عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


قسم الاسئلة و الاستفسارات عن المغرب اطرح استفسارك عن اي شئ يتعلق بالسفر للمغرب في هذا القسم .. للحصول على مزيد من المساعدة

استفسارات لشخص اول مره يسافر المغرب

إضافة رد
YOLO
مزعوط جديد
المشاركات: 25
تاريخ التسجيل: Jan 2015
YOLO غير متواجد حالياً  
قديم 2015-02-28, 09:38 AM
  المشاركه #1
استفسارات لشخص اول مره يسافر المغرب

السلام عليكم جميعاً

يعطيكم العافيه شباب على جهودكم في هذا المنتدى الشامخ تعلمت اشياء كثيره هنا جهد تشكرون عليه صراحه

حاولت بقد ما اقدر اني اجمع معلومات بدون ما افتح هذا الموضوع بس بقى عندي كم سؤال بحكم اني اول مره رايح على المغرب وان شاء الله انكم ماتقصرون واسئلتي كالتالي:

١- انا رحلتي ترانزيت الرياض كازا - كازا اغادير والفرق بين الرحلتين ساعه ونص تقريباً هل في كاونتر للرحلات الترانزيت اروح اخلص اموري عنده والقى عفشي معاي بنفس الطياره بدون ما اروح انقله بنفسي واتقروش بغثى المطار ولا لازم انا اسوي كل شي لما اوصل مطار كازا؟ مع العلم اني حاجز كل خط الرحله من الخطوط السعوديه

٢- بالنسبه لموظفين المطار اذا سألني اول مره تجي المغرب وقلت له لا هل يطلع عنده بالكومبيوتر اني اول مره ولا تمشي اموري سهالات؟ مابي اتفلسف واطيح بموقف محرج

٣- وبالنسبه لاغادير انا اوصل الساعه ١٢ بالليل تقريبا لشقق المارينا والوقت ضيق وماودي يطير اليوم كذا هل في حمام مغربي راقي حول المارينا يفتح بهالوقت واذا مافي ايش تقترحون علي اسوي بالوقت هذا اول ما اوصل؟ خصوصاً اني توني واصل ومافيني حيل السهر واصلاً السهر ماهو من اولوياتي (جوي هادي الله يهديني)

٤- وبالنسبه للعصيرات وين القاها بأغادير؟ ولا لازم اسنع اموري من المطار قبل ما اوصل؟

٥- واهم سؤال ياليت اللي يعرف سواق ثقه باغادير يزودني برقمه كل شي ان شاء الله ضامنه الا المواصلات ماودي اطيح بسواقين التكاسي النصابين ابي واحد ثقه اعتمد عليه طول السفره وان شاء الله موب شايف مني الا كل خير

وبالنهاية ياليت تجاوبون اللي تعرفونه مو شرط كل الاسئلة كلمم تكملون بعض ان شاء الله واتوقع الجميع مرا بمتلازمة قبل اول سفره للمغرب وتعرفون شعوري هههههههه

ومشكورين مقدماً
__________________
رد مع اقتباس
fahad37
موقوف
المشاركات: 3
تاريخ التسجيل: Feb 2015
fahad37 غير متواجد حالياً  
قديم 2015-02-28, 11:21 AM
  المشاركه #2
هلا يا غالي

اخوك شرحك اول مره اسافر المغرب ولحالي بس خليت الوقت بين الرحلتين 4 ساعات علشان اقدر اخذ عفشي براحتي واروح لرحلتي لأن كثير من الاعضاء الخبرة يقولون اذا الترانزيت قليل يمكن ما تجي الشنط الا اليوم الثاني فاذا تقدر تاخذ شنطك بنفسك اعتقد افضل لك
هذا الي اقدر عليه والباقي باذن الله الاخوان ما يقصرون يفيدونك ويفدوني

رحلة سعيدة يارب
رد مع اقتباس
YOLO
مزعوط جديد
المشاركات: 25
تاريخ التسجيل: Jan 2015
YOLO غير متواجد حالياً  
قديم 2015-02-28, 02:51 PM
  المشاركه #3
اقتباس:
المشاركة الأصلية كتبت بواسطة fahad37 مشاهدة المشاركة
هلا يا غالي

اخوك شرحك اول مره اسافر المغرب ولحالي بس خليت الوقت بين الرحلتين 4 ساعات علشان اقدر اخذ عفشي براحتي واروح لرحلتي لأن كثير من الاعضاء الخبرة يقولون اذا الترانزيت قليل يمكن ما تجي الشنط الا اليوم الثاني فاذا تقدر تاخذ شنطك بنفسك اعتقد افضل لك
هذا الي اقدر عليه والباقي باذن الله الاخوان ما يقصرون يفيدونك ويفدوني

رحلة سعيدة يارب
شكراً لك على التنبيه والموضوع والله ببالي ومسبب لي قلق شوي خصوصاً ان الواحد مايدري ايش ممكن يصير معاه وقت الرحله شكلي بعدل الحجز
__________________
رد مع اقتباس
 الصورة الرمزية Angellondon69
Angellondon69

استفسارات لشخص اول مره يسافر المغرب

المشاركات: 3,581
تاريخ التسجيل: Oct 2014
الدولة: سالفورد سيتي
Angellondon69 غير متواجد حالياً  
قديم 2015-03-01, 03:21 AM
  المشاركه #4
موظف المطار ما راح يسالك ليش جاي المغرب راح يسالك هذي اول مره فقول له نعم اول مره وخلاص لاتزيد
ما فيه حمام مغربي فاتح في الوقت اللي توصل فيه متاخر جدا
ما تقدر تشتري عصاير من مطار كازا لانك ما راح تدخل السوق الحره في مطار محمد الخامس اصلا وراح يحولونك علي اعتقد الخط الاحمر الرحلات الداخليه الي صالة الرحلات الداخليه تقدر تشتري ثاني يوم من كارفور او مرجان
النقطه الاهم العفش ترانزيتك قصير نسبيا فاحتمال كبير ما تصعد معاك الطياره لكن نصيحتي لك روح كاونتر الرحلات الداخليه ولازم يكون معاك ايصال الشنط الرقم اللي عادة تلصقه علي ظهر الجواز واكد عليهم ان شناطك تحولت علي رحلة اغادير وفالك طيب
سواق اعذرني ما اعرف احد
__________________
ان تكون مجنونا في ارض الجنون خير من ان تكون العاقل الاوحد
رد مع اقتباس
F5AMH
مزعوط نشيط
المشاركات: 70
تاريخ التسجيل: Feb 2015
F5AMH غير متواجد حالياً  
قديم 2015-03-01, 06:24 AM
  المشاركه #5
شنطتك حاول تخليها معك لا تشحنها عشان وقت الرحله قصير وما تضطر عشان تستلمها بوقت متاخر يصل الى ٢٤ ساعه
رد مع اقتباس
خدوني معاكم
مزعوط جديد
المشاركات: 20
تاريخ التسجيل: Jan 2015
خدوني معاكم غير متواجد حالياً  
قديم 2015-03-01, 06:55 AM
  المشاركه #6
في نفس حالتك ما يمدي شناطك تطلع معك ع الترانزيت هذا لا يحدث مع الكل لكنه يحدث لضيق الوقت مع البعض
اذا وصلت المارينا نزل شناطك ( هذا اذا طلعت معك هههه ) وجهك على سكاي الحق عليهم قبل يقفلون وخذ لك فنجال وعلوم رجال
السواقين احس انكم تضخمون من امرهم لا تعطيهم وجه لا تحكي معهم لا تطلب مشورتهم وعطهم شعور انك ولد المغرب وتجيها باستمرار


موفق وترجع سالم
رد مع اقتباس
البرنس
Directeur
المشاركات: 976
تاريخ التسجيل: Jun 2010
البرنس غير متواجد حالياً  
قديم 2015-03-01, 09:40 AM
  المشاركه #7
1- الافضل شف لك رحلة لايقل الفرق عن 3 ساعات..نظرا لطول اجرائات الجوازات واستلام العفش..وممكن تتاخر وتفوتك الرحلة

2- عادي قل له انك اول مرة وش المشكلة؟ ماراح يقدر يسوي معك شي مادامك محترم ولبق..وكن مبتسم دائما..ولو طلب اكراميه..ارفض باسلوب جيد وتحجج بعدم معك كاش وان معك بطاقة فقط..ولو زودها تقدر تهددة بالشكوى..وراح يخاف

3- مافيه حمام يفتح 12 بالليل الله يصلحك..الافضل لك حاول انك تسهر سهره خفيفه في سكاي بار قريب من عندك مره على رجولك..ثم اذا صحيت رح للحمام.

4- المطار..سوبر ماركت مرجان..والاهم من هذا حاول تشتري بدري قبل الساعه 8 مساء لان بعدها ماعاد يبيعون

هذا اللي عندي وان شاء الله بقية الشباب يفيدونك..
__________________
إدارة منتديات مزاعيط المغرب
رد مع اقتباس
 الصورة الرمزية Angellondon69
Angellondon69

استفسارات لشخص اول مره يسافر المغرب

المشاركات: 3,581
تاريخ التسجيل: Oct 2014
الدولة: سالفورد سيتي
Angellondon69 غير متواجد حالياً  
قديم 2015-03-01, 05:31 PM
  المشاركه #8
الشباب كفو ووفو وبالتوفيق لك يا الغالي
__________________
ان تكون مجنونا في ارض الجنون خير من ان تكون العاقل الاوحد
رد مع اقتباس
YOLO
مزعوط جديد
المشاركات: 25
تاريخ التسجيل: Jan 2015
YOLO غير متواجد حالياً  
قديم 2015-03-01, 08:58 PM
  المشاركه #9
والله ماقصرتو يعطيكم العافيه ياشباب وبالنسبه للمواصلات شكلي بريح مخي واستأجر سياره مع سواق مابي وجع راس احد يعرف مكان يأجر سيارات باغادير كويس وثقه؟ اغلب اللي موجوده اعلاناتهم بالنتدى برا اغادير ويوصلون لك السياره بفلوس ومادري ايش وضع السواق يطلع لي واحد مشاكله كثير ولا ما ارتاح له صعبه اغيره وشركته بديره ثانيه ياليت تفيدوني
__________________
رد مع اقتباس
Mz3oOo6
مزعوط قدير
المشاركات: 201
تاريخ التسجيل: Apr 2011
Mz3oOo6 غير متواجد حالياً  
قديم 2015-03-02, 02:27 AM
  المشاركه #10
ما يحتاج تستاجر خلها تكاسي ،
وخله على العداد ، يسمى الكونتور بالمغرب .
المشوار ما يتعدا ٣٠ درهم .

ولا اتفق مع تكسي ٢٠٠ - ٢٥٠ درهم باليوم يوديك للأماكن اللي تبيها طول اليوم .
واحرص ان يكون شغله بالليل . لأن بعضهم يشتغل بس النهار
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: استفسارات لشخص اول مره يسافر المغرب
الموضوع آخر مشاركة
من جرب يسافر المغرب وحدة نبي نعرف سلبيات والايجابيات ونستفيد من التجربة 2024-03-13 01:42 PM
استفسارات لشخص اول مرة بيسافر 2019-08-06 06:07 PM
من ذوي الاحتياجات الخاصة ولديه عامل لخدمته يريد يسافر المغرب 2019-07-02 10:46 AM
مساعدة لواحد يسافر المغرب اول مره اعطونا نصايحكم .. 2018-05-18 03:43 AM
نصايحكم لشخص اول مره يروح المغرب 2018-04-19 11:53 AM


الساعة الآن 02:14 PM