تجربتي مع وردة كازا

السلام عليكم ورحمه الله وبركاته:

ساحدثكم عن تجربتي مع الاخت اكرام صاحبه حساب(وردة كازا)

اولا مدة الرحله ٧ ايام عدد الاشخاص ٢ من ١٨-٢-٢٠١٥ الى ٢٥-٢-٢٠١٥

ثانيا تم الاتصال بالاخت اكرام والتنسيق على حجز يوم 18فبراير2015 لمده يوم والذهاب بعدها لمراكش لمده يومين والعودة يوم 21 لاكمال باقي المده في مدينه كازا..وتم دفع مبلغ اول يوم عن طريق التحويل بالويسترن يونيون..علماً ان المبلغ..١٥٠٠ درهم..
وصلت المطار الساعه ٨ مساءا وبعد استئجار سيارة..ذهبت لعنوان الشقه..وقابلت الاخت اكرام كانت قمه في الاخلاق..وفي التعامل..
حيث اسكنتني في ڤيلا مكونه من ٥ غرف نظرا لان الشقه لم تكن متوفرة..ووعدتني ان تكون الشقه متوفره عند عوتي..حيث ان سعر الڤيلا اغلى..وهو ٢٠٠٠ درهم وكنت على استعداد للسكن بهذا المبلغ لولا شروطهم التعجيزيه..

الڤيلا نظيفه وامنه ومرتبه..وفيها شغالتين وسواق وحارس..تقع في منطقه أنفا..على مااعتقد..

ناتي للمهم والملاحظات اللي شفتها..وخلتني اغير مكان سكني..
يمكن انها تناسب البعض لكن انا ماناسبتني..مع العلم حسب اللي فهمته من الاخت اكرام ان ماينطبق على الفيلا ينطبق على كل الشقق..


الملاحظات:-

الفيلا فيها سواق لو تطلبه ماي من عند باب الحوش يبي ١٠٠ درهم..
الضيوف ممنوعين الا عن طريقهم..+١٠٠ رايح و١٠٠ جاي للسواق..لاحظت نوع من الاستغلال عند الخادمات..مع انك مو مجبور تعطيهم لكن شي يسبب لك ازعاج..طبعا بالاول وافقوا على اني اجيب ضيوف بعدين قالوا مانبي اصحاب التكاسي يعرفوا المكان..بعدين قالت صاحب الفيلا رفض...قلت اوكي مو مشكله..

من ناحيه الضيوف من حق صاحب الشقق يشوف الانسب له..لانه بحسب كلامهم انه يسببو مشاكل..ويلفتوا الانتباه...وهذا شي مايبونه
طبعاً هذا شي مزعج بالنسبه لي..لانه يحسسك انك بسجن مو شقه تملك حريه الاختيار..

هذا ماحصل بالضبط....حبيت انقله لكم كما هو..

مرحبايامزعوط وعودا حميدا

بصراحة ملاحظاتك فقط على الفلة او تتوقع حتى الشقق

لان اذا موجود هذا الاستغلال راح يعمل لنا حرج في حال تم الحجز مع الاخت اكرام
اتنمى من الاخت اكرام النظر في هذي الملاحظات والرد علينا
بصراحة راحة المزاعيط اهم من كل شي

الفيلا حلوه حق اربع اشخاص او ثلاثه بالنسبه للسواق اطلب منهم مابغي سواق ماتجبريني

تعرف ليش الضيوف عن طريقهم لانه الضيف يعطي الشغاله 100 والسواق 100 والعساس 100 م

بالنسبه للاغراض انا اعطيهم 1500 درهم اقولهم ابغيها تكفيني اسبوع اكل اذا نقص شي انتي تدفعين من حسابك


مش علا كيفهم ماجيب ضيوف انت من اول عطيتهم شروطك بس هما ايش يعملوا يخلونك تسكن وبعدها تبد اللعبه


كان قلتلهم بجربها يومين عجبنا كملنا ماعجبنا طالعين حبيبي كلهم عصابه من شغاله سواق عساس الموجره وصاحب الفيلا مايدري بشي

اذكر سكنت في شقة كان حارس العمارة مايطلب شي وكنت ارسل يجيب اغراض واعطية شي بسيط ولا يتكلم حتى اللي كان ينزل الاغراض لك ويطلعها فوق تعطية شي بسيط والشغالة كنت اقول لها اذا وجدت منك تعامل وخدمة حلوة راح اكرمك وهي اكيد بتحرص على ارضائي من البداية الواحد يكون واضح مع الشغالة
امممما الاستغلال واشتراط مبلغ فهذا استغلال بعينة
اذكر مرة سكنت في شقة في الرباط وجوني ضيوف وانا اللي جبتهم ولما طلعو الشغالة طلبت 200 على كل ضيف قلت لها ( قشري بصل ) مع احترامي لها لكن كان واضح عليها الاستغلال واللي قلت لها لك علي اني اكرمك بس لا تستغليني وامتثلت للامر الواقع

لقد تواصلت معها وردة كازا وعرضت علي فلة بالصور وكان سعرها مبالغ فيه !!

وعرضت علي من معلن آخر نفس الفلة ونفس الصور !!
وسعرها اقل !!

لن اتعامل معاه إطلاقا وردة كازا.

مرحبا اخوي بلنتي ضايع والحمد الله عل سلامتك ومهما كان الامر بالسفر ما يسلم من بعض المنغصات .. لكن استفساري منك هل اتصلت وقتها بأكرام وخبرتها بيلي حصل معاك من مضايقات ؟؟؟ ...

يوسفنا ماحدث لك من بعض المنغصات..

وسوالي مثل الاخوان..هل تواصلت مع اكرام واخبرتها بما بدر من العساس والخدم؟

وننتظر رد من الاخت اكرام للتوضيح

__________________
إدارة منتديات مزاعيط المغرب

يؤسفني ماحصل لك اخي الكريم
وكذلك انا راسلت الاخت اكرام واتساب للبحث عن شقه بكازا ولم ترد علي ابدا
مع العلم انها استلمت الرسايل ولم تتجاوب لكن مادري هل هو تكبر منها
اتمنى من الاداره ان توقفها وامثالها بقرار حازم

وردة كازا للاسف كلامها مو موثوق احذروا منها يا اخوان

الحق حق ..

اكرام وتعاملها اعطيها 10/10
تعاملت معها بشهر 12/2014 .. تمنيت اني اعرفها من قبل .. لأنها وبكل امانه فكتني من النصابين ..
وبإذن الله تعاملي معها راح يستمر ..