اليلام عليكم. ارجو تقبل مشاركتي في الموضوع
انا من رواد المغرب من ٢٠٠٦ و لفيت اغلب مدن المغرب من الرباط و انت نازل لين تزنيت و احب اجر السياره بروحي بدون سواق. و اكثر اماكن احبها مراكش و كازا و استمتع في السواقه في كازا مع انها سحمه بس انا اقولهم السواقه في كازا غيير. اسميها البقاء للاقوى ههههه.
اسف على المقدمه الطويله اشوي بس حبيت اقولكم عن بعض الحيل اللي يستخدمونها الشفاره في المغرب و ازيدهم على صاحب الموضوع اذا سمحلي و ذلك من خلال خبرتي البسيطه هناك و اللي سمعته و تعلمته من بعض اصدقاء لي هناك. اول شي خلك و انت سايق على طول مقفل البيبان مالوت السياره.ثانيا ولاتحط شي غالي عند زجاج السياره الامامي مثل تلفونك او جهاز جي بي اس حاول انك تخليهم في مكان محد يشوفه من بره ثالثا لاتفتح شباك السياره خصوصا في اليل الا عند الحاجه و حاول تفتحها باقل قدر تقدر عليه. يعني مثال اذا تدخن بس شي بسيط عشان يطلع الدخان
طبا راح اقولكم ليش الحين قلتلكم هالاشياء يعني وحده من الطرق. مثلا و انت واقف عند اشاره. حتى لو بالنهاار. يجيك واحد مثلا بموتور جنبك. ويسألك عن مكاان يعني مضيع. و تلقى واحد ناطره من الناحيه الثانيه و انت تكلم اللي على الشماال يقووم يلقط الاغرااض اللي انت حاطه فووق في السياره و ينحااش. هذي والله صارت جدامي مع واحد مغربي مسكين كانت غلطته انه فاتح الشبابيك عالاخر. و مخلي تلفونه فووق. ملصقه على الزجاج. و الطريقه الثانيه. ليش قلتلك لا تفتح الشباك اكثر من الازم و وقت حاجتك بس. هذي عاد اكثر شي يسونها في البنات يجيك واحد يرمي فاار وانتو بكرامه داخل السياره على البنت. تقووم المسكينه من الخرعه تهد السيار و تنحااش. و يجيك هو على الراحه ياخذ الاغراض و ينحاااش. وفي طريقه ثالثه وهذي انا اشوفها من اخطر الطرق. انه يجيك واحد من وراك و انت مو شايف بموتوور و يقوم يضرب السياره من الخلف برجله و يطيح نفسه يعني انه صدمك تقوم حضرتك تنزل بتشووف شنو اللي صاير. و عاد. عندك الباقي. و انتو فاهمين
هذي بعض المعلومات اللي حبيت افيدكم فيها. يريت تسمحولي على الاطاله و الله يحفظكم من كل شر انشالله