عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


أشبهه باللي عسيف من الخيل .. يلعب وأنا حبل الرسن في يديا.. مخيطــوو بين طنجه واغادير .

إضافة رد
 الصورة الرمزية ولـ حائل ـد
ولـ حائل ـد
مزعوط قدير
المشاركات: 160
تاريخ التسجيل: Dec 2011
الدولة: Marrakech
ولـ حائل ـد غير متواجد حالياً  
قديم 2015-05-02, 06:32 AM
  المشاركه #71
هلااا بالعيال
والحمد لله ع سلامتك الغزال

متشوقين لك ولتقريرگ الناررري

__________________
ليت المسافه بين حائل واغادير
... مثل المسافه بين حائل وجده
ولياطرالي سيد كل الغنادير
... اسري ولا اصبح غير يدي بيده
ماهمني لو اتعبتني المشاوير
... ارتاح لعيونه وعلئ نور خده
رد مع اقتباس
ابو سيف الخيماوي
مزعوط فضي
المشاركات: 998
تاريخ التسجيل: Apr 2011
ابو سيف الخيماوي غير متواجد حالياً  
قديم 2015-05-02, 08:13 AM
  المشاركه #72
ياقلبي ياطنجه جددت الذكريات فيها في ٢٠١٤ بعد انقطاع من ٢٠١٠
روح والقلب داعيلك
__________________
على قدر أهل العزم تأتي العزائم
وتأتي على قدر الكرام المكارم
رد مع اقتباس
مزعوط الجبيل
مزعوط قدير
المشاركات: 213
تاريخ التسجيل: Nov 2011
الدولة: الجبيل الصناعية
مزعوط الجبيل غير متواجد حالياً  
قديم 2015-05-05, 05:33 AM
  المشاركه #73
علقتني بطنجه أكثر وانا اللي تعلقت فيها قبيلا

واصل يا احسن قدع في الحته
__________________
رد مع اقتباس
بحر العنا
مزعوط مبتدء
المشاركات: 39
تاريخ التسجيل: Apr 2014
بحر العنا غير متواجد حالياً  
قديم 2015-05-06, 01:45 AM
  المشاركه #74
شوقتنا لطنجة ... وشوقتنا لتقريرك اكثر ... في انتظارك
رد مع اقتباس
هواي غربي
مزعوط جديد
المشاركات: 3
تاريخ التسجيل: May 2015
هواي غربي غير متواجد حالياً  
قديم 2015-05-12, 04:53 PM
  المشاركه #75
تقرير من بدايته خطير.

أهم شي طير الحمامي هايم هيامي هههههههه

تجاوز فنان


واصل واصل نحن بانتظارك .
رد مع اقتباس
مخيطووو

أشبهه باللي عسيف من الخيل .. يلعب وأنا حبل الرسن في يديا.. مخيطــوو بين طنجه واغادير .

المشاركات: 1,924
تاريخ التسجيل: Jan 2011
الدولة: في عين خلي
مخيطووو غير متواجد حالياً  
قديم 2015-05-13, 10:29 AM
  المشاركه #76
اشكر كل من رد علي واسف لعدم معاودة الرد عليهم .. والف مليون شكر على مروركم .
رد مع اقتباس
مخيطووو

أشبهه باللي عسيف من الخيل .. يلعب وأنا حبل الرسن في يديا.. مخيطــوو بين طنجه واغادير .

المشاركات: 1,924
تاريخ التسجيل: Jan 2011
الدولة: في عين خلي
مخيطووو غير متواجد حالياً  
قديم 2015-05-13, 11:32 AM
  المشاركه #77
الحلقة الثانية
=-=-=-=-=-=-=
كل ماقــفيت نــآدانــي تعــآل... وكلـ ماقبلت عزم بالرحـــيل
الحقيــقة غــدت مثل الخيــآل... هو عدوي وهو آوفـى خليل


صحينا من النوم وأحلى فطور حيث الماء والخضرة والوجه الحسن نتجاذب اطراف الحديث وعم سعيد شغال (اذا قلت عم سعيد يعني كذب) المهم جانا اتصال من الإكسلنس قال انا بكازا ووصولي لمطار طنجه الساعة 12 بالليل .. قلنا ياهلا ومرحبا .. المهم بعد تجهيزات لاستقبال خوينا من شراء حولي بـ 1500 على ما اذكر ومن تجهيز العشاء رحت استقبله بالمطار الا الرجال جاي معه واحد انا على بالي هذا يشيل الشنط معه اثره واحد برشوت متعرف عليه ونشب له قال تعال وخوينا صراحة طيب جداً وراعي فزعه والرجال استفزع فيه .. استقبلتهم عرفني على الرجال انا هنا جتني صدمه حضارية الفيلا 3 غرف والاخ جاينا هبوط اضطراري والساعة 12 بالليل قلت تتدبر المهم مانتفشل مع الرجال ..

وصلنا الفيلا واحلى استقبال ملكي من شيفاز ومن شمس طنجه وبعض المدعوين تفضلوا ياهلا وغلا وبعد ما عطيناهم واجب الضيافة الا الاخ ابطلق عليه مسمى الفكك يعني (اللي يفكك الجو بقدره عجيبه) الا خوينا الفكك صوفي .. !! ولا شي ويشيك على أي شي يشربه بنفسه يعني بيبسي لازم مقفل قبل وهو اللي يفتحه .. اكل لازم مغلف قبل .. حشى جاي عند صهاينه.. ماعلينا سهرنا واللي علينا بالخير وعطينا الاكسلنس غرفه وخويه غرفه تبقى غرفه .. واحلف عنها وشيفاز يحلف عنها ماحد بياخذها انا ما ابيها وشيفاز مايبيها ... طبعاً كل هالكلام والاكسلنس وخويه ماحسوا بشي ..

سهرنا وانبسطنا وسهره حلوه .. طبعا الفكك يقول كلام ما انتبهنا له انه بيروح اسبانيا ومش عارف كيف .. بس ما ركزنا معه .. بعد السهرة دبرت نفسي .. صحينا الصبح الا الرجال يقول ابروح لاسبانيا وابي الاكسلنس يروح معي !! عدل بدل ياولد ماجيت الا البارح قال بروح اليوم انا مواعد اهلي اني بروح ومادري كيف .. شف كيف عكست الخط بدون نور .. بعد شد وجذب اتفقنا انه يروح ويخلي خوينا المشكلة خوينا حبيب ولا يبي يزعله طبعاً عم سعيد .. راح من عندنا ولله الحمد والفضل والمنه . يبي سبته واصيله والجزيرة الخضراء والله يعين اللي بيروح لهم .

جلسنا ذاك اليوم ورجع الوضع كما هو مخطط له .. ونروح نسهر في ليالي الانس مكان جميل جداً كان فيه واحد اسمه الحجوجي بس عطوه استمارة 6 وطلع من المحل .. جاء مكانه واحد اسمه صدام ايضاً محترم ..

بعد ليلتين بالضبط بجلسة صفى جاء طاري اغادير قال شيفاز والله مشتاق لا اغادير قالت شمس طنجه انا بعد ماعمري رحت لها .. انا وضعيت الميت ولا تكلمت .. ناظروا لي قلت انا لا ..!! ليه ؟ قلت انا من اهل اغادير قبل ولي معارف ولي مواقف فيها .. ما ابي اروح وبس .. قالو ابداً لايهمك .. قال الاكسلنس انا عازمكم لا اغادير على حسابي ولا تقولون ولا كلمه .. اتصل الان دور حجز من طنجه لا اغادير .. قلت مافيه لازم كازا .. سافرنا على سيارتنا .. المهم رحنا لكازا .. واتصلت على غزلان الله يوفقها وحجزت لنا ووسلمنا السيارة ودفع الاكسلنس التذاكر وطلعنا لا اغادير وصلناها الساعة 11 بالليل .. بعد مضايقات من رجال الدرك في المطار .. على مين تلعبها .. تخارجنا منهم .. المهم ...
في الطريق من المطار إلى الفندق .. تم عرض شريط بانورامي في ذاكرتي وتذكرت اول زيارة لي لأغادير وبرفقة من وكم قضينا وكم جلسنا والشخصيات اللي التقيت فيها وكيف كانت اموري هناك وكيف كان التعامل .. روعه روعه روعه .. رحم الله من مات واطال الله في عمر الحي ..

حجزنا في اماديل 3 سويتات علماً اني لا احبذ هذا الفندق لكن الضيف في حكمة المعزب قال الاكسلنس العشاء عندي طالبه من القلعة بيجي الساعة 2 نتعشى ونسهر بالكازار قلنا تم .. عسى الله يكثر خيره ويبيض وجهه وهذا دائماً طبعه ..
نزلنا الكازار وكان الجو جميل .. ورائع والحياة هاااانيه الى ان شفت يونس (الفنان) جاي يمي معه صديق قديم وهاتك ياتنقيط علي (وهذي ظاهرة قووووية في اغادير ) كأنك في الشام والا شارع الهرم .. اانا والاكسلنس وشيفاز وشمس طنجه في ذهووووول وصدمه ...!!! ونسلم ونرجع نرد التحية ، وارجع للطاولة الا الوضع يغلي .. والامور ماتبشر بخير .. والاكسلنس وشيفاز هاتك ياضحك وتريقه علي ويقول ( ليلتك مطينه بطين) .. انا شفت الدعوة خربانه قلت انبسط رحت جلست معه ونتذكر ايام ماكان الهوا عبداً لنا .. مما زاد الطين بله في طاولة الاكسلنس .. خلصت السهرة طلعنا فوق .. قامت حرب داحس والغبراء .. وشيفاز يتصل ويضحك .. والاكسلنس يتصل ويضحك .. وانا في حانا ومانا .. اول شي بديت با اعادة الامل .. مانفع .. اخر شي اديتووو عاصفة الحزم .. المهم نمت ولا علي من احد .

صحيت الظهر واطلع اتمشى على الكورنيش .. لحد المارينا جلست في كافي الامراء تقهويت طبعاً مقفل الجوال وعايش حياتي ورحت اخذت حمام ومساج عند محل في مكان اسمه البداله في حي رياض السلام .. وزرت صديق قريب من هالمكان .. وما رجعت الا قبل المغرب بشوي الا هم بالمطعم اللي باللوبي ومن يوم اقبلت الا يضحكون .. قالو خويك بيرجع طنجه .. لاااااااا .. ليش ؟ سؤال ذكي جداً قالو زعلان من البارح .. زعلان ياشمس طنجه قال لاتكلمني .. لاحووووول .. كذا مو حلو يازين .. المهم تم التراضي وكل واحد صلح سيارته .. بعد ما قلت :

يازيـن خـل العتاب شـويّ .. تـرى الوعـد لحظتـه عـجلـه
خــل اتـمـتـع بنـور الضـيّ .. مـن نـور و جنـاتك الـخـجله

ياشوق مافي يديني شيّ .. حاسب على روحي الوجله
لاتحسـب إنـي بظـل وفيّ .. خـِلك زمـانـه عـقـل رجـلــه

كم لي وكبدي تمنى الميّ .. ضامي ورجلي على دجله
قلبـي طـويتـه بحبك طـيّ .. وشـوفـك انـا مـيـت ٍ لـجلـه

واللـه مـالك بـعـيـني زيّ .. ونفسي على موعدك هجله
يازيـن خـل العتاب شـويّ .. تـرى الوعـد لحظتـه عـجلـه




جلسنا في اغادير 6 ايام وتطور الوضع صاروا يجلسون بالطاولة اللي جنبنا في الكازار او اطلانتيك او مخيطو .. حسيت اني مطلب جماهيري وهو نكاية في صاحبنا .. وبعدها توجهنا إلى مراكش ...
المهم انك لاتروح لمكان كان لك فيه صولات وجولات .. وحاول تتجنب الشبهات علشان ما تلبس بالحيط .. ولك الحيط .. ولك الحييييييط


واكتفي بهذا القدر لان اللي صار بمراكش ما اشوف ان فيه اختلاف كثير عن النظام .

وايضاً رجعنا للشغل ومطارد العمال ثاني مره يعني دخلتي للمنتدى بصعوبة .. فاتمنى انكم تعفوني من اكمال التقرير ..




الملاحظات على اغادير



ــ اغادير تغزل بها الشعراء والامراء والملوك .. اغادير الجمال والطبيعة .. اغادير العشق والمحبة .. اغادير التي يخفق القلب بذكراها .. اغادير تتعلق دائماً بالذكريات الجميلة ..اغاادير بلد جميل وشعبه رائع لكن ..
ــ الاستغلال في كلاً من سائقي التكاسي ، العاملين في السهرة ، العاملين في المارينا بلا استثناء ..
ــ كثرة الشباب الخليجي صغار السن .. لدرجة انه في احد السهرات واحد منهم الله يهديه بعد السهرة فتح البيرة وصبها على راسه واصحابه يحيونه .
ــ السهرات صارت تلم .. نعم صارت تلم .. يعني وانت بالسهرة تسمع حنا الفلان .. وحنا الفلاينه .. واحلى تحية للفلاينه .. حشى صار عرس حريم مو سهره ..
ــ مستوى الناس اللي فيها صار دون المستوى يعني مافيه اهتمام باللبس مافيه اهتمام بالمظهر انا اللي اعرفه انه اذا بغيت تسهر لازم تهتم با أدق التفاصيل وانا معكم انه شخص عن شخص يفرق لكن صدقوني اللي شفته اووووفر ..
ــ عدم احترام الذوق العام .. في كل مكان .. من قبل السواح .
ــ المساومة يعني لابد من الاتفاق على السعر قبل كل شي .. وهذا امر غريب .. مما يعيدنا إلى ايام مصر ..
ــ شر البلية مايضحك .. السهره بالحان صارت بـ 2500 هههههههههه اللي كان يترجانا نسهر فيه .. ههههههههه



اخواني الاعزاء نظرتي قد يقول عنها البعض انها سوداوية لكن انا شفت وضع غيررر عن اللي كنت اشوفه قبل .. لا تعليق على الاسعار لانها ليست ذات اهميه لانه اذا غالي عليك اتركه .. لكن اللي شفته استغلال بمعنى الكلمة .

والمصيبة ان فيه ناس مبسوطين على هالكلام .. لكن انا راضي وابوها راضي مالك ومالنا ياقاضي ..


في الختام اشكركم فرداً فرداً على متابعتكم لما طرحت .. وانا والله العظيم انني كتبت هذا الموضوع لوعدي لأخويي وصديقيي خالد وحمد .. ولما لهما من معزة وتقدير ..وكتبته باريحيه وباسلوب بسيط وبعيداً عن التكلف ..


انا في خدمتكم دائماً سواء على الرسائل الخاصة او غيرها .. ودمتم سالمين غانمين .


رد مع اقتباس
 الصورة الرمزية mmmsultan
mmmsultan

أشبهه باللي عسيف من الخيل .. يلعب وأنا حبل الرسن في يديا.. مخيطــوو بين طنجه واغادير .

المشاركات: 2,037
تاريخ التسجيل: Nov 2013
الدولة: بين العاصمتين
mmmsultan غير متواجد حالياً  
قديم 2015-05-13, 02:32 PM
  المشاركه #78
تقرير مباشر ويدخل للقلب.
مشكور على نقل تجاربك وطرحك المميز..
عندي سؤال بالنسبه لك وش شفت افضل طنجه والا اكادير؟
رد مع اقتباس
باشتان
مزعوط برونزي
المشاركات: 537
تاريخ التسجيل: Jan 2013
باشتان غير متواجد حالياً  
قديم 2015-05-13, 08:09 PM
  المشاركه #79
اليوم له يومين ما مر عليه
منين أجيبه منين يصعب عليه

اعجبني استقبالكم للاكسلنس والاكيد انه كفو وأنتو كفو

لكن يا صاحبي انت مقطع اكادير
ويبدو لي انك مرتبط بذكريات حلوه ومره
ايش اللي حدك عليها
اما موقفك فأنت لا تحسد عليه لانه صار لي شخصيا
لكن زي ما قلت انت جاي تنبسط وما عليك من احد

اما ملاحظاتك فا اعتقادي ان اغلب مدن المغرب الكبرى أصبحت
محطات مراهقين لكن ما يقرفك فيها اللي تفكيره (أنا سعودي + بفلوسي)
يحسسك انه جاي من كوكب اخر مع العلم ان الوضع كله قطه
أنا بخصوص اللبس لا تدقق ، اذكر مره واحد شفته والله لابس بنطلون اعتقد مقاسه ٣٨ والرجال مقاسه ٣٠
وأترك لك انت تتخيل كيف يبكون الشكل

لكن غريبة انت مخيطو ما علقت على مخيطو
__________________
أسافر عنه من ديره لديره
عساي اسلاه لكن ما حصلي

أهوجس فيه وأنسى إني نسيته
وأفكر في ليالي(ن) قد مضن لي
رد مع اقتباس
 الصورة الرمزية رافا
رافا
مزعوط خبير
المشاركات: 10,542
تاريخ التسجيل: May 2015
رافا غير متواجد حالياً  
قديم 2015-05-13, 11:09 PM
  المشاركه #80
مخيطووو ألف شكر ولك مني تحية إحترام وتقدير واعجاب
أهنئك على طرحك الجميل بصراحه أسعدني تقريرك الله يسعد حياتك
__________________
لاتسمع كل ما يقال ولا تقول كل ما تسمع.
رد مع اقتباس
إضافة رد

الكلمات الدلالية (Tags)
طنجه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: أشبهه باللي عسيف من الخيل .. يلعب وأنا حبل الرسن في يديا.. مخيطــوو بين طنجه واغادير .
الموضوع آخر مشاركة
محتار بين طنجه واغادير ،،، ارجو الافادة 2020-01-19 09:17 AM
السنه هذي نويت مراكش واغادير، ونصحوني بمراكش بالروز واغادير بصحاري، وش رايكم ؟ 2019-06-17 03:54 PM
هل من خوي لشخص غشيم يدور الزعطه باللي هي به 2012-06-27 10:12 PM
يزيد يلعب باثعل 2011-08-13 05:12 PM
يوم جات الخيل تصهل في وعدها 2011-07-16 04:23 PM


الساعة الآن 05:49 PM