تحذير لمسافر المغرب

الخويي الي على جوك تشترية
لكن الي مختلف عنك ابعد عنه وسافر وحداني والله انه احسن لك
تحياتي

دام كل واحد عبر عن رايه انا لي وجهة نظر مختلفه انا تعرفت على كويتي في تايلند وتعرفت على سعودي في تركيا رتبته رائد في الجيش ومع ان كل السفرتين كنت وحداني واقسم بالله انهم أكثر من اخوان وعشنا احلى أيام والشخص اللي بالكويت زارني في السعوديه واكتشفت أنه يملك مصنع سخانات في طريق الخرج الله يزيده من فضله وزرته في الكويت بمهرجان هلا فبراير انا والعائلة استقبلني احلى استقبال هو وزوجته واكرموا اهلي وحل علينا أننا مانسكن بالفندق ووداني للشاليه تبعه وجلسنا فيه 6 أيام وكل يوم كان يرسلنا الغداء مع السواق للشاليه واما الظابط السعودي اللي تعرفت عليه في تركيا لما رجعنا السعوديه بعدها بكم يوم كنت اكلمه جوال وفجأة صارلي حادث وانقطع الخط بيني وبينه ونا كان ماعندي تأمين المهم ونا في الدوريه موديني لتوقيف المرور إتصل فيني وعلمته الوضع والله ثم والله انه جاء بعد نص ساعه كفلني كفاله حضوريه غراميه ونا لسى متعرف عليه فيه تركيا وكانت هذي اول مره أشوفه في الرياض خلاص الكلام معرفه الرجال ذهب السفر فتره تقضيها برى وطنك وتنتهي لكن معرفه الرجال تدوم للابد .. وعلى قولتهم العاقل خصيم نفسه والانسان يعرف من يخاوي ويكون ذيب والمال السايب يعلم السرقه فالواحد يكون حريص ولكن مو معناته انك تعم جميع الناس وماتثق فيهم وبالنهايه جنة من دون ناس ماتنداااس (يبقى رأيى مجرد وجهة نظر )

والله يابن الحلال انا كنت ناوي ادخل المنتدى ذا ادور خوي خصوصاً بعد ما خويي صار له ظرف واعتذر.

لكن بعد اللي شفته في هالموضوع والردود هونت وشكلي بطلع لحالي او اغير الوجهة.

خصوصاً اني انسان حالي حال نفسي ولا احب المشاكل ابد ابد

مشكور يالغلا عالتنبيه

والله ما اخليهم وانا ولد رووق
ولا اغادر المغرب الا ماخذ حقي
هذا طيب وعلى نيته
ماعرف يحفر لهم صح ويفكر نفس تفكيرهم
اجيبهم عن طريق كاميرات الفنادق مقاهي
اي شي
والرجال ينعرف من منطوقه وارتياحك له من النظره الاولى
الله لايبلانا بس
----------
انا تخاويت انا وكويتي بالروز قاردن هو لحاله وانا لحالي
وتعرفنا وتخاوينا سهرات وكافيهات ومطاعم
وكلش ففتي ففتي بيننا
لامزارق طيب ولاغيره
وارتحنا مع بعض
لدرجه اننا بعد ثالث يوم سكنا بفله وحده
وفليناها 10 ايام ولا احلى

الناس معادن واصابعك ماهي سوى
الله يوفق الجميع

الله يعوض علية اصحاب في السفر تنعرف من اول مشية ليهم

ونية تبان خاصة انةمايعرفهم مايبين انة عنده يبين انة على قده

تمام

كنت بمطار جدة انتظر الاقلاع
واناظر بجوالي
الا الصوت يشيه باباي اللي بافلام كارتون
وارفع راسي الا واحد خمسيني اشهب يسد النفس
واضح من وجهه انه متزوج اربع
وساحب عليهم وراعي دشرة
المهم عرفت انه يبي يتلزق
قال السلام عليكم
قلت هلا
قال نسولف قلت تفضل
اتضح انه رايح المغرب
قام يحكي بطولاته
وقمت ازبط التصريفة والحظر والبلوك والدليت
ركبنا الطيارة وقام يترجى خلق الله
حتى يجي جنبي
جلس جنبي
وعشان اقفل عليه الطريق
قلت تراني سهران لي شهر وابي انام
وصلنا المغرب
قال عطني 300 درهم عشان اجيب لك الشناط بسرعه
واعطني 200 درهم عشان اجيب لك شريحة
قلت هيا احلف وش العروض المغرية
تصدق كنت اخذ الشريحة بااربعه الاف
واطلع الشناط بنص مليون
المهم ضحك وقمط العاقية واعطاني نظرة مااعجبتني
اخذت شناطي ومشيت وهو يلاحق وراي
واخذت شريحة
وقتها ماكنت اعرف موضوع حسابي في وفاء كاش
ركبنا سيارة وهو لابد على قلبي مثل الجبل
السيارة هي اللي راح اخذها ايجار
بس لازم نطلع كازا ننهي بعض الاوراق
واللي يسوق السيارة اعرفه زين
طبعا طول الطريق يحكي بطولاته
بنص الطريق وقفنا عشان نصرف
قال عطني الفلوس انا اصرف لك
قلت لو كنت معاق او اعمى عطيتك
بس توكل
نزلنا وصرفنا وعندي بجوالي محول العملات
وادور اقرب واحد لفرق التحويل
طبعا يناظرني وانجلط
قبل نوصل كازا
وارسل للسايق رسالة الواتساب
قلت شفت الكلب اللي راكب ورى
ابغاك ترميه في اقرب زباله هو وعفشه
قال ابشر
وفعلا تم التخلص منه في مدخل كازا
هذا ابن بلدي وناوي علي بالشر من السعودية
وكبير بالسن وباين عليه خبرة بالدشرة والنصب

احب السفر لوحدي
لحدة مزاجي وتقلباته المتكرره
وثقتي بالناس تجي بصعوبة
وتنهار بسرعة عند ابسط موقف

السفرة الاخيرة زاملت جاري في الطيارة وبقينا اسبوع مع بعض.
ماكان فيه معرفة مسبقة
كنا نسولف مع بعض طول الرحلة
وارتحنا لبض.. وعرض علي هو الفكرة
كان اسبوع رائع هادئ متزن.. وسفرته قصيرة
رجع الديرة وكملت انا
.....
اذا اتيحت لي الفرصة ساكرر التجربة
طبعا ليس مع اي شخص.
لان دايم وضع الشخص يبان من اسلوبه . حديثه . طريقة تعامله.... فاللي ارتاح له ماحس فيه بطمع. حب استغلال . انانية. محاولة استغفال . كذب.
بكون سعيد بمصاحبته.
........
مع عدم اغفال امور معينة.. مثلا
- غرفة مشتركة لا . رغم انه هو مرحب . لكن انا رفضت بشكل قاطع.