عاجل جدا للذيابة الي عندهم خبره في مراكش

السلام عليكم يا شباب هذي اول مشاركه لي في هذا المنتدى الطيب
الله يعطيكم العافية جميعا
انا مسافر لمراكش بعد اسبوعين لمدة اربع ايام.
مع العلم انها أول مره اروح فيها المغرب انا وصاحبي..
تكفون فزعتكم يالذيابة
بغيت اعرف شو رايكم بالسكن في بقليز، تواصلت مع واحد في المنتى وعطاني شقة مكونه من غرفتين بمبلغ ١٠٠٠ درهم.
شو رايكم بالسعر؟
والموقع؟
واخبرني ع الوتسب ان الشقة قريبة من الكافيهات.
وبعد تواصلت من الروز قاردن وعطوني بسعر ١٨٠٠درهم
شو الافضل برايكم؟
بغيت اسكن في مكان قريب من الخدمات وفي نفس الوقت سعره مناسب واهم شي الخصوصية والامان.
ومشكورين

اهلا وسهلا بذيب الذئاب حسب خبرتي المتواضعة في هذا الخصوص كل انسان حسب مايحب والمكان كله قريب من بعضه مشوار دقايق من كل شيء واكثر الناس الي تبي تعيش جو فللي تروح لروز قاردن بحكم أن له سمعته وامان واموره حلوه وجليز ماسكنت قبل فيه اصراحه بس أعتقد انه علي حسب الشخص الي استأجرت منه واحيانا يسببون لك ازعاج بخصوص الطيور .
وأنت والي تشوفه

سفرة ممتـــعــة ..

__________________
الرجــلة بحــر .. والعوامـــة قلـــيل ..

بيض الله ويهك ومشكور الغالي على المعلومة الطيبة.

المهم ان الشقة تكون امنة خصوصا انوفي جليز الشقق الآمنة محدودة

سفرة ممتعة اخوي ،،، وبما ان مدة جلوسك في مراكش قصيرة مثل ماذكرت 4 ايام فقط
انصحك السكن في فندق مثلاً (( كنزي فرح )) رخيص و 5 نجوم ومموقعه مميز بقربه من جميع الاماكن والهدوء التام
لان المدة قصيرة ما انصح السكن في المجمعات والفلل والشقق ،،، الا اذا كنت حاب تكون لك اجواء خاصة ،،،

يخوي انا اقول بما ان رحلتك اربع ايام واول مره تروحون الروز قاردن ولا الدرقاوي امان وتاخذ راحتك اربع ايام ماتتعوض وماودك تتمنكح بقليز

مرحبا..
انا اقول خلكم في الديره ابرك..
4 ايام في مراكش اتوقع رايحين من غير شناط..هههههههههههههههه ..امزح فديتك ..
مثل ماقالو المزاعيط ..المده قصيره وخلك في المضمون افضلك والمضمون هو مثلث برمودا..
النخيل.. الروز ..بابيلون..
تحياتي وفالكم الزعطه ..

لو ياخذون كبيره ويروحون الثمامه ابرك ههههههههههه

ههههههههههههههههههههههههه ههههههههه

مشكورين على الردود الطيبة
وما قصرتوا
وفالكم التوفيق