشقه كأنو فيها ناس وكانت تتنظف وانا من الناس الي ما ادخن في غرفة النوم وجلستي دائما في الصاله سالت الخدامه قالت اسمح ليا انا ماقدر أتكلم
المهم رحنا الاستقبال قال حق البطانية ٤٠٠ قلنا له بعد جدل هدي ٤٠٠ هي هات البطانية قال لا البطانية حقها اكتر من كذا بكتير بس ٤٠٠حق تصليح الحرق اها تصدقو الحرق والله لدعه قد حبة العدس يعني اذا مادققت ما تشوفه
قلنا لهم اعطونا فاتوره ب٤٠٠حق البطانية قال انتو زعلتو خلاص خذو الفلوس قلنا مانبغى فلوس نبغى فاتوره وأعطوني فاتوره بعد مشاورات
هدا الي حصل معي اقسم بالله لا زياده ولا نقص

من طلع من داره قل مقداره

الناس تسمع بس التجربه غير المره جايا مرحبا فيك في اماكن احسن وارخص

للآسف يجيك البعض يمجد ببعض المجمعات المستهلكة بحجة الامان والآمان ... مشكور اخي على نقل تجربتك وعلى المجمع اعادة النظر في الخدمة اللى يقدمها لرواده ..

تكلمت ونصحت اكثر من مره الروز قاردن اسوأ منتجع شفته في حياتي
لا خدمة ولا اثاث وغلاء فاحش
واخر شي يجي واحد غشيم يقولك امان
يا شيخ المغرب كله امان
اختصار الكلام مراكش اكثر مدينه مغربية تحصل فيها سكن يناسب الخليجي وباسعار جدا رخيصة والكلام هذا موجه للمزاعيط الجدد

اشكرررررررررررك اخوي البهجاوي


على نقل التجربة انا رحلتي الخميس الجاي انشاء الله بتاريخ 11 / 12 / 2014

وكنت حاط في القائمة السكن بالروز قاردن بس بعد نقل التجربة هونت سعر مبالغ

فيه اضافتا خدمة سئية يعني النحشه والسكن بالدرقاوي ممكن يكون الحل الافضل


تحياتي لك بواقع تجربتك بالسكن بالروز

الروزقاردن لو يعطوني سكن ببلاش ماسكنت فيه
باعتقادي الشخصي الدرقاوي وبس وجهه نظري

في فلل خاصة وامااان والله 5 نجوم و أثمنة مناسبة ، لأن مشكل المنتجعات ان ما في صيانة شاملة و يستعصي عليهم التحكم في الصيانة و كذالك استفزاز البوابين لأنهم ينظرون الى الزبون كبقرة حلوب ، والله انصح الشباب بالتواصل مع وكالة مراكش الاستثمار والله فلل راقية ومعاملة أخوية . وسمعتهم زي الفل

انا ساكن الان في الروز واحلا مجمع والبوابين والاداره من احسن التعامل الي لقيته خلال سفراتي للمغرب.

بدون اضاءة وامطار تسرب عليكم وبدون تلفزيون


رايحين كشته مو رايحين المغرب


يعطيك العافية على تنبيه المزاعيط

وأعتقد الروز قاردن لهم حساب هنا ويسون فيه عروض وتخفيضات

أتمنى يوضحون الموضوع