وصلت الرياض

تقرير جميل وياليت اذا عندك رقم سواق تنصح فيه لرحله كازا مراكش اغادير كازا

الموقف السلبي صادفني في طرف مراكش متوجه لمطار كازا ..
اتفقت مع السائق على تعبئة السيارة بنزين ب 300 درهم - 150 ذهاب و 150 عودة - وفي محطة البنزين وفيها حوالي اربعة عمال طلبت التعبئة ب 300 درهم وقبل واثناء التعبئة سلمت احد الموظفين 400 درهم , وعند الانتهاء من تعبئة السيارة حضر احد العمال بالمحطة وطلب دفع الفلوس !!!
بهدوء وطيبة بلغته بأني دفعت والسواق كان شاهد .. وجحد ابو الشباب واللي معاه كلهم جحدوا واللي سلمته الفلوس اختفى وبعد ما حضر جحد !
تنرفزت والسواق تنرفز وتعالت الاصوات بشكل ملفت وأقسمت بالله درهم واحد ما يطلع لو شو ما كان .. وطلبت من السواق ان يغادر وكان احد الموظفين واقف قدام السيار - يعني ما تمشي - والسواق كان معاه حق وطلب مني اتفهم صعوبة مغادرته .. سألته .. شو الحل ؟ قال ما فيه غير ندفع لهم 300 درهم .. وكذا يكون المجموع 700 درهم ومزروف 400 درهم !!
قلت شف حل ثاني .. قال والله ما عندي .. قلت ما تقدر تعط !! قال شو !! قلت شغل وحرك .. قال والله صعبة .
رحت في طرف المحطة اسأل عن المدير .. قالوا هذا هو .. شايب بدون ذقن ولحية ويلبس لبس العمال وشكل شخصيته قوية .. وكان راكب بالسيارة وتوه واصل لدوامه .. نزل وسلم وبلغته السالفة وكان لازم نبلغ الشيخ بالسالفة !! حاول يهديني وقال الكل يغلط .. وصايح على اثنين من المعمال وهم الاصغر سنا واحد منهم اللي حاسبته .. تكلم واحد وكان متهاوش بالحيل مع السواق وقال انهم يقولون انت ماخذ الفلوس .. صحت بوجهه وقلت ما تكلمت معاك بحرف وانت ما اخذت درهم واحد . اللي اخذ الفلوس هاللي قدامي وكان مو قادر يحط عينه بعيني .. المهم نافخ المدير بكلام ما فهمته واللي خذ الفلوس صار يرتجف على الخفيف .. وطردهم .. وقالي كلام فهمت منه انه يحلفني اني حاسبتهم .. وتذكرت صاحبنا بساحة الفنا .. وقلت الله يخلصه اللي يكذب .. الله يخلصه .. وصار يصايح معاي .. الله يخلصه الله يخلصه شوي وانقط عليه ..
وقال .. توكل على الله .. واستحيت اقول له باقي 100 درهم !!

قبل الكلام عن السلبيات وملخص التجربة ..
احب اشكر الجميع وفيه اشخاص بالمنتدى نوروا طريقي وساهموا ان تكون هذه الرحلة الاجمل وتقديرا لطلبهم ساتحفظ على اسمائهم .. وهذه نقاط رصدتها على السريع :
1- حاول بقدر المستطاع تجنب السفر في شهر اغسطس , هذا الشهر كل دول العالم اجازات وديار المغرب عامرة باهلها من داخل وخارج المغرب وسياح عرب وعجم , والاسعار تزيد.
2- الأسعار في المغرب متفاوتة .. تقدر تاخذ وجبة ب 25 درهم وزيها تلاقي وجبة ب 125 درهم .. المطاعم الشعبية في وسط واطراف المدن اكلها لذيذ جدا جدا جدا واسعارهم ممتازة .. مرة في قليز من عند مطعم شعبي خذت طاجن لحم وكولا وصحن عدس وسلطة بـ 25 درهم !
3- في المغرب لا تفكر تاخذ سيارة ايجار بسائق او بدون سائق. خل السيارة للتنقل من مدينة لمدينة اذا احببت تجنب الطائرة او القطار .. وبرأيي السياة الاختيار الاجمل .
4- اماكن السهر اسعارها مرتفعة جدا .. ومو معقول سهرة بـ 1600 أو 1800 أو 2000 درهم .. هذي الأسعار صارت اليوم في حدود المتوسط والبركة في زوار المغرب الكثر .
5- ما كنت احب اشوف شباب يدربون روسهم بالمارينا وكل واحد منهم معاه شنطة لافها على خصره او من رقبته على كتفه وتارسها فلوس وماسك بيده غرنوق يعامله كانه زوجته !! من محل لمحل ومقاضي وملابس !
6- السكن في مارينا باغادير يستاهل قيمته 1600 درهم لليلة .. وفي البابليون ابو الصوارير ما يستاهل 100 درهم فكيف يكون 1200 درهم .
7- اي احد يتكلم معاك لا ترد واسلك طريقك ومن يسأل فانت وضميرك بتعطيه عطه واذا مو معطيه فلا تعبس في وجهه.
8-وانت ناوي تغربها ووصلت هناك .. اعرف انك في بلد سياحي جميل يضم الكثير مما يبحث عنه الانسان للراحة والاستمتاع . واذا فكرك فقط جنس ومراقص دون تمشيه وهجوله .. حول لأقرب بلد حولك بدل ست ساعات ونص بالطيارة وارهاق السفر والمصاريف نفسها.
9- كن مبتسم دائما في وجه كل من يقابلك .. وفي الكافيهات تميزك بابتسامتك . ابتسامتك تجذب من هم حوليك .
10 - اي واحد يلبس ثوب نوم لا يروح للمغرب !
11- رحلات الخطوط المغربية ممتازة .. تقلع 1 بالليل ويمكن تتأخر نصف ساعة او ساعة .. ولكن اذا وصلت بيكون كامل اليوم معاك .
12- بصراحة انهلكت من التعارف هناك .. وحتى بالطيارة تبادلت الرقم برغبة الطرف الثاني مع احد المضيفات .. والابتسامة هي السر !
13- الشعب المغربي في حاله .. ولا يتدخل في شؤونك وخصوصياتك وعمومياتك وثقافتهم تختلف جذريا عن ثقافتك .. فما تراه وتحسبه عيب يراه طبيعي وامر معتاد .. فلا تشغل نفسك إلا بنفسك.
14- قالوا رحت للمغرب ..قال : رحت
قالوا زرت أغادير .. قال : لا
قالوا أجل ما رحت للمغرب !!
واعذروني على اي تقصير ..
ما كتبته عربون وفاء لهذى المنتدى .. فقط
والسلام ختام

احسنت بارك الله فيك
انت مو كوكتيل عادى انت كوكتيل ذوق ولباقه
احسنت التصرف و احسنت النصح
تحياتى

انا مارحت اقادير حياتي راحت في مراكش ..لزم نشوف اكادير

مرحبا ..

مراكش يفداها العمر فاااني ..

مراكش منبع الأماني ..

كلمات الشكر لاتفيك حقك يالغالي

تقريرك رائع يابطل

تقرير اكثر من ررائع
سلمت يداك يالذيب

__________________
رحم الله ابي 0000واسكنه الفردوس الاعلى

جميل ،، جميل ،، جميل،، جداً ما طرحت

تجربه اثّرتك واثّرتنا معاك بمعلومات ونصائح اكثر من رائعة

اشكرك بعنف

__________________
أسافر عنه من ديره لديره
عساي اسلاه لكن ما حصلي

أهوجس فيه وأنسى إني نسيته
وأفكر في ليالي(ن) قد مضن لي

رقم صاحبنا في المارينا لن يفيدك بشيء لان العلاقة شخصية
أما الاوضاع فهي في أحسن حال