فتح حساب في وفا كاش

يعطيك العافية حبيبي ... جميل عشان الشباب يكونون في الصوره انا صرفت المبلغ المتبقي من المطار وما قدرت من فرع كازا
عشان كذا يا شباب اللي باقي له دراهم وحاب يسحبها ((( أفضل يسحبها قبل سفره بيوم أو يومين تحسباً لأي طاري ولموضوع السستم متعطل )))


بَاقِي مِنْ الِّذگرى ~ تِوَآقِيعْ و حرُوفْ ~

يعطيك الصحه يالغالي وبالتوفيق



تم الإرسال بواسطة iPhone بإستخدام مزاعيط المغرب

يا خوان انا احس ان الوضع ميحتاج عند بطايق الفيزا تغنيك

يااخوان
هل تنصحون بفتح حساب في وفاء كاش افضل وأضمن

ماذا تقصد الوضع مش ولا بد اشرح لنا لنكون علي بينة
تحياتي

ياشباب
نصيحه لوجه الله

تبي تحط فلوسك في وفاء كاش
اوكي

لكن افتح حسابين او ثلاثه
وخذ بطاقتين


انا الان متورط
فتحت حساب فلوسي في وفاء كاش

ولكن ماتقدر تسحب الرصيد بالكامل الا من الفرع اللي فتحت فيه حساب
وانا فاتح حساب في فرع كازا
والان في مراكش

تسحب بالبطاقه مبلغ ٦٠٠٠ درهم فقط
سواء مشتريات او كاش من الصرافه
لك ٦٠٠٠ درهم فاليوم

اللي يقولك تقدر تشتري بسته وتسحب سته كذااااب


لك ٦٠٠٠ فاليوم

وانتو عارفين سته ماتسوي شي باليوم

انتبهو


الحمد لله معي البطاقه السعوديه والا انكبت

مافي حيل ادق مشوار لكازا عشان اسحب الرصيد

قلت اذا رجعت كازا قبل الطياره اسحب الرصيد الباقي واغيره سعودي واطلع

ياصديقي انا سحبت بالشبكة ٧٠٠٠ درهم وسحبت بالصرافة ٦٠٠٠ درهم بيوم واحد ولا اكذب لا لي مصلحة تبي تصدق صدق هذي تجربة شخصيه

بالنسبه لي انا عندي حساب بالبنك المغربي للتجاره الخارجه والحد اليومي المسموح فيه هو ٦٠٠٠ درهم بس لو حبيت اسحب اكثر دشيت البنك وسحبت من اي فرع ولا نجكك بأحد وسلامة الجميع.

المفروض الواحد يودع الشي المناسب او يغير البنك ويشوف افضل بنك

انا عندي تجربه مع نصبه من نصبات المغرب
وهي بنك وفاء كاش حساب فلوسي


قالو الافضل تفتح حساب وتحط فلوسك وتاخذ بطاقه في نفس اللحظه

وهذا اللي سويته

ولكني انصحكم ياشباب نصيحة لوجه الله
خلي فلوسك كاش معاك ولا تفتح حساب لو اعطوك فلوس


فتحت حساب والحمد لله اني حطيت فيه نص المبلغ
صحيح اخذت بطاقة صراف في نفس اللحضه
ومشيت

رحت ابي اسحب
مايعطيني الا اربعه الاف درهم كاش في اليوم
وماتقدر تسحبها كامله
تسحب ٢٠٠٠ درهم
وترجع
تسحب ٢٠٠٠ درهم

وعندك ٢٠٠٠ درهم مشتريات

يعني الاجمالي اللي لك ٦٠٠٠ درهم
٢٠٠٠ درهم كاش من الصراف
٢٠٠٠ درهم كاش من الصراف
٢٠٠٠ درهم مشتريات من كارفور او اي نقطة مشتريات

والاربعه الاف كاش ماتسوي لي شي
وراي سداد سكن
وطلعات
وسياره
والخ...

احمد ربي ان بطاقاتي السعوديه معي
فكتلي ازمه كبيره جدا
وللمعلوميه
بطاقتك السعوديه اهلي راجحي ايا كان ماتعطيك الا ٤٠٠٠ درهم
ونفس الطريقه على سحبتين ٢٠٠٠ درهم و ٢٠٠٠ درهم

هذا اول شي

الشي الثاني
تبي تسحب كل اللي في الرصيد
ماتقدر
لازم تروح لكازا لنفس الفرع اللي فكيت فيه الحساب عشان تسحب الرصيد

الشي الثالث
تسحب من مكينة الصرف مايطلع لك كم المتبقي في حسابك
يطلع لك ايصال بمبلغ السحبه اللي هي ٢٠٠٠ درهم
طيب كم باقي؟
مافيه اي معلومه في الايصال

الشي الرابع
قالو تفتح حساب ويبقى سنتين
اقولك كذب في كذب

انا رحلتي انتهت وانا معتمد على الله ثم بطاقاتي السعوديه ولما رجعت لكازا للمطار وقت السفر
رحت للفرع اللي فكيت فيه الحساب ابي اسحب الرصيد

سالتني كم باقي في رصيدك!!
لانها عارفه ان جهاز الصراف مايبيّن لك كم المبلغ المتبقي في الرصيد!

مسويه ذكيه

قلت انتي قولي
طالعت في الكمبيوتر شوي
( والله لو تدور ابره في كوم قش)

وربي شي غرييييييب

ومتاكد اي مبلغ راح اقوله وهو اقل من الموجود بالرصيد راح تعطيني اياه وانتهينا

المهم

قالت باقي لك مبلغ كذا كذا
وانا سبق وحاسب كل السحبات اللي سحبتها
حسيت انه مبلغ قريب قلت صح
هاتيه بس
اخذت المبلغ ولا اعطتني ايصال بقيمته ولا شي
عشان اتاكد انه نفس المبلغ اللي بالرصيد
يعني ناصبه ناصبه


المهم قالت لي اتفضل
هذي مخالصه
تم اقفال حسابك!!!!
ليش ؟
مو قبل عشره ايام لما جيتك انتي بالذات قلتي الحساب يقعد سنتين ههههههههه
قالت لا


هذا اللي حصل معي والله على ما اقول شهيد