رحلتي لمراكش بشهر 2015/3
 

السلام عليكم

كيف حالكم يامزاعيط

بكتب لكم تقرير عن آخر رحلة لي في مراكش بشهر 3 الفائت حجزنا ٢٠١٥/٣/١٠ على الخطوط القطريه وكان هذي رحلتي الثالثة لمراكش خلال خلال ٤ شهور ومعاي صديقي وقرة عيني وحبيبي واعر بالزاف انا اشهد انه خوي حطة على يمناك. والسفرة هذي اثبت موقفه الرجولي معاي واثبت لي معنا الصداقه والاخوه نزلنا مطار قطر الدولي وشرينا الملتزمات الي تعرفونها مثل عصاير وغيره وعدد ليس بقليل تقريبا مجموعهم ٨ عصائر ٤ عصائر نوع واحد و٤ انواع اخرى للخلطات وغير كروز الزقاير كل شخص ٣ كروز وصعدنا الطيارة وصلنا تقريبا لمطار محمد الخامس الساعه 7,30 صباحا طلعنا للجوازات بصراحه اول مره ماتكلم معانا يطلب شي كانت المعاملة ممتازة وزحنا نتظر الاغراض والشنط ومعانا صاحب العربانه الي يشيل الاغراض سالنا شنو معاكم قلنا له قال بوديكم مكان ثاني للجمارك لان هني حاطين مسؤوله بنت وكانت متشدده طبعا لما حمل اغراضنا غير رايه باخر لحظه ودخلنا جمارك المراه المسؤوله طبعا شافت ملامحنا قالت معاهم بلاوي حولتنا للتفتيش نزل بعض الاغراض وفتح الشنط وقالي الحمال عطه المقسوم وعطيته بحدود ٢٠٠ درهم وقال بصوت عالي ماعندكم اشياء ممنوعه قلت لا قالي يله شيلو اغراضكم وسيرو طلعنا واغراضنا معانا كان في استقبالنا سايقنا العزيز الي بكل سفراتي للمغرب معاي لكن للاسف اكتشفت انه شخص طماع وانتهازي ساذكر لكم التفاصيل لاحقنا لان حصل موقف معاي اتمنى مايحصل لاي شخص معاكم

بالانتظااار ؛)

في انتظارك

بالانتظار

نكمل موضوع الرحلة الي مااعرف شنو اسميها

بعد ماحصلنا السواق طلعنا عند صراف وفا كاش اذكر اهو افضل سعر للصرف صرفت 2170 دينار كويتي طلعو بحدود 70 الف درهم يعني 7 مليون ريال مغربي على ماعتقد بعد ماخصلنا واحنا عند بال المطار صاحبي وحبيبي واعر بالزاف قالي ممكن تعطيني جواز سفرك صدفه بدون تردد عطيته جوازي و طلعنا طبعا كالعاده وصلنا السيارة بنزل الاغراض طلعو لنا 3 اشخاص غصب بيصعدون الاغراض بالسيارة اشكالهم مشبوهه وقلت لصحابي انتبه لشنطتك مالت الفلوس المهم تخلصنا منهم طلعنا متوجهين الى معشوقتي مراكش وصلنا اول محطة قال السواق نبي نعبي ديزل شفناها زحمة قلت اذا الديزل يوصل كمل طريقك للمحطة الي بعدها قالي صافي كملنا للمحطة الثانية وقفنا قال صاحبي نبي ناكل اي شي قلت ماشي وانا قلت بروح دورة المياة طبعا الشنطه مالت الفلوس معلقها على صدري طلعت منها 1000 درهم قلت لزوم الديزل والاكل وغيره وطلعت موبايلي من شنطتي والدخان وتوجهنا للمطعم والشنطة معلقه في صدري طلبنا طاجن وبيتزا انا قلت بروح دورة المياة دخلت الحمام بعد عناء سفر طويل اول مادخلت شلت الشنطه علقتها على مكان المنديل جلست 3 دقايق وطلعت وتوجهت لصاحبي بالمطعم حصلت الاكل جاهز اكلنا وبعد الاكل بعشر دقايق. افقدت شنطتي ماحصلتها بصدري انصدمت سالت صاحبي قالي معاك كانت تذكرت اني ناسيها بالحمام

ههههههههههههه واصل وش صار حصلتها الشنطه .؟!


​.. ♥̶̲̲̲‹ وسيع خااااطر ومعطي الدنيا ظهري � ‹☺›

شنطة الفلوس مره وحده

كل شيء يتنسى إلا شنطة الفلوس ...الله يعينك كمل أخوي كمل في انتظارك

شوووقتنا كمل يااااكشن