استفسار عن اماكن السفر انا و المدام

السلام وعليكم لاعضاء المنتدى وهذه اول مشاركة ليا.

قررت اني أخذ المدام و العيال ونروح لمراكش لمدة أسبوع. من عادتي اني ابحث جيدا عن اي امكان أبغى اسافرله. اللي لفت انتباهي انه اغلب المشاركات تكون شبابية وندرة المشاركات العائلية.

سبب اختياري لمراكش وجود منتجعات بألعاب مائية وأسعارها معقولة جدا نظام محمول مكفول all inclusive زيها زي أنطاليا وشرم الشيخ.

بالنسبة لأولادي دي تعتبر جنة و البرنامج شكله كده ما راح يخرجو من الفندق وخيقضوه لعب وسباحة واكل وبالكثير الساعة ٨ نايمين.

السؤال اللي يطرح نفسه اذا حبيت اخرج اسهر مع المدام فين نروح. كنت أدور على سهرات عربية زي نظام مصر و لبنان ودبي. اماكن يروحها المغاربة مو الشباب الخليجي.

مثال عشان يتفهم اكثر زي موال في دبي او نهاوند في لبنان او دار القمر والباشا في القاهرة.

نوع السهرات اللي تبدأ من ١٠-١١ و تنتهي ٢-٣ بالكثير.

افيدونا جزاكم الله خير. اخوكم بندر

روح أبها

ههههههههههه لو تعطيني فلوس ما رحت

مراحب ..
رحله سعيده
تروح وترجع بالسلامه ..
مااقد افيدك عذرآ ..المزاعيط ماراح يقصرون معاك..
عندك على سبيل المثال مطعم علي بن فلاح مناسب واجواء جنادريه مصغره ..ولكن مايطول في اليل ..
تحياتي

شكرًا سكوار فيكم الخير والبركة

سهرات عائلية بمراكش ، مو موجودة هاذي الصراحة.
ممكن مطاعم فيها تنشيط و موسيقى ، لكن السهر مع العائلة مستحيل تلقى شي .
السفر لمراكش مع العائلة ارخص بنسبة ٧٠٪
بالمقارنة مع السفر العزابي ، منتجعات شقق فنادق ... كلها رخيصة .
يعني تستغل هاد الفرصة ، احسن حاجة.
مراكش للتمشيات و تزور مواقع اثرية ، و تمشيات خارج المدينة ، ركون خيول ، دباب ، buggy. شلالات ، تزلج بالجبال .
السهرات مع العائلة 0

شكرًا محمود. السؤال اللي يطرح نفسه أهل المغرب نفسهم ما يسهروا يعني السهر خارج ثقافة المغاربة.

ايش افضل المطاعم اللي فيها تنشيط و موسيقى او عروض وهل كلها موجهه للسياح الأجانب.

مافي اماكن فيها باند عربي تخت شرقي او رقص شرقي.

اسف على الإزعاج بس بحاول ارتب نفسي.

اخوكم بندر

مرحبا.. باللكنه الدارجه المغربيه ..
عندك الاخ محمود ..موسوعه مراكشيه ونعم الرجل ..وهو خير من يفيدك في مراكش بالنسبه للاماكن السياحيه العائليه ..
تحياتي

مراكش فصل الشتاء بارده جدا

عزيزي..بالنسبه للسكن تقدر تتواصل مع النخيل اعلانهم باعلى الصفحه..وتطلب منهم سكن للعوائل..

حيث انه فيه اقسام للعائلات..بعيدا عن الشباب..

اما للمطاعم والعروض عندك مهرجان علي بن فلاح مناسب جدا للعائلات..

اما بالنسبه للسهر ماعتقد بان فيه المواصفات اللي طلبت..وان شاء الله يفيدونك بقية الشباب

وتقدر تاخذ لك لفه على قسم السياحه العائلية بالمغرب..

تحياتي

__________________
إدارة منتديات مزاعيط المغرب