السفر للمغرب، الخوي، والسكن
مساء الخير يااخوان
يعلم الله اني اكتب هالموضوع كرد فعل من بعض الأشياء والمواضيع الي تصير مع الشباب الي مسافرين للمغرب والي تقهر. النصيحة الاولى-السكن السكن تراك مانت محدود على منتجعات او فنادق معينه بسبب الأمان والي تدفع ضعف الشقه في موقع اجمل وأريح واشرح. انت بس ابعد عن تجمع الخليجيين في السكن وأمورك في السمبتيك. وعندك الف ابليكيشن وموقع تحجز وانت مرتاح. والفلوس الزايده من فرق السعر عن المنتجعات خل ربعها او نصها إكراميه إذ قروشك الدرك وحط خطين تحت إذا. النصيحة الثانيه-الخوي لاحظت كثير من الشباب يطلبو اخوياء في السفر وهذي فيها إيجابيه وإشكالية مع اني دائم كل مااسافر اجي وادور الخوي هنا وغالبا التجربه كانت افضل من ممتازه والقى خويا طحاطيح وأحيانا يجيك واحد تشك ان فيه نفسيه. بس مثل ماقلت لكم الخيار دائم لي اذا ماجاز لي الرجال اعتذرت منه لاني ماراح اسكن معه لكن فقط سهر واحرصو على هالنقطه يااخوان مو اي واحد تسكن معه حدها سهر براء واذا جوكم عليل مافيه اشكاليه سكن سوا هي كلها كم يوم اصلا. النصيحة الثالثه-مو كل ليل سهر جرب يوم رحله بحريه، او قفز مضلي، او رحله سفاري في المناطق القريبه وجرب أكل البسطاء هذي متعه بحد ذاتها اولا وفرت و ثانيا أوسعت مداركك ان الوناسه ممكن تصير شي ثاني غير السهر. بالاضافة الى تنويع انشطتك. النصيحة الرابعه-لاتبخشش الا من قدم لك خدمه من طيبه نفس ولم يتوقع انك سوف تكرمه هذي هي الي تحس انك تكرمه لوجه الله. ولا الباقيين الي يبثرك يبي بخشيش دخل إصبعك في عينه. النصيحة الخامسة-صلاتك صحيح ان الغالب يبي يستأنس ويشطح بس مهما كان لاتقطع كل الحبال مع خالقك في الرخاء ورتب وضعك مع اخذ الصلاه في الحسبان كل يوم. على كل حال انا انشالله الاسبوع القادم في مراكش واغادير الله يحيي الي يبي يتعرف ونطلع سواء. مر من هنا الملكي |
رحله موفقه يا رويال ونصائحك ملكيه بقدر كاتبها المبدع لعل الجميع يستفيد منها تحياتي
|
رويال
عزيزي شلون كل ماتسافر تجي تدخل هنا هذا دليل انك عضو قديم ولكن عضويتك مسجل فيها قبل اسبوع ؟؟؟ مايجي ابداً هههههههههه |
كلامك جميل وكل نقطة فيها لامستني، انا مسافر اول مره المغرب الاسبوع القادم ورحلتي كلها في منتجعات وفنادق وبعيده عن الفلل والشقق والسهر، بنستطلع الديره انا وصديقي ونشوف وش سالفة العالم مستردحين بالمغرب وراح نشوف مراكش من سماها وصحراءها ونخيلها وضواحيها، انشالله نشوف هناك سعوديين رايقيين وجميلين زيك ياملكي، الوعد عند المنطااد؛)
|
اقتباس:
اقتباس:
فيه ناس تعرفوا على بعض وانتهت الرحلة بنهاية مأساوية ووصلت لحد التهديد بالسلاح فيه نفوس ضعيفة وشيطانية ويمكن تغدر فيك أو تسرقك واقرأ القصة على الرابط التالي https://www.mza3et.com/morocco25813.html إحذر من السفر مع شخص مجهول قد يكون مجرم أو مريض أكرر مرة أخرى ,, نحن لانعمم ,, ولانخلط الصالح بالطالح ولكننا نحذر الطيبين لكيلا يقعون فريسة للخبيثين |
اقتباس:
انا جالس اعلمه هههههه اقرأ الموضوع السابق وشوف ردودي بس الغريب انو مايدخل الا كل مايجي يسافر وبعضوية عشوائيه للأسف مافي شخص ينوثق فيه الا قلّه قليله من المزاعيط |
اقتباس:
هلا بك اخوي يوزرات قبل بس للأسف أضيع الرقم السري ولا اقدر ارجع لنفس اليوزر ، لاني مو مرابط دائم في المنتدى يعني يادوبك سنويا مره |
أنتم أحرار في تصرفاتكم ,, تبي تسافر مع مجهول ,, سافر ,, ولكن تحمل عواقب قراراتك
اقتباس:
اقتباس:
نصيحة: إذا أردت السفر مع شخص مجهول فحاول الابتعاد عن العشوائيين لأن رحلتك مع الشخص العشوائي ستكون عشوائية والإنسان المنتظم لا يحب الإنسان العشوائي الله يوفقنا وياكم لكل خير |
اقتباس:
ههههههه والله انك ملحوس ولا فيك شي غلط خلاص ياخي قلت الي عندك لاتقعد تبثر العالم بنصائحك ترى ردودك ألي فوق وصلت نفس المعلومة وخير الكلام ماقل ودل، انت قلت كلام خير وصحيح لكن من بثارتك راح أخالفك |
هههههه
|
الساعة الآن 08:08 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط