|
مسافر جديد ولوحدي
اخواني الأعزاء
انا مسافر الاسبوع الجاي الى المغرب ولوحدي ابي نصائحكم من ناحية السكن و المواصلات من مطار كازا الى مراكش و المواصلات اليومية بالتاكسي والا اشوف لي سيارة مع سائق وإذا احد عنده رقم سائق ينصح فيه لا يبخل علي وإذا فيه نصائح من ناحية الجو الأيام هذي اقصد الملابس اثقل يعني برد والا خفيف وعلى فكرة اول مرة اسافر للمغرب أرجو ان لا تبخلو علي بارشادتكم ودمتم سالمين |
مرحبا..
سفره سعيده وترجع بالسلامه.. السكن.. خذلك لفه في الصرح الشامخ.. منتدى المزاعيط.. وراح تحصل طلبك.. بالنسبه للمواصلات.. ادا كانت الرحله طويله وشاقه راح توصل تعبان.. ا فضلك شوفير خاص . أما أدا كنت راح توصل في حيويه ونشاط.. ووقت الوصول باكرا.. عندك القطار.. بالنسبه للمواصلات داخل مراكش.. على حسب انت وين راح تسكن.. داخل المدينه والخدمات قريبه أم خارج المدينه.. وتحتاج شوفير خاص.. ادا كنت ممن يحب التماشي وزيارة المعالم والتعرف على المدينه.. بالنسبه للسائق عندك.. محمود.. عضو في المنتدى وأكثر المزاعيط تعاملو معاه ويثنون عليه وعلى تعامله.. هدا ما لدي.. والمزاعيط ما راح يقصرون معاك.. تحياتي وفالك الزعطه.. |
اقتباس:
|
انصحك لا تروح مراكش بما انك وحداني واول مره نصيحه وخذها مني روح لاكادير وخذ لك غرفه بفندق صحارى او اماديل وعيش جوك واذا بتطلع مشاوير مشاوير اكادير كلها قريبه وتاكسي يقضي اللزوم وفندق صحارى كل انواع الفله عندك يعني لا تروح ولا تجي ومراكش بتكون وحشه عليك لحالك بعدين بما انك اول مره تروح لما يطلبونك الامن والجمارك بالمطار بخشيش اعمل نفسك ميت ولا اعمل وضع المزهريه يعني اعمل نفسك غبي ولا كنك تسمعه وانصحك اذا بتروح لمراكش دور لك خوي من اخوياك الي تسافر معاهم وتعرف جوه زين ورح مراكش واذا ما لقيت خوي رح لكادير وخذها نصيحة اخ يبي لك الفله والوناسه وتقبل مروري
|
اقتباس:
كلامك منطقي اوافقك الراي ( مغرم بـ شعوب المغرب ) |
مشكورين اخواني الأعزاء على الردود
ولكن رحلتي كلها ما تتجاوز ٥ ايام يعني انا قلت مراكش عشانها اقرب لكازا من اغادير والي عرفته من المنتدى انه اغادير بعيده عن كازا والشئ الثاني التذكرة رح تكون غالية والمدة ما تستاهل كلها ٥ ايام وبعدين انا اشوف مراكش اكثر شهره من غيرها بالسياحة ولكن بصراحة اشوف تحذيرات كثيرة و وضع مش مطمن وبصراحة اني احترت لاني ما عمري زرت المغرب وسافرت كثير بس كلها بلدان مش عربيه و تصير المشاكل باي بلد بس زي الي انا اقرأه هنا حسستوني ان البلد من المطار والشغل كله استغلال و بخشيش الي يحذر من السيارات والي يحذر من السكن ومدري ايش اسمه الدرك والي يحذر من التاكسي و الي من المطاعم وأماكن السهر وغيره ما بقى شئ الا وتم التحذير منه شئ غريب اتمنى الي عنده خبره يعطيني اسم مكان اسكن فيه أمن ونظيف و سواق صادق و محترم وأماكن أمنه وتعاملهم جيد طبعا انا لوحدي وجوي هادي بصراحة السفارة لها دور هناك والا ما عندك احد في حال وقوع مشكلة طبعا وإذا كان لها دور فهل ممكن تزودوني برقم احد بالسفارة للطوارئ لان كل السفارات السعودية عندها ارقام طوارئ و في بعض البلدان جدا قويه ولها دور وانا مجرب واعذروني على الاطاله بس ودي أقرر اسافر المغرب والا أغير الوجهه شكرًا لكم |
المدة قصيرة معك (5) ايام
اذا حاب النصيحة استأجر سيارة من المطار ،،، ارتاح في كازا الصباح ع مراكش مباشرة اسكن فندق لعدة اسباب منها ،،، اول مرة تزور البلد ،،، ارخص ،،، تستشكف الشقق . السيارة تفيدك جدا في مراكش البلد اكثر من رائع في التعامل والامان وانت من يسمح للاخرين باستغلالك او احترامك وبالتوفيق وسفرة سعيدة |
ياحبيبي تبي العلم عليك في اغادير مراكش جوها كئيب اذا لحالك يبي لها قروب شباب
وعن الاستغلال والبخشيش بتشوف شيء ماعمرك شفته اذا اول مره تسافر لبلد عربي القاهره ابوهم للجنه عندهم محترمين |
وليه ماتقضيها بكازا
|
اغادير افضل كثير
|
| الساعة الآن 06:13 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط