عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


Like Tree1Likes

إضافة رد
مزعوط نشيط
المشاركات: 110
تاريخ التسجيل: Jul 2012
sarab8 غير متواجد حالياً  
قديم 2015-04-17, 08:26 PM
  المشاركه #1
عدم تأهل الهلال للمونديال وعلاقته بالمغرب ( مقالة ساخرة لكاتب مغربي )

السلام عليكم
مرحبا بكل المزاعيط
اثناء تصفحي احد الجرائد المغربية الإلكترونية
وقع نظري على احد المقالات اللتي كتبها على مايبدو كاتب مغربي بطريقة اعجبتني لانها ممزوجة بالسخرية
وعنونها بـ
( الهلال السعودي المونداليتو والدعارة والغرامة بالملايين : دفاعا عن الخليجيين و السعوديين ضحايا التعميم و الأحكام المسبقة )
الكاتب تخيل ان لديه صاحبه من اقادير وانه حدث معها حوار سيذكره بالدارجة المغربية
ويسلط فيه الضوء على نظرة بعض اهلنا في المغرب للسائحين من دول الخليج عموما ومن السعودية خصوصا
وسأنسخ ماكتبه الكاتب وسأشير برابط لمقاله مع حذفي لاحد الجمل اللتي لم تعجبني


وهذا نص مقاله

كانت كتقولي: حبيبة ان شاء الله شهر 12 غادا تزوهر القضية،
ويتحرك الدولار والأورو، وآجي سكن معايا فأكادير،
متخمم لوالو، نتا غي رتاح وكتب ليا وبدع مع راسك، وكون راجل،
نتهلى فحبي بالحوت من المرسى ولي حليتي عليها فمك ديالك،
غي بغيني وكون ديالي بوحدي وماتخونيش
الصراحة كان كيجيني عرض مغري،
واخا الشرط الجزائي ديالو قاصح شوية، كنت كنقول مع راسي هادي هي الوجيبة فين نفكر على خاطري ونبدع على خاطري ونصحح مذكراتي باش ندفعها للطبع،
ونيت حتى الجو ملائم للإبداع، التهتك والفجور والطاسة واللامبالاة، وعدم التخمام فالفطور والغدا ولعشا والكارو والكرا والما والضو والطرف،
ياك النسائيات كيطالبو بالمساواة وداكشي ديال الإستقلال المادي، وحتى الحداثيين كيوافقوهم فالأمر، أنا مشيت بعيد كثر منهم، أنا كنفضل نكون ربة بيت،
والطرف هو لي خدام، ديما كنت كنقول مع راسي أنه لو كنت بنت كنت غادي نكون عاهرة، أو وسيطة دعارة، وحتى دابا كذكر، كنحس بأن المجال لي نقدر نبدع فيه هو مدير شي مجمع ترفيهي،
أو بواط مفركع، أو شي كباريه، المهم العمل فمجال الترفيه، ولكن للأسف تحتم علي أن أكون كاتيبا، حتى يشوف من حالنا الله.
كانت كتقولي غادا تجيبليا آيفون 6 وريحة آخر مكاين، كانت كتراث عليا بالتطلعات والأحلام الوردية، ومكنتش أنا عارف آش غادي يكون فهاد شهر 12،
درت سيناريوات كثيرة، ولكن حتى لهاد فاش لقيتها كاعية وسولتها:
_ أمالك؟
_ خسر الهلال السعودي الكاس.
_ وآش بينك وبين الهلال راه خاصك تكوني فرحانة حيث غلبات الحسنية.
_ آشمن حسنية والا الزفت، آش بينا حنا بالهايش مايش ديال البرج أو تاراست، حنا بغينا جمهور الهلال.
_ ومال هاد لهوى عندك مشا تا السعودية، شجعي البارصا شجعي الريال فحال كاع الناس، وزايدون لي الفريق لي غلب راه أسترالي،
راه حتى هوما كور ودولة لاباس عليهم بحال أوروبا واخا هوما جاو تحت قراب لإفريقيا أكثر منهم قراب لأوروبا.
_ آشاواوا غادي ندير بالكور أنا، راه لي جون ديالهم أغلبهم كيجيبو صحاباتهم غي القوق هادي تنسيك فللخرى، لي كاينين فالسوق هوما الشبانيين ديالهم وهادوك مراض بزاف،
ميعطيك جوج فرنك حتى يخرج فيك كاع العقد والفنطازمات لي محروم منها فبلادو، ولي كيعاقبو القانون ديالهم الى دارها تما، ها لي باغي دري صغير، ها لي باغي بنت برهوشة،
أما السواعدة مكاينش بحالهم، كتشطحيليه شوية وصافي، ويلوح ليك عرام ديال لفلوس وتقدري تخدميه فشي حاجة، أما الكور كيقريوهم فالمطار بحال الى جايبين للحرب،
كيجي عارف بشحال كيدي الطاكسي صغير من هنا لهنا، وبشحال كيركب الطوبيس، وبشحال دايرة البيرة، أما السواعدة الله يعمرليهم الدار،
كيتعاندو بيناتهم والى علق صاحبو مليون هو يعلق جوج، وعندهم النشاط هو فتشتات لفلوس والسهير والضحك_ وا را مابياش الكورة، بيا الأورو والدولار لي كنت كنتسنى ومعولة عليه وهاهو مشا،
راه الى كانو خداو كأس آسيا، كانو غيجيو يلعبو فالمغرب، وغادا تزوهر القضية، على مال الأيفون 6 لي كنت كنقوليك غادا ناخدو ليك وكاع داكشي لاخور منين كنت عنجيبهم،
زعمة أنا مديرة سي دي جي، راه كنت عناخدهم من السواعدة.
عمري تخايلت أن مصير السعادة ديالي غادي يكون فأقدام لاعبي الهلال السعودي وبين أرجل مشجعيهم فحالة ربحو وجاو لهنا، وعمري تخيلت أن نتيجة مبارة فكرة القدم فآسيا،
غادا تأثر عليا و أنا فالمغرب، ولكن هادشي لي وقع، وتحطمات الأحلام ديالي بعيش أيام من السعادة ولو لحظية،
ولأول مرة كنحس براسي حزين لخسارة فريق لكرة القدم أكثر من حزني على عدم تأهل منتخب 98 للدور التاني.
ولكن ما أثار أستغرابي هو تعليقات كثيرة فالفايسبوك، من طرف العديد من المحسوبين على الحداثيين والمتنورين وحتى المناضلين وأنصار تامزغا العظمى،
لي فرحو بهاد الكارثة، وعبرو على قرفهم وامتعاضهم لو كان ربح الهلال وجا للمغرب الجمهور الرائع ديالو، حيث غادي يخنزو الدنيا ويخويو الكبت ديالهم،
هاد التعليقات بحال هاكة كانت كتعبر على الحسد والحقد والمظلومية والتضحي والقمع لي كيعانيوه تجمع المستمنين هؤلاء من طرف السواعدة لي كيمارسو عليهم العنف الرمزي(بيير بورديو) والمعنوي،
هاد الحقد اتجاه هاد الشعب السعودي الرائع، واتجاه أغلب سكان الجزيرة العربية،
من غير اليمنيين طبعا، هادوك مكيحقد عليهم حد، محرومين من شعور أنه يحسدهم شي واحد أو يحقد عليهم إلا من طرف القليل من العقلاء( بحالي) لي كيحسدوهم على القات والكلاشهاد الحقد على الخليجيين كيعمي أعين هؤلاء المرضى على الحقيقة،
وكيخليهم يهدرو بالجمع على شعب كامل، علما أن بعضهم تعلم لونكلي غي مع إم بي سي 2 ديال السواعدة،
هاد الناس كيتناساو أن سكان الجزيرة العربية ماشي كلهم حوالا، أو رعاة إبل رجليهم مشقوقين،
مكيعرفو على الحضارة والو، راه الرسول من الجزيرة العربية والملك حتى هو،
من أصل عشرة أفضل جامعات عربية الخمس الأولى على التوالي هي سعودية، والسابعة حتى هي،
والتاسعة الإمارات، المغرب مسيكين جا لتحت بزاف، من بعد عدة دول كنضحكو عليهم ديما وكنعتابروهم دمادم ومكابيت ومكلخين،
علما أن ديننا الحنيف جا من عندهم، وعلما أن العديد من المشاريع فالمغرب هي بفلوسهم،
وعلما أن العديد من هادو لي كيقولو مثقفين راه كانو كيشريبو كتب عالم المعرفة قدام ب50 ريال بفضل الكويت،
الخليج ماشي كلو حوالة، الخليج عطا أروع أديب عربي، عبد الرحمان منيف، وأعطى أعظم مفكر عبد الله القصيمي،
وأشهر ثائر ضد الإمبريالية، داكشي لي دار ماداروش حتى تشي كيبارا لي هو بن لادن، هادو هوما الخلجيين،
وراه التعميم مرض نفسيوهادشي لي كنثورو عليه حنا ملي كيوصف شي واحد المغاربة أو المغربيات بشي وصف استنادا على حالات فردية تلاقى بيها هو،
كنوضوا ليه نوضة رجل واحد، في حين كنساو حنا أننا صناديق كبيرة عامرة بالأحكام المسبقة والتعميم على بعضياتنا وعلى الآخر، الله يعفو علينا وخلاص.




رابط المقال الاصلي
الهلال السعودي المونداليتو والدعارة والغرامة بالملايين : دفاعا عن الخليجيين و السعوديين ضحايا التعميم و الأحكام المسبقة - كود: جريدة إلكترونية مغربية شاملة.
رد مع اقتباس
موقوف
المشاركات: 9,325
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2015-04-17, 10:26 PM
  المشاركه #2
موضوع قريتو السنة الى فاتت ههههههههههههههههههههه ودخلت التويتر ولقيت الناس تضحك وتقول اسامي على فريق الهلال ههههههههههههههههه جيت الدردشة كتبت كلمة المنتدى انقلب فوق تحت هههههههههههههههههه والله ذكرتيني

بخصوص المقال للاسف كيقولو حوته تخنز شواري دائما الشر يعم يعني ديما واحد الا فسد الكل يسقط الامر على الكل
وديما كنطيحو في التعميم قليل جداا الى تلقاه مايعممش
رد مع اقتباس
موقوف
المشاركات: 9,325
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2015-04-17, 10:27 PM
  المشاركه #3
عندي تعقيب على الكاتب كان ممكن يكتب الموضوع بطريقة احسن من هدي
رد مع اقتباس
 الصورة الرمزية سمو المغربية

المشاركات: 30,410
تاريخ التسجيل: Mar 2015
الدولة: Agadir
سمو المغربية غير متواجد حالياً  
قديم 2015-04-17, 11:00 PM
  المشاركه #4
سلمت الايادي اللي شاركتنا بالموضوع.. الصراحه ماخلى جانب ماتطرقلو الكاتب ..هههههه وعجباتني عنده هاد الهايش مايش ديال البرج وتاراست..والله ماكذب ههههه
__________________
كلآم الناس بالنسبة لي ،، مكآلمة لم يتم الرد عليهآ ..!!!
رد مع اقتباس
موقوف
المشاركات: 9,325
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2015-04-17, 11:10 PM
  المشاركه #5
شنو هي البرج وتارسات واش هدي مناطق في اغادير؟؟
رد مع اقتباس
 الصورة الرمزية سمو المغربية

المشاركات: 30,410
تاريخ التسجيل: Mar 2015
الدولة: Agadir
سمو المغربية غير متواجد حالياً  
قديم 2015-04-17, 11:32 PM
  المشاركه #6
اقتباس:
المشاركة الأصلية كتبت بواسطة Nadosh مشاهدة المشاركة
شنو هي البرج وتارسات واش هدي مناطق في اغادير؟؟
مناطق شعبية بزاااااف تابعه لعمالة إنزگان-أيت ملول..قريبة لاغادير..هههههه وبالاخص تاراست مجموعين فيها غير الخيش پيش وجالافاج..مع احترامي لبعض سكان المنطقه
__________________
كلآم الناس بالنسبة لي ،، مكآلمة لم يتم الرد عليهآ ..!!!
رد مع اقتباس
موقوف
المشاركات: 9,325
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2015-04-17, 11:36 PM
  المشاركه #7
اها وقيلا الطيور من تماك ههههههههههههههههههههههههه ه
رد مع اقتباس
 الصورة الرمزية سمو المغربية

المشاركات: 30,410
تاريخ التسجيل: Mar 2015
الدولة: Agadir
سمو المغربية غير متواجد حالياً  
قديم 2015-04-17, 11:40 PM
  المشاركه #8
هههههههه لا مانضنش...مرة مشيت مع واحد صاحبتي ضرباتنا صمقاله..كانقلبو على واحد الثانويه وغلطنا ومشينا تما..مابان ليه تما طيور..بانولي غا القووووبع والجحموميه وشي گريگرات فااايت فيهم الفووت هههههه
__________________
كلآم الناس بالنسبة لي ،، مكآلمة لم يتم الرد عليهآ ..!!!
رد مع اقتباس
موقوف
المشاركات: 9,325
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2015-04-17, 11:52 PM
  المشاركه #9
ههههههههههههههههههههههههه هههههههههههههههههه
رد مع اقتباس
مزعوط نشيط
المشاركات: 110
تاريخ التسجيل: Jul 2012
sarab8 غير متواجد حالياً  
قديم 2015-04-18, 12:48 AM
  المشاركه #10
مرحبا Nadosh
مرحبا ماجستير أنوثة
اشكر لكم مشاركتكم و اشكر لكم ايضا ايضاحاتكم بالأماكن اللتي تحدث عنها الكاتب
طبعا الكاتب كان ساخر جدا وهي طريقة جميلة في الكتابة وخصوصا انها اتت بالدراجة
لتزيد مستوى الفكاهة و الضحك لمن يقرأ هذه المقالة
والاهم من هذا و ذاك هو بدايته في الربط الساخر فيما بين احد الفرق السعودية الكبيرة بالحوار اللذي دار مع صاحبته
سمو المغربية معجب بهذا.
رد مع اقتباس
إضافة رد

الكلمات الدلالية (Tags)
الهلال, بالمغرب, تأهل, ساخرة, عدم, لكاتب, للمونديال, مغربي, مقالة, وعلاقته


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
مبروووك تأهل الرجاء الوهمي صاله عشاق المغرب العامة 2 2013-12-19 04:28 PM
ضرات في خريف العمر (مقالة ) أفندينا صاله عشاق المغرب العامة 22 2012-06-30 03:01 AM
فديت الهلال و يلي يشجعه شيخة الزين والدلع الاستراحه 9 2012-02-28 07:59 PM
فيديو من تأهل الأولمبيين المغاربة أمواج الشمال اخبار المغرب 6 2011-12-10 04:39 AM
وفد طبي مغربي ببنغازي لنقل جرحى ليبيين للعلاج بالمغرب الدوكالي اخبار المغرب 0 2011-10-27 02:08 PM


الساعة الآن 04:42 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83