|
تجربه سيئه مع ابن بلدي .. للاسف
مساء الخير
في اخر سفريه لي للمغرب العام الماضي كنت في مطار الملك عبدالعزيز بجده .. وكنت منتهى من شحن الشنطه وتختيم الجواز وقص البوردنق وجالس اشرب لي قهوه واقلب في جوالي في مقهى المطار ومن قرادة حظي رفعت راسي اناظر في الناس ووقعت عيني على شخص جالس بطاوله جنبي ناظرني وابتسم وسلم علي رديت السلام وليتني ماابتسمت ولارديت السلام نادني قال وين رايح ليتني قلت المريخ او السلفادور او جزر هاييتي قلت له المغرب قال يعني خوينا وقام وهو يسولف وجا جلس معي وقام يعطيني من الخرررطي حقه والحروب والجهاد اللي يعمله كل صيفيه وقال انا انسان احب السفر لوحدي متعه وراحه نفسيه قلت حلللو المهم قال انت وحدك لما حسيته بيلزق فيني قلت لا ينتظرني شباب هناك قال ماعليه ماراح اثقل عليكم :maroc (1180): اقلعنا واتجهنا للمغرب وطول الطريق يبربر صدع براسي طبعا هو كبير سن بس شكله صايع مع مرتبة الشرف وصلنا المغرب وكان فيه صديق لي مغربي ينتظرني بسيارته وصلت لصديقي وقلت له معي واحد ناشب بحلقي ساعدني اتخلص منه طووول الطريق واحنا متجهين لكازا يقول وين راح تسكن ولازم امر عليك ومن هالكلام وقفنا في شارع فيه صرافين وانطلق بسرعه امامي للصرافين وبعدين جاني مسرع قال تعال لقيت لك صراف هنا رخيص لما سألت الصراف بكم تصرف لقيته زود الرقم عشان يتقاسمه هو والحرامي اللي جاي معي وابن بلدي وطول الطريق مسوي صديقي قلت اذا انت ثور وهذا بقره انا انسان وفاهم ولا انت ولا هو ولا عشره من اشكالكم يلعب علي وانت ياوجه العنز من الان انقلع لا اشوفك تروح معي ولاتركب معي وانا ماراح اصرف هنا ثم مشيت انا وصديقي المغربي ورحنا لصرافين بشارع ثاني وصرفت من هناك بصراحه حسيت بقهر من هذا الادمي الكبير بالسن اللي فاكر الناس لعبه وممكن يضحك عليهم وحتى صديقي المغربي تفاجأ بالموقف وقال معقوله فيه ناس تغدر في بعضها كذا عيني عينك ادري قصه قديمه ويمكن مالها داعي بس حبيت افضفض فيها هنا وان لاتثق في اي احد بسرعه ودي وتقديري |
مرحبا ..
الحذر واجب من ضعاف النفوس .. وخص أن الصيفيه على الأبواب .. شكرا لك لتنبيه الأعضاء واتخاذ العبر .. تحياتي .. |
هالاشكال كثرانه هاليومين
|
صدقت اخي
لكن انا قابلت إنسان لوحده بالمطار وعرض علينا الاخوه قلته مافي مشكل لكن تري السكن انا أحب اسكن لوحدي قال تمام حقيقة عاش معنا عشرة ايام في كل مكان ذهبنا له كان نعم الأخ والحبيب والله في بعض الأحيان يسابقنا علي العلم الزين يازينه وزين نفسه الطيبه والساعه المباركه التي جمعتنا فيه واوجه له تحية حب واحترام وأقول له ياولد مكه والله وحشتنا وانتظر زيارتك لبلد المصطفي صلي الله عليه وسلم تحياتي |
سافرت لاكثر من دولة ،،، واكثر سفري لوحدي.
قابلت ناس من نفس بلدي مثل ما ذكرتوا ... نوعين سيئ وجيد لكن عندي قاعدة انا مسافر استمتع وارتاح واريح اعصابي واستكشف وانبسط ،،، ولو حسبتها كلها كم يوم وترجع لبلدك فالافضل ،،، عدم التعرف بالسفر الا للضرورة القصوى جداً |
على فكره ترا فيه عرف سائد بالبلد وهو 10% من أي شي تشتريه او أي صفقه تتم بوجود صاحبك المغربي اللى انت معتبره مثل نفسك
حتى المطعم اللى انت تاكل غداك او عشاك فيه بوجود صاحبك هذا له نسبة منه هذا اولآ يعني شغلت انه انا ابو على وماحد بينصب على ترا بينصب عليك وانت تضحك اما من ناحية الرجال اللى انت وقعت فيه هذا ......فهذا شي اسود من مليون شي ابيض بابن جلدتك والحمد لله انك اكتشفت هذا الشي قبل تطيح بيديهم ..... بس لو كنت ذكرت اسمه على شان تصير خدمه وتحذير للناس اللى بعدك من هذا الشخص |
اقتباس:
|
تبي الصراحة موضوع سرقة فلوس وسعودي قليله جدا ممكن خلاف على شي ثاني ممكن بس انه مسافر للمغرب علشان ياخذ فرق الصرف ولا سعودي تاكد ممكن يكون جنسيه اخرى لابس بدله صوفي
|
غريب أمرك غريب
|
الاشكال هاذي واجهتها كثير في رحلاتي خصوصا لما أكون لحالي
أشخاص طفوليين وغثيثين يطبون فيك بالعرض وانتى لسا بالمطار في السعوديه بس أنا على طول أقوم وأغير مكاني يعني بالعربي اقلب وجهك واللي يجلس جنبك في الطياره ويغثك حط السماعات على أذانك إسمع أغاني وطنشه هو وسوالفه التافهه تم الإرسال بواسطة iPhone بإستخدام مزاعيط المغرب |
| الساعة الآن 02:19 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط