وصلت الرياض

الحياة توافيق وانت أفضل مني حظ ، الله يسعدكم ولايفرق بينكم ، اما انا العكس كل اللي عندي المتردية والنطيحة ، ولربما في الامر خيره

متااااااااااااااااااااااا بع

واصل يابطل

الحلقة الثالثة :
في ثالث يوم صح صحت الظهيرة وحصلت فطوم مجهزة وجبة مغربية خالصة وخفيفة وبعد ملء البطن والدردشة مع بعض الحضور، طلبت حضور السيارة واحتسيت الاتاي وودعت الجميع على أمل لقاء قريب. حضر السائق وتوجهنا لشركة ايجار السيارة وحاسبتهم .. وبعدها كانت الانطلاقة إلى أرض اغادير.
أول ما وصلنا توجهنا مباشرة لمطعم النهضة وطلبنا طاجن ومبخر واكلهم طيب وسعرهم جيد، وبعد الغداء احترت في السكن وكنت متردد خاصة وأنها الزيارة الأولى لاغادير .. وبعد نصائح ومشاورات من صديق مغربي استقر الحال للنزول في المارينا، وتوجهت للاستقبال واخبرتهم بوجود حجز وأكد الموظف عدم وجود حجز باسمي ، وبعد ما كلمت صاحبنا المغربي وحديثه مع موظف الاستقبال والذي تجمعه معهم معرفة تبين أن الحجز باسم المغربي لأحصل على خصم 200 درهم في الليلة الواحدة والسكن عبارة عن سويت فسيح .. صالة كبيرة وبلكونة واسعة وغرفة نوم شرحة ومطبخ أمريكي ودورتي مياه .. كان السكن رائع وجميل وونيس.
بعد وضع الشنط والاسترخاء خرجت مع السائق للتجول في المدينة وتأمين بعض المستلزمات ورجعت بعدها للسكن وبعد شور وتبديل الملابس خرجت للمارينا وزرت كذا كافي وفي منتصف الليل حضر السائق ورحت لمخيطو.. وكان زحمة والطاولات مليانة وغيوم من التتن والمعسل وأشياء أخرى .. ووداعية يا آخر ليلة تجمعنا ونطل فلوس . ما حبيت اخرب جوي وظلليت في المرقص لأقل من ساعتين وبعدها طلعت للسويت وكملت باقي السهرة.
واليوم اللي بعده .. صحصخنا و طلبنا كلوب من سعدية موظفة المطعم بالمارينا وكنت بموت ضحك من كلامها.. قلت سعدية ! قالت .. عيوني :) .. قلت حاب اشوفك ! قالت .. عاوز مني ايه .. انا دبا ومو حلوة .. قلت اوكيه براحتك :)
وفي النهار طلعت لمسبح المارينا وقزقزه ودردشة وندمت اني سبحت! لأن المسبح معفن ووسخ .. رجعت للسويت وطلبت السواق وطلعنا نهجول في المدينة لحين المساء .. وبعد استرخاء بالسكن طلعت للكافي وتقهويت وتعشيت وطلعت لكازينو خايس .. خليجيين ومغاربه يجيبون الهم .. خلاقين ومعفنيين .. بس وحده كانت ع الجاك تفتح النفس والباقين أشباه أحمد عدوية. وبعد الكازينو رحت سكاي يبعد خطوتين من السكن واحلى سهرة .. المكان نظيف وواسع ووناسة .. وفيه سلبيات مثل غيره بس اللي يزينه انه شرح وجلساته مريحة.
بكرة تغديت في مطاعم السمك الشعبية وهي قريبة جدا من مارينا توصلها كعابي دون عناء .
كانت الخطة قضاء ليلتين في اغادير ولجمالها وحبي لها ظللت ست ليالي . وتنوع البرنامج اليومي في السهر والتمشي والكافيهات والمسيح! وكان يكفيني الجلوس في البلكونة والاستمتاع بالاجواء المنعشة والتي تميل للبرودة والبحر .. البحر .. البحر.
المرة الجاية .. آخر يومين بمراكش قبل العودة لرياض سلمان .. وعاش سلمان ملكنا عاش سلمان ههههه

استمر المتابعين كثير

الحمدلله على السلامه

__________________
لاتسمع كل ما يقال ولا تقول كل ما تسمع.

الحمدلله على السلامه
تقرير جميل
بس نحتاج للاسعار لو سمحت

__________________
رحم الله ابي 0000واسكنه الفردوس الاعلى

تقرير أكثر من رائع

واصل يالغالي

الحلقة الرابعة ..
جلست أطول مدة في اغادير .. البلد جميل والجو عليل .. لياليها مؤنسه ونهارها عامر بالحيوية والجمال .. تمنيت تكون كل سفراتي لاغادير وأن تطول الاجازة ليالي وأيام أغاديرية .
تنوع البرنامج اليومي .. وكان في غالبه بالنهار .. كافيهات ومطاعم السمك الشعبية ومواقع شعبية أخرى يقوم على مطاعمها سيدات فاضلات . ترددت على سكاي لمشاهدة مبارايات والتعسيل .. وسهرت في اكثر من كباريه ونسيت اسماء بعضها واكثر شي اعجبني سكاي .. وترددت على المسبح للفرجة فقط! وعلى شاطيء اغادير بالليل والنهار... ودعت اغادير بالحب والفرح ولم احزن او اغضب لوداع عشق جديد .. فالأمل والرجاء سيظل لتكون اولى محطاتي المقبلة .
عدت لمراكش وفي القلب حسرة .. وكنت مجبر للعودة لظرف خاص. وامن صاحبي سكن في الدرقاوي عبارة عن سويت وطلبت من السائق سكن بديل في قليز لان الدرقاوي بعيد عن المدينة وسأظل ليلتين بدون سيارة .. توجهنا للبابليون وكان الموقع استراتيجي وقريب من كل شيء .. بس السكن معفن والأثاث مخيس والناس اللي يعملون فيه محششين في الغالب ما فيه غير امينة ذات العينيين العسليتين والمتزينة بحجابها وكأن وجهها قطعة من القمر لصفائه ونقائه وجماله .. ما شاء الله تبارك الله.وفي البابليون شفت ناس من عيالنا بثوب النوم متسكعين حول السكن :( سكنت في البابليون وما ندمت لانها ليلتين مرت كلمح البصر ولقربه من كل المواقع المضلة لزوار مراكش. وبعد استراحة قصيرة طلعت كافي اسمه LOBO يسميه المغاربة لوقو رايق وجميل ورواده معظمهم مغاربة ووجيه تفتح النفس .. وبعد الكافي واعدت حبيب وخرجنا سوا لاكتورز وسهرنا من اول منتصف الليل لحد ما سكر المرقص .. وكانت سهرة من سهرات ألف ليلة وليلة . وفي اليوم الثاني استيقظت الظهر واخذت شور وطلعت ناوي أقرب مطعم وبعد ما شفت بوابة السكن تعج بالمغادرين .. أخذت كرسي البواب وحطيت رجل على رجل اتامل أحوال الرعية وأقيم بيني وبين نفسي الاحوال البيوفلوسوجية للمعنيين مني بمتابعتهم .. كان منظر مهيب وأعداد المغادرين كبيرة وأحوالهم في الغالب حين المغادرة بئيسة .. ظاهر عليهم التعب وهدهم ما بذلوه من جهد .. وجوه شاحبه وأخرى نزعت المكياج لتظهر انها اجمل الجميلات .. وظللت على هذا الحال طويلا وبعدها على اقرب طاجن لحم وعدت للسكن وأخذت غفوة طويلة وبعدها استعداد للسهرة الوداعية .. توجهت للكافي وتناولت وجبة خفيفة وبحثت عن رفيق ووجدت دون عناء. اتفقنا ان تكون السهرة في كاش .. وللأسف كان الحجز فل .. حاولت يمين ويسار وفشلت وحين طأطأت الرأس حن قلب من هي على البوابة وكأنها ميريام فارس بشعرها الكدش .. صاحت بصوت أمازيغي فواح بالحنان .. لحظة .. وبعدها لحظة ولحظات .. وفي الأخير قالت اطلع مرة ثانية .. طلعت .. قالت فتاة بالأعلى .. ما فيه غير هذي الطاولة .. وهي عبارة عن كرسيين حديد مرتفعة عن الارض بما يخالف غيرها من الطاولات واللي كراسيها جلد وجلستها مريحة .. قلت .. قلبي .. تحبين اجلس على الارض جلست! ام شي مكان .
سهرنا واستانسنا .. وبعدها على السكن ونووووووووووومة تبعها استيقاظ مبكر سببه رنين الجوال من السائق .. لتكون لحظة الواع .. وأجمع اغراضي وأمسح دموعي واكتم عبراتي .. وكالطفل العنيد أقدم رجل وأخرى أؤخرها متوجها للسيارة .. ومنها مباشرة على مطار كازا وصادفني موقف كاد أن يطول بقائي بالمغرب ولكن الله لطف .
انتهى
المرة الجاية .. راح اذكر السلبيات
أما الايجابيات فالكل عارفها هههههههههههههههه
صباحكم ورد

تقرير رائع

في البداية توقعت بتتغلى علينا ،،

تقريرك جميل وبطل وخاصة انك عشت الجو وانت وحدك

الوحدة شينة لكن ما يكسرها الا شيئين حالتك النفسيه

وطريقة تعاملك مع اللي حولك والثانية لا صار جيبك عامر


ننتظر منك السلبيات ومن باب الفضول عطنا الموقف اللي كان بياخر في كازا

__________________
أسافر عنه من ديره لديره
عساي اسلاه لكن ما حصلي

أهوجس فيه وأنسى إني نسيته
وأفكر في ليالي(ن) قد مضن لي