اقتباس:
المشاركة الأصلية كتبت بواسطة خبير المغرب
ياحبيبي انت طالع تنبسط ولا تحسب حتى اجرة الباركنق ههههههه انا معك في الاقتصاد لكن مو بها الطريقه كنك محاسب صندوق حتى البخاشيش حسبتها خمسه وعشره 7/0 /:
توحشت المغرب
مرحبا بك ياخبير المغرب
حبيبك سراب طلع ينبسط ع الجو اللي يبغاه
انا كتبت ادق التفاصيل لسببين
اولا اعرف فلوسي بتروح في شو ( لان الفلوس هذي مالقيتها في الشارع ولا بعت فيها فيز ولا هربت وبعت مخدرات ولا ورثتها ولا نزلت عليه من السما )
و الامر الثاني عشان اعضاء المنتدى المستجدين يكون عندهم خلفية عن طريقة الدفع هناك
لاني لا اخفيك اني شفت اشياء في المغرب اغرب من اي مكان اخر في الدول اللي سافرت فيها
مثلا شفت اللي حسابه 60 درهم في كوفي يقوم يدفع 40 درهم بخشيش
او حسابه في كوفي 30 درهم ويدفع 20 درهم بخشيش
او واحد يبخشش بمية درهم ع حاجة ما تستاهل ابدا
او عشان الجرسون عمل نفسه زعلان ونفخ ع الزبون الخليجي فقام اخينا حط في يده 100 درهم عشان يرضيه
وفيه موقف شفته في المطار راح اذكره في موضوع مستقل مع موقف حصل لي مع الشرطة قبل فترة