اخ يالقهر بس

انت قصدك مطعم الجزيره للاسماك ؟

والله النصب في كل مكان بس الحذر واجب ومعرفة السعر ظروريه واذا اظطريت اساله كم الحساب كامل

تمنياتي للجميع بالسلامه والسعاده بالحل والترحال

الاخوة السعاوده والخليجيين عامة هذي آخرة هياطكم جنى ثمارها اللي على قد حاله

حبيبي عبودي جاد وش هياطه بس دخل طلب وجته فاتوره كبيره وش دخل الهياط في الموضوع

انا اقصد تعاملاتكم هناك بشكل عام توحي بأن الواحد فيكم يملك مال قارون فلا تستبعد استغلالك بأي طريقة كانت وبأي مكان



فكر خارج الصندوق وبتصير تفهمني ️

اما سالفة فاتورة اكلي 5000 درهم فما استبعدها لان المأكولات البحرية بشكل عام معروف انها غالية مقارنة باللحوم الثانية ناهيك عن نوع الطلب والاصناف .. ومن غير المنطق مقارنة لحم غزال بـ لحم غنم هذا له سعره وهذا له سعره وانت اللي تختار

هذا المطعم اكلت فيه كثير . احذرو منه والسبب لانه يحط اسعار على مزاجه والسمك اللي عنده مضروب . السمك من داخل لونه اسود . انا كنت احبه جدا لكن بآخر زياره لاحظت المقلب . وللعلم صاحبه الطنجاوي باع المطعم لانه مره جاهم وكيل الملك وتسمم . واخذه شخص ثاني الله لا يوريك سرقه عيني عينك . وفيه موقف ضحكني ، مره من المرات دخلت المطعم ولقيت واحد جالس ومعه سواقه و طالب انواع الاسماك وابو الشباب ماخذ راحته مرره يوم جى وقت الحساب الا وهاك الفاتوره اللي نزلت عليه زي الصاعقه اعتقد 2400 درهم ههههههههههههه وتهاوش معاهم وانا قاعد اكل واتفرج على فلم ام بي سي ماكس ماقدرت اركز من هوشتهم المهم انا اكلت وخلصت وطلعت وهم يتهاوشون . ولازم كل شخص اذا طلب يعرف وش طلبه وكم السعر عشان ما يتورط . احذرو منه اسمه ( مطعم الجزيره )

سلموا لي على طنجة رحنا مطعم انا وخويي قريب من الكورنيش ماذكر وش اسمه بس السمك فيه طااااازج وماشفت فيه ولا خليجي وقبل نطلب شفنا المنيو وطلبنا مقبلات وصحنين بحريات مشكلة فيها من كل مالذ وطاب يمكن يجي الصحن للشخص تقريباً كيلو وبطاطس مقلية ورز واشياء واجد ومشروبات والحساب كله ماجا 300 درهم وفاتورة مطبوعة وموضح فيها الطلبات والاشياء مسجلة بالسستم لاتلاعب ولا احتيال غير الطاقم اللي يحرجك بأحترامه وكان في طلب اضافي برضه وكنسلناه لان تأخروا وحسينا اننا شبعنا وكثرنا يالله لك الحمد والله يدمها من نعمة وراح اكرر الزيارة للمكان في رحلتي القادمة ان شاء الله واجيب لكم اسم المطعم...اعتذر عن الاطالة.

المغرب كلها حلوه حتى لو الاكل متسمم