تحذير لمسافر المغرب

والله يا مزاعيط توني راجع من كم يوم من المغرب الحبيب وكالعادة مسافر لوحدي
والله والله اني فليتها وانبسطت انبساط مش طبيعي مسوي اكشن طلعات وسهرات
وتصييد وعايش جوي زي ما ابغى
لين جاني واحد قعد معي يوم جوه خضااار
لايحب السهر وجوه كئيب ولا يطلع مدري وش يبغى
وطفش ومشى وريحني
مافيه احلا من السفر وانت لوحدك
سافرت اكثر من دوله لحالي بس احلاها بالمغرب
هي المشكله بزيادة المصاريف لانك لحالك

امتع السفر مع خوي او اثنين ..الا اللي تحدهم الضروف موضوع ثاني

لا حول ولا قوة الا بالله ... شي فعلا مؤلم ومرعب ...
وانا استغرب من اللي في الانترنت يدورون خوي - ياخي هذا فضاء افتراضي لا تعلم من هو خلف الكواليس لا طباعه ولا خطورته ولا وضعه المادي ولا حتى مزاجه - يا رجال ربعنا اللي حنا نعرفهم يالله تلقالك منهم واحد على مزاجك في السفر فما بالك بشخص لا تعرفه نهائيا - ممكن تسويها وتزبط بس تراها فعلا مجازفه

وتصرفه صحيح من ناحية عدم المقاومة تحت تهديد السلاح ... عطهم اللي يبون .. ولو حرقو الجواز لا سمح الله فالامر عادي ما عندك مشكلة السفارة تعطيك تذكرة مرور وترجع لبلدك.
والتصرف الصحيح اولا ابلاغ السفارة واخذ التوجية اللازم من مسئولي السفارة حتى لو فقط من باب اخذ المشورة - السفارة لهم خبرتهم ومار عاليهم الكثير ويعرفون ماهي افضل الاجراءات اللي ممكن تتخذها - وانا متاكد انهم راح يوجهونه ان يتجة لاقرب قسم شرطة ويسوي محضر بالحادثه - لا تخاف ما راح ياكلونك - انت جايهم اصلا منهووب ومنتتف اذا ما نفعوك ما راح يضرونك - والسفارة راح تتابع معك ولو عن طريق الهاتف - الشرطه وبتوصية السفارة راح يتخذون اجراءاتهم.
المشكلة ماهي في المحضر وابلاغ السفارة - هذا امره سهل - لكن اصلا راح يكون موقفه ضعيف حتى لو جابوهم - لا يوجد ما يثبت صحة ادعاء الضحية - ممكن يقولون ما نعرفه او تعرفنا عليه ولا خذنا منه شي الرجال يتبلانا - الفلوس بيقولون فلوسنا وسحب الصراف بيقولون هو اللي ساحب وش دخلنا فيه - ما فيه دليل - يعني قانونا الشرطه ما راح تقدر تسويلك شي حتى لو استنفرو لك.

كل اللي تقدر تسوية انك تاخذها درس وتعلمته والفلوس تفداك - الفلوس تروح وتجي - اعتبرها دفعة بلا... والله يعووض على صاحبك والحمدلله على سلامتة.

السفر متل الحرب لازم تخاوي فيها انسان اعرفه و تعرف اصله لان حكونون انت و عو فنفس السفينة و ما يصير تحط الحمل على انسان غريب

__________________
https://www.mza3et.com/up/uploads/im...f869029b89.gif

اهم شي اختيار الصديق المناسب وهذا ما ابحث عنه في كل سفره اسافرها الاجواء مختلفه ..

انا اتعجب من الناس اللي يتعرفون على بعض في منتدى ويسافرون مع بعض !!
مع احترامي للناس كلهم لكن كيف احط اعلان في منتدى مطلوب خوي واسافر وياه !!
اسمحوا لي السفر بالذات اذا ما كان الخوي أخو دنيا ولا شقيق أسافر لحالي أبرك ..

عافاك ي الدوكالي

صح الكلام
يا تسافر مع ربعك الخاصين الي يسترون عليك وعارف افعالهم
او سافر بروحك وخل صاحبك هو الدينار .

يااخوان اسمحوا لي أدلي بدلوي
يقولون الاولين حرص ولا تخون ، بالنسبة للناس اللي يحذرون من اللي يبحثون عن خوي بالسفر اقول استعجلتم بالحكم حنا يا السعوديين معظمنا يغلب علينا الطيبة ونحب السفر والانبساط فالتوجهات والرغبات تقريبا متشابهه والذين يرغبون في استغلال الناس يعدون على الاصابع فمثلا انا سوف اذهب في ٨يناير واغلب زملائي لا يستطيعون السفر بهذا التاريخ وانا لا استطيع السفر بغير هذا التاريخ وكما تعلمون الخوي مهم بالسفر لو لا قدر الله مرضت او صار لك موقف محرج يستطيع مساعدتك مع الحرص التام في التعامل معه لان فلوسك في جيبك وفلوسه في جيبه تلتقون بكافيه او مطعم وتروحون سهره وعند النوم كل واحد يروح لسكنه ولقد جربت هالطريقة في كثير من سفراتي للفلبين فتعرفت على ناس كثير خدمتهم وخدموني فلالي حاب يلتقي فيني بذلك التاريخ اهلا وسهلا فيه علما اني محتار بين كازا ومراكش وماقررت الى الان ،وشكرا لسعة صدوركم .

يجب الحذر في مثل هذه الحالات ،،، شكرا على الموضوع المميز أخي

__________________

شكرا على النصحية وكلامك صحيح 100 في 100 انا سافرت لمغرب اكثر من 15 سنه ومروا عليا ناصبين كثير خلال السنوات الماضيه اتفاجأت من كم شهر انه النصابين موجدين في المنتدي لاني اعرفهم وباسماء وهميه ولدرجة بعضهم له اكثر من 20سنه يروح المغرب ويسوي نفسه في المنتدي اول مره يروح ولا يبغى رقم شقه للكراء .فالحذر من اي شخص يبغى خوي او كلمة نتقابل في المغرب...بعضهم يبيعك ب50درهم...والا ماتعرفه لاتسافر معاه ولاتقابله..