|
7 ليالي في الساحرة أكادير ,, صور + سواليف
بسم الله الرحمن الرحيم السلام عليكم ورحمة الله وبركاته إن شاء الله أنكم بألف خير وصحة وسلامة يا رب هاجس السفر للمغرب وبالذات لمدينة أكادير كان هاجس بالنسبة لي بس كل ما أتذكر هم الـ 7 ساعات بالطائرة :sadwalk: أحاول أكنسل الموضوع حتى تعرفت على هذا المنتدى الجميل بالصدفة :love: وبدون مبالغة ممكن أني قرأت كل التقارير الموجوده هنا :20: وأستفدت الكثير الكثير من الأخوان والأخوات :rose: الله يعطيهم العافية وقررت بدون أي تردد السفر للمغرب المعشوق ولمدينة أكادير فقط لمدة قصيرة من الخميس 15 يناير إالى الخميس 22 يناير والحمدلله سفرة ناجحة بكل المقاييس كأنت سفرة أشبه بالحلم :morocco_5 (6): حتى الأن ما استيقظت منه السفره هذي بتخلي كل سفراتي القادمة للمغرب وبس :25: منظر مؤلم : :unlove: من راكب سعودي في طائرة الخطوط المغربية ( أكادير - كازا ) كان في غير وعيه نهائياااااااا وعمل مشاكل بمطار اكادير وبالطائرة واخر الاقلاع كل ما اتذكر الكلام الي كان يقوله والاهانات الي كان يطلقها أشعر بالخجل :morocco_5 (97): لكن والله العظيم تصرف فردي ولا يمثلنا :sadwalk: وكان فيه تصوير أتمنى ما ينتشر المقطع لآنه جدا مخجل وراح اتطرق للموضوع بشكل أوضح وأكبر في أخر التقرير إن شاء الله وإن شاء الله راح أتطرق لكل شيء بالسفره الطيران + السكن + سهرات + مطاعم + بعض المواقف مدعومه ببعض الصور أنتظروا بداية تقرير قريبا :18: |
الحمد لله على سلامتك
في انتظارك وأتمنى معاك ننسا احزاننا لا تطول علينا بالنسبة لصاحبنا السكران للأسف ما زالت هناك عقول صغيرة وكما قلت لا تمثل الا نفسها |
حمدالله ع السلامه في انتظارك لاتتاخر علينا
|
الف الحمدلله عالسلامة
عورتني عيوني من الخط ههههههه بداية واعره للقرير سجلني متابع معاااك فديييت اكادير |
اقتباس:
أبشر أخوي بأعدل الخط إن شاء الله بس الصور رفعتها على موقع الخليج لرفع الملفات مركز تحميل الصور, تحميل الصور, مركز تحميل صور, مركز تحميل الخليج بس كل ما اسوي معاينة للصورة قبل ما ارسل ما تطلع الصورة ,, وش الحل يا أخوان ؟ |
1..
بسم الله الرحمن الرحيم
نبدأ تقريرنا :23: : صباح يوم الخميس 15 يناير صحيت مبكر من الحماس شور سريع والتأكد من كل شيء ( الجواز ,, التذاكر ,, المبالغ المالية ) واقفل الشنطة وانتظر صاحبي كنت اتابع مبارايات كأس امم اسيا حتى اتصل علي صاحبي الساعه 12 الظهر ومشينا مطار الملك خالد بالرياض واقلاعنا الساعه 3 العصر كانت رحلتنا على الخطوط السعودية ( الرياض - كازا ) دايركت بـ 2500 ريال تقريبا سعر ممتاز وكنا حاجزين من فترة طويلة جلسنا نشرب من القهوة :morocco_5 (143): حتى نودي على رحلتنا وصعدنا الطائرة وكانت أطول رحلة :morocco_5 (106): مافيه اي نوم وهذي صورة من وجبة الخطوط السعودية : https://im61.gulfup.com/FjaKSd.jpg الساعه 7:40 دقيقة مساء بتوقيت المغرب وصلنا مطار كازا بلانكا :9: طبعا قبل الوصول كان معي قلم وعبيت ورقة الدخول للمغرب بالعربي والانجليزي :shade: علشان ما تجيني ابتسامات موظف الجوازات بالمطار :cool: نزلنا والأجواء بارده جدا بمطار كازا والحمدلله طوابير الانتظار ما كانت بشكل كبير ما انتظرت كثير حتى جا دوري ووصلت وسلمت له الجواز مع كرت الدخول وابتسامة الموظف وش كبرها :maroc (1022): شوي وينشق وجهه والحمدلله على السلامة ونورتوا المغرب ويمين يسار يمين يسار ,,عرف ما مني رجا وقالي سير اخويا :evil plan: وبعدها حولت مبلغ 32 الف ريال سعودي بسعر صرف ممتاز ( 1 ريال = 2.34 درهم مغربي ) طلعت تقريبا = 75 ألف درهم مغربي تقريبا وعلى طول على صالة الرحلات الداخلية لآن عندي رحلة ( كازا -اكادير- كازا ) وكنت حاجز ايضا من وقت مبكر بموقع الخطوط المغربية ببطاقتي الماستر كارد بمبلغ 787 ريال سعودي أقلاعنا كان الساعه 9:35 والوصول لمطار المسيرة بأكادير الساعه 10:35 وهذي صورة من لحظة الوصول لمطار اكادير ( المسيرة ) :25: : https://im61.gulfup.com/swKeGH.jpg كان الأتفاق مع الأخ المحترم حسن الي يشتغل مع الأخ محمد عاطي بسائق ينتظرنا بمطار أكادير ليوصلنا للفندق بمبلغ 220 درهم وصلنا وسلمنا على الأخ الي استقبلنا وحطينا الشناط وركبنا السيارة وقبل لا يمشي وقفونا الدرك :2n: انزل من السيارة بنفتش الشنط بأسلوب قذر كالعادة انا كان ودي اخليه يفتش لما ينهد حيله بس وقتها انا تعبان ومرهق من الرحلة وارمي عليه 50 درهم علشان مايأخرنا المفروض ما اعطيه شيء انا عارف بس وش اسوي ابي اوصل باي طريقة :31: ووصلنا الاستقبال ( أطلس مارينا ) كنت حاجز من زمان من عند الأخ محمد عاطي :25: الي اوجه له كل الشكر هو والأخ حسن كان حاجز مسبقا من الأخ محمد عاطي وارسلي الفوتشر قبل لا اسافر ( شقة بغرفتين نوم ) كانت اللية بـ 2680 درهم مغربي المجموع لـ 7 ليالي = 18,760 درهم مغربي وكان استقبال المارينا جدا محترمين ودخلنا شقتنا بسرعه قلت لهم بأدفع المبلغ بالكامل االحين قالوا لا .. المبلغ تدفعه للي حجزت من عندهم ( محمد عاطي ,, حسن ) راح يجونك بكره قلت طيبوا لو انام اليوم وانحاش بكره :maroc (952): وش ذا الثقة الي عندكم !! ههههههههههههههههههههه ,, قالي ما عليك واثقين منكم سكنا بأول عمارة بالمارينا في الدور الأول شقة (2111 ) وهذي 4 صور من الشقة : https://im61.gulfup.com/3Co99z.jpg https://im61.gulfup.com/lCsQ3j.jpg https://im61.gulfup.com/QgCQSQ.jpg https://im61.gulfup.com/QXKEZI.jpg دخلنا الشقة الساعه 12 الليل بعد يوم طويييييييييل وانسدحنا بالصاله :morocco_5 (185): كان التخطيط قبل بالسعودية أنه أول يوم بنوصل ونريح بس هيهات بالمغرب تريح :shade: ما أمداه تجي الساعه وحده ونأخذ شور واخلى سهره بسكاي :n1: مكان جدا جميل وراقي وزبائنه محترمين والي يشتغلون فيه الأفضل من تجارب السهرات الباقية سهرنا في سكاي 4 مرات متفرقه لآن كنا ندور الأفضل وشفنا سكاي الأفضل أخذنا الطاولة بـ 1500 درهم غير الطلبات الباقية ( شيشه وتوابعها ) في الأخير دايما يطلع حسابنا من 2000 إلى 2200 درهم فيه مطرب يجي الساعه 2 راااااايق :morocco_5 (130): يعرف يختار الأغاني والدي جي ولا أحلى :morocco_219 (8): خلصت السهرة ونرجع الشقه وننام بعد يوم متعب بس كان جدا جدا جميل :blushing: نلتقي في اليوم الثاني وأسف جدا على الأطالة :007: انتظروني والي عنده ملاحظة على التقرير أتمنى يخبرني لآني أول اكتب تقرير بالمنتدى وما ننحرم من نصائحكم :26: |
يعطيك العافيه أخوي طلال.
استفساري الشقة فيها مطبخ ؟ شغالة؟ |
اقتباس:
المطبخ موجود أخوي بس ما اعتقد مسموح بدخول الشغالة في شقق ( أطلس مارينا ) بس المطاعم كلها موجودة حولك وفيه مطعم بالفندق تقدر تطلب من عندهم بس اكلهم انا ما اعجبني ومسموح تجيب الاكل معك من برى بعكس فندق أماديل وصحاري |
الحمد لله على السلامه
ولاتعبت ،،،،،، واصل ، متابع معاك |
اقتباس:
كويس اذ مسموح تدخل الاكل معك |
| الساعة الآن 02:57 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط