رفيق السفر من هو يبوق برفيقه
لاني بهيّن ولا رضيت المهانه
ترى السفر يكشف علوم الخليقه
و لاشك ظني فيك ماهو بمكانه
زال القناع اللّي وراه الحقيقه
والطبع يظهر.. لو يطوّل زمانه
والمعدن اللّي شفت يخدع بريقه
وغير الذهب معدن يزول إلمعانه
وأنا هقيتك رجل سمح الطريقه
صافي الضمير ولا ضمرت الخيانه
ماهو من أصلك ,لك جذورٍ عريقه
أبوك ,وجدّك ..قبله العهد صانه
ذكرتني نوح ,والأراضي غريقه
ترك الشقي وإن كان ولده وشانه
وآدم ,أبو قابيل .. قاتل شقيقه
وإبراهيم ,أبوه آزر..صانع أوثانه
الطبع ثوبٍ وكلٍ لابسٍ مايليقه
وكلٍ تخيّر في المجالس مكانه
ألهيتني عن وصف حسن الطبيعه
لكن شعوري في قصيدي بيانه
غزاك شعري والأعنه طليقه
مالك ملاذ .. ولو طلبت الحصانه
اسأل عدوي كم تعنى بريقه
لامن طرو اسمي يحرك لسانه
غاراتنا بالحق .. بأسٍ وضيقه
على العدى والنصر ..العفو زانه
اسوة نبيٍ ..بالمعاني عميقه
اللي فتح مكه بسطوة سنانه
وصلاة ربي عد نسل الخليقه
على اللذي بالحق أدى الأمانه