هام جدا ياشباب انا رايح اغادير ولا اعرف فيه شي فزعتكم

روح طنجه أحسن لك جو اغادير جوها شوي حار اذا تدور طبيعه وجو ووناسه

مارينا وريح راسك

لا يمكن اسكن في المارينا من بعد اخر مره إزعاج واخلاق خايسه وروائح كريهه

والله ماعاد ندري ناس تمدحه وناس تذمه الواحد يحتار وين يسكن

الناس اذواق

في ناس تحب الازعاج و الهيصه و رافعين المسجل هذولا ربع المارينا

و في ناس تحب الروقان و نظام الفنادق و الإتيكيت هذولا ربع اماديل والسوفيتيل

الناس ماهي سوا عشان كذا تشوف تضارب الآراء

طيب اخوي بنسبة للمارينا صحيح يوجد نظام البخاشيش برضو ولا كلام فاضي

حدد متي رحلتك وامورك راح تكون تمام التمام وخط السير عندي

الله يوفقك برحلتك شكلك ماقرأت قسم السكن باغادير
كل شي واضح
بالتوفيق برحلتك

الله يجزاك خير نظام البخاشيش بالمغرب كلها

لكن اذا امورك بالسليم ليه تبخشش ؟؟

اما المارينا احيان تحتاج تبخشش لكن شي ما يذكر ( يعني مو عالطالعه و النازله ) و يقولك ما يخدم بخيل لا بالمارينا ولا بغيره انت رايح تنبسط و تبي كل شي يوصل الى عندك

لكن بالمعقول ، بتجيك عينات تطلب و عينات يستلحج عليك عشان تعطيه هذولا ودك تكويهم اما باقي الشعب بيخدمك و بينتظرك تعطيه اذا ما عطيته ما عاد هو بخادمك
عاد انت ومزاجك
اذا اعجبتك الخدمه ما يمنع و اذا ما اعجبتك لا تعطيه لو يموت

و غير كذا عندك فرع الشرطه السياحيه ع الشارع نفسه و قرييييب من المارينا

اول ما توصل مر عليهم و خذ كل المعلومات الي تحتاجها من ارقام وش لك ووش عليك و من هالأمور

انا جيتهم و مريت اول مكتب ع اليمين كان فيه ضابط (حرمه) بشوشه جداً و استقبالها حلو و سولفت انا وياها و علمتني كيف افتك من الشاحذين الي مالين الكورنيش و عطتني رقم الشرطه السياحيه و رقمها الخاص قالت ان احتجت شي ضروري هذا رقمي
طبعا كان معي توله عود طبيعي بمخباي و عطهياه و قلت هاذي هديه من مكه و استانست وابشرك ما احتجت ادق عليها ابد لانه بكل موقف اقول بدق ع الضابط فلانه و تنحل الامور

وقبل امشي مريت عليها و سلمت

فأنا انصحك تاخذ معك كم توله عود و تمر الشرطه السياحيه و تدورها ترى ما اذكر فيه ضابطه غيرها الكلام ذا بشهر ابريل الماضي واذا مالقيتها ادخل ع الضابط الموجود واذا كان استقباله بشوش بيقبل الهديه ومباشره بيعطيك رقمه الخاص

كذا انت ضمنت وضعك من ناحيه النصب و البخاشيش الي مالها داعي

اي واحد يغثك بالمارينا ارفع السماعه ع حضره الضابط ويجيك يلعن ابو جدهم و من بعدها كلن بيدق لك تعظيم سلام

والسلام خير ختام

و يا صاحب الاعلان

انصحك بالسكن ع البحر مباشره في اي فندق او شقق

اغادير اذا ما سكنت ع البحر لا والدريشه تفتح ع البحر اجل انت ما رحت اغادير

طبعا حلول السكن كثير جدا
انت من هواة الفنادق ولا راعي شقق ؟؟

وهل بتجي بسياره ولا تاكسي ؟؟

انا افضل السياره وانت وراحتك

و وش تبغى من معلومات زياده وانا اعطيك