مسافر في سبتمبر وادور خوي فلاوي

مساء الخير

انا ركبت معاي اسافر للمفرب اليومين الجاي
بجلس حدود 10 ايام
انا سافرت للمفرب 7 مرات واستأجر سيارة من كازا وافرفر فيها واعرف
مراكش واكادير وطنجة وكل شي

بس ادوي خوي او قروب يكونوا فله وحقون وناسة وضحك
الي يحب نتخاوى ونرتب رحلة فلاوية يرسل لي :)

هلا بالذيب

احلا وقت .. انا بكون في مراكش من ١٠ الي ١٦ بعدها اغادير
ارسلي رقمك عالخاص

تحياتي

مع احترامي الشديد للطيبين وأصحاب القلوب السليمة

لا نعمم
ولكن الحذر واجب
المثل العامي يقول : حرص ولاتخون

يا شباب انتبهوا
لأن فيه ناس تعرفوا على بعض وانتهت الرحلة بنهاية مأساوية
ووصلت لحد التهديد بالسلاح
فيه نفوس ضعيفة وشيطانية ويمكن تغدر فيك أو تسرقك

واقرأ هذا الموضوع على الرابط التالي (تحذير لمسافر المغرب)


https://www.mza3et.com/morocco25813.html (تحذير لمسافر المغرب)


لا نعمم ولانخلط الصالح بالطالح
ولكن انتبهوا من الأفلام اللي يسوونها المجرمين
الأول يفتح موضوع : طلب خوي
والثاني يرد عليه ويقول : أنا أبخاويك ويكتب التاريخ
ويتواعدون بتاريخ معين ويطلبون أرقام تواصل
ويفتحون حسابات ومعرفات بأسماء مختلفة وبتواريخ قديمة وجديدة
وتلقى الحسابات كلها تتبع شخص واحد أو عصابة إجرامية واحدة

أكرر احترامي الشديد للطيبين وأصحاب القلوب السليمة

اقرأوا القصة على الرابط هذا (تحذير لمسافر المغرب)
https://www.mza3et.com/morocco25813.html (تحذير لمسافر المغرب)


الله يوفقكم لكل خير

ترا الخوي ياحسين مثل الامانه

حسين وابن رشيد ما تعرفوا على بعض عن طريق النت
و حسين كان معروف لابن رشيد ,, مو أول مرة يقابله

هل أنت مستعد تسلف أعضاء المنتدى فلوس ؟
إذا جوابك : لا ,, فالبيت المذكور أعلاه ينطبق عليك

الحذر واجب صحيح

بس حقيقة كل سفرية اتعرف على ناس حلوة وننبسط واحلى وناسة
وماجاني منهم الا كل خير

السلف تلف , ما اسلف احد وكل واحد يصرف زي مايبغا
وكل شي بالتساوي وبالمشاركة والسفرة تصير ارخص

لوخليت لخربت

بس الواحد مايدري ياما ناس تضحك بالوجه ومن وراك تلعب لعبتها

ياخذون طيبتك ونياتك على انك ( مغفّل )

والسفر مو اي شخص تاخذه معاك حتى لو تعرفه من ٢٠ سنة لان السفر تبيّن لك معادن الرجال

__________________
اشتقت للمغــرب وانــا تونــي جــاي ==== الله يصبرني علـى نار شوقي

ياللي تريد ادواي في المغرب ادواي ==== رح بـي لعله ينطلق فيه عوقي

لـي صـافحت مجـهـول يمنـاه يمـناي ==== ينساق تيار الهوى في عروقي

و اسمــع حـديثه نـاعــم كــنه النــاي ==== علـى يمينه ينتثر الدمع مــوقي

و مع الشـكـر واقـول له انت مـولاي ==== احكـم و دبرني على ما يروقي

فـي سيرة الأشــواق ممشاي ممشاي ==== و في خاتمتنا ما نراهـا يعـوقي

كلام جميل

يخوك الحرص واجب
ولو مابي لك الزينه ماعلقت عليك
واذا التعليق ضايقك انا اسف