كلام بسيط لرحلتي لمراكش 6 أيام

مرحبا بالجميع واشكر كل من افاد في هذا الصرح

اعتذر مقدما عن عدم وجود صور لان اللي تشوفه على الصور يخالف تماما الواقع ...

طبعا بحثت وتكلمت وفتحت اكثر من مووضوع استفسار هنا لهذا السبب حطيت موضوعي بالمكان هذا

واشكر كل من أفادنا جميعا بلا استثناء

الرحلة كانت يوم 22 اغسطس يوم الجمعةالساعة 1 صباحا على الخطوط المغربية الابوكلبية طبعا ولاتهون خطوط اسطولنا الغريق السعودية طبعا انا رايح لوحدي لاني متجه بعد المغرب لاوروبا
طبعا حجز مقعد مستحيل تحصل حجز قبل الرحلة يعني عن طريق النت لازم تجي بدري وتحجز من المطار قبل الرحلة يعني انت وحظك شغل باصات ماصارت طيارة

افضل شي على وجه الاطلاق هو اني بحمد الله حجزت مقعد يوم وصلت وكان المقعد اللي جنبي فاضي بفضل من الله وشكرت الله على هالصدفة الجميلة مع ذلك لاتحسبون الواحد مرتاح بالعكس مع وجود مقعد فاضي الا انه خطوط خايسة جدا ابتداء بالحجز الى الوصول خصوصا المضيفين خدمة سيئة جدا جدا الى اقصى مدى طالب ماء اول ماوصلت والله ماجاني الا كاس واحد كل الرحلة طبعا الاكل كان مش بطال على مستواهم السيء لكن مازالت الخدمة سيئة خصوصا لما تطلب المضيف بالزر اللي بالمقعد يسحب عليك خخخخخخ فجأة تلاقي الزر طافي يعني واضح انه ساحب عليك بكل ادب

طبعا المقعد كان فيه شاشة ولكن السماعات كانت مرمية قديمة يعني مو جديدة بقراطيسها زي باقي الخطوط الجوية والعروض المتوفرة لابأس بها قديمة وشي ماتدري وشو اصلا لكن يالله يمشي الحال


بحمد الله وصلنا بالوقت الصحيح 6 ونص صباح الجمعة وكنت تعبان مع اني نمت كم ساعة مع ازعاجهم يصحونك على الاكل وكل شوي قروشة بالطيارة لكن مجملا كانت لابأس ولكن باذن الله لايمكن اختار الخطوط المغربية مرة اخرى ابدا


دخلت المطار واول ماوصلنا لكشك الجوازات طبعا كاي مكان بالعالم تبحث عن ورقة الدخول تتفاجا في كم وحده وطاروا وخلصوا تروح لموظف الجوازات يقولك لازم تعبي تقوله مافي ورق يقول وش اسوي لك خخخخخخخخخ ياخي تحس براسه كمية غباء عجيبة حتى مايقول انتظر نجيب لا يقول وش اسوي ياخي الله ياخذ اللي وظفك انت وراسك المهم انتظرنا مع الزحمة وفجأة جابوا اوراق وعبينا ودخلنا بدون ازعاج الحمد لله ماصادفت قروشة معهم وصلت تحت اخذت الشنطة بعد انتظار كالعادة في اي مطار ثم توكلت على الله وطلعت قبل الخروج حصلت ناس تبيع شرايح او بالاصح توزع شرايح اتصالات المغرب بالمجان بس يصور جوازاك ويعطيك اخذت انا وحده واشوف بعض الناس تاخذ وبعضها تسحب عليهم طبعا شكيت بالوضع فعلا الشريحة ماتشتغل وقالي بتشتغل بعدين لانه الابراج ضعيفة هنا وكلام فاضي قلت دام انها ببلاش يالله بس نمشي ونشوف اخرتها طلعت بدلت فلوسي اللي بحتاجهم للسفرة وتوكلت على الله عند الشنط قابلات شباب عسل وعرضوا على نتخاوى لمراكش طبعا كنت ناوي اجرب القطار بس دام الشباب رايحين قلت نخاويهم

وتوكلنا على الله بعد ماخذوا سيارة صغيرة وعلى مراكش طبعا التعب هد حيلي وبين انام وبين اصحى بالطريق لين الله يسرها ووصلنا للروز قاردن في مراكش طبعا انا لوحدي هناك حاجز وهم في مكان ثاني نزلت ورحت للاستقبال


الان انا تعبت طبعا انا بمدريد حاليا بالفندق وفي ازعاج فوق راسي تصليحات وتركيب وطلبت اغير غرفتي ورايح اغير الغرفة واكمل فيما بعد ان شاء الله :maroc (1022):

استمر تراك شوقتنا ي بطل

نرجع نكمل

توي غيرت غرفتي بمدريد سبحان الله ههههههههه فرق عن المغرب والجاي بالكلام تعرفون وش الفرق


طبعا وصلت للروز قاردن سلمت على الاستقبال عندي حجز باسمي تفضل عطنا الجواز (كانك بالبحرين مافي ثقه هههههههه) ويخلي الجواز عنده لين الخروج

المهم وداني للغرفة تفاجأت ان الغرفة عبارة عن اول ماتدخل صالة صغيرة بالنص ويمينك غرفة ويسارك غرفة كلهم باب مغلق ام الصالة بابها على الخارج وغير مقفل طبع الغرف كل وحدها وحماماه والحمام تقريبا اكبر من الغرفة هههههههه استهبال المهم ماعجبني الوضع قلت له حبيبي هذا الكلام ماينفع غير ان مكان الغرفة بعيد عن الريسبشن لان هذا منتجع وانا وحداني يعني ابي شي قريب للاستقبال والمسبح مو كل شوي مشورة رايح جاي المهم قالي في غرفة بتفضى اليوم او بكرى قلت اوك وبعدها جتني الصدمة الثانية قالي اليوم طافي الماء ههههههههههههههههههه يلعن ابو الحظ ياشيخ قلت اولله ترحيب لكن للامانة شكله صادفت على وصولي وكان في صيانة للمنطقة او شي من هالقبيل المهم مابلعت السالفة قلت ياخي انا توني واصل ووراي شور واريح وتسوي كذذا غير ان الغرفة مكيفها مش كويس مرة قلت اسمع يابو الشباب اذا ماتبي تغير الغرفة انا مضطر امشي خاف هو بصراحة وفيما بعد اكتشفت اي احد يجي جديد يجدعونه بالقسم 411 و412 اذا رضى مشوها واذا زعل غيروه المهم قلت له بدق على السواق بطلع اكل شي واجيب اغراض وارجع القى كل شي جاهز

قالي صافي خخخخخخخخ ياخي كلامهم فله احيانا

دقيت على السواق النايم وجاني بعد ساعة من الانتظار بالحر طبعا مراكش حر الوقت هذا وهي معروف عنها الحر ولافي مكيفات باالاستقبال يعني نظام خيام خخخخخخ بس شكله مش بس هناك المهم انتظرت لين جاء سلمنا على السواق حقي بدون ماذكر اسمه طبعا هو اخذته من واحد هنا بالمنتدى ماقصر نصحني فيه والله يشهد انه رجال ونعم الرجل الا انه صادف لي مواقف معه بغيت العن شكله الا شوي

وبهالمناسبة السواقيين قليل تحصل فيهم واحد صادق يقولك ماشتغل مع احد غيرك كلهم نصابين حتى لو قالك ماراح اشتغل مع احد اكيد يشتغل مع غيرك هو اعترف وقالي انا عندي ناس قبلك جايين باقي لهم يومين بس قلت خير ان شاء الله ولكن هذا الواقع الواحد يدور رزقه لاتصدق بيقعد عندك الا من رحم ربي عاد وانا تجربتي متواضعه ماعندي خبرة كثيرة خصوصا انها اول زيارة لي بالمغرب نسيت اقول هالمعلومة المهمة

المهم ركبنا ورحنا تغديت وروقت وع المرجان اقضي بعض الاغراض لاني ساكن بمنتجع ماعندك شي حواليك الا المطعم حقهم وغالي كاس عصير ب 30 درهم ترى عصير برتقال قصدي هههههه


المهم رجعت بعد كم ساعة للمنتجع والحمد لله كل شي زبط وغيرت الغرفة ومكان افضل شوي قلت يالله ننام شوي لكن ماش وين تنام وانت بالمغرب هههههههههه واول مرة واطلع للمسبح والاقي الشعب توه يصحصح ويتكي ع المسبح ونسبح شوي وراح االوقت الى 12 بالليل قلت بطلع اسهر الحين لعلها راحت نومة هههههههههههههههههه ولا ااصحى الا 3 ونص يوووه راحت السهرة قلت والله ماتروح خخخخخخخ وادق على السواق قلت يالله تعالي قالي يارجل كل شي بيقفل مافي احد قلت اقول بلا نصب تعال لو اقعد ربع ساعة فوضى هي ماسهر ههههه والله يجي على 4 وشوي كذا واروح قلت ودني اي شي ههههههههه ودي اشوف العالم ياخي والله واروح للياسمين ووالله ماعرفت انه الياسمين الا بعد يومين ههههههههههه واضح اني مركز بالسالفة المهم دخلت المكان عادي جدا بس اخر السهرة ماتقدر تحككم عليه وفي بنات كثيرررر ياخي زحمة بس اطالع يمين بسار ماش مافي شي يصلح شكله الطيور طارت بارزاقة لين طلعت والقى ذاك ال... خلاص شكلي فليتها واجد بالسواليف هههههههه المهم ماحصلت شي ابد ورجعت ذاك الليلة ع الساعة 6 او سبعة والله مادري بس اهم شي الشمس طالعه خخخخخخخ وادخل وانام


صحيت اليوم الثاني متقروش جوالي مقفل ورقم الشريحة ضايع ياليل ام القروشة اللي انا عايش فيها وادق على السواق اقوله ياخي شيك بالسيارة يمكن طيحت كرت الشريحة اللي فيه الرقم السري طبعا كالعادة ماله حيل يدور ويقول انا منظف السيارة مافيها شي وهو شكله بالفراش ماله حيل يشيك قلت شيك بس لايكثر اذا ماحصلتها جب لي وحده جديده المهم بعد ساعتين جاني يضحك يقولي لقيتها حبيت راسه لانه كان ملصق فيها الشريحة السعودية بعد واخذتها وافتح الجوال طبعا الجوال انقفل علي بالسهرة فماقدرت اوزع رقمي خخخخخخ

المهم هذا اول يوم راح بدا اليوم الثاني طلعت تغديت وتمشينا شوي بالمنطقة ورجعت اريح واسبح كالعادة واحلى تكية هناك

المهم جات السهرة الثانية قلت بطلع بدري اليوم خخخخخخخ بس شكلي بدري مرةةة ياخي مررة مو راضية تزبط معي :( طلعت 12 ونص على تريبلل 555 لاني اعشق الاجنبي والله يوم وصلت واشوف الوضع كبير المكان وسيارات مالية المنطقة قلت هذا شكله خرافي وفعلا دخلت جوا ماششش نصه فاضي وافكر اقول والسيارات اللي برى وين راحوا بس المكان فعلا كبير اظن يتسع ل 2000 شخص يعني اكيد بيصير فاضي لو فيه 500 شخص المهم انواره قوية شوي يعني مو زي الغربي اللي انا اعرف والناس تتقهوى وتتفرج جلست ساعة الوضع خايس قلت بس اطلع وادق على السواق يجي يوديني للديوان والله ادخل واناظر الوضع كله طاولات وش ذا النظام الخايس ههههههههههه ماحب شي اسمه طاولات طبعا وش اللي جاي اتكي بطاولة ابي اتمشى واسولف والله اطلع وراء في ساحة تتجمع فيها العصافير وتسولف مع بعض المهم طلعت وسواليف يمين يسار ياخي حسيت اني توم كروز هناك المهم خذ رقم من هنا ومن هنا وواعد من هنا ومن هنا واخرتها ارجع للبيت لحالي :( بس فليتها بالسواليف والوناسة بصراحة ماطلعت الا متاخر ووصلت على الشمس بالبيت ونوومة واقوم من بكرى رسايل وازعاج وينك ليش سحبت علي ارقام غريبة ههههههههههههههه شكلهم فهمو السواليف غلط واني مواعد احد

المهم قلت اسحب عليهم بس

اليوم الثالث والرابع بصراحة كان مافي شي كثير غير اني سهرت عند الشباب بالنخيل وفليناها معهم سيرت عليهم طبعا بعد مامريت الديوان وكان جوه بايخ بصراحة وقابلت العصافير زعلانة علي ههههههههه ليش اسحب عليهم المهم بعد السهره رجعت للشباب بالنخيل وكلمنا احلى سهرة لين الفطور من شغالاتهم والله يازبطت لنا فول مدمس وشاهي مغربي ياخي تحفة المهم رجعت للبيت ونمت

في اليوم الرابع طبعا زي ماذكرت فوق اذكر اني رحت اتمشى ادور سينما ويوديني لسينما ويوم جيت اقص التذكرة قالي ان الافلام فرنسية مافي ترجمة انجليزي ههههههه قلت لا ياشيخ ضارب مشوار واخرتها كذا وارجع ناخذ فرة من عند قصر ملكهم ونكحل ونسولف مع العالم لين جاء الليل ورجعت للبيت اتعشى وابد السهرة على اخر الليل طبعا هالمرة تفاجات باليوم الخامس حيث اني طلعت للنرجس بالصدفة ويوم دخلت والدنيا كلاس شوي احسن من الديوان والياسمين بفرق كبير والعصافير شوي راقية مو الكل طبعا والجو كان رائع بمعنى الكلمة يمكن احلى سهرة سهرتها غير سهرة الشباب بالفله طبعا وبعد السهره كالعادة البيت طبعا متحمس لاخر يوم قلت بروح للنرجس مرة ثانية للاسف اخر يوم يوم دخلت النرجس



والله يانا تعبت اكتب على العموم اكمل فيما بعد النهار راح وماشفت مدريد للحين يالله نشوفكم على خير :maroc (1201): :maroc (1022):

مبدع يالخوي و تعجبني مسكاتك علی الشي هههههه
اسهر يعني اسهر لو 4 الفجر هههههه حلوة

ههههههه
انت حبيب بكل بساطه اخذت راحتك وانت تسرد تقريرك بس واضح انك بسيط ومتواضع وعلى نياتك
الله يوفقك

كلامك يشوق وتعبير جميل بصراحه حسيت من كلامك اني أعرفك من سنين
والأكثر شي شوقني تحمست اني اشوفك بالمغرب

يعطيك العافيه استمممر ������ وياليت تخبرني عن الروز قاردن هل يستاهل السكن
او اغيره ؟ رحلتي بعد ٥ ايام

محمد 77 وش نسوي ياخي كلها كم يوم ههههههههه


زعطوط جديد تسلم يابعدي لحسن نيتك انا والله مانب شراني الا اذا احد تحرش بي لاتغيرك النية الطيبة وتنخدع ههههههه امزح امزح

محسن يابعدي تسلم يالطيب ومعرفتك تنشرى ، كان واحد من الشباب الي قابلتهم اسمه محسن يالبى قلوبهم كلهم والله اشتقت لهم رجال ونعم الرجال


فيصل والله يالغالي مادري وش اقولك اخاف اقولك لاتروح وتطيح لك بمكان اردى لكن الحق ينقال الروز ممتاز من ناحية مافي شي اسمه عطني اكرامية وقلت حياء صح يلمح لك بس مستحيل يجبرك خصوصا البواب مافي ولا واحد سالني او عطيته لكن اعطيه بمزاجي بس
وعلى حسب وضعك يعني اذا انتم قروب ممكن النخيل احسن ولو انهم البوابين كلاب نوعا ما يذلونك بالدخلة والطلعة خاصة هذا اللي لاحظته انا


بالنهاية غالبية مراكش ماتصلح الا لقروبات اغلب السهرات تكون بالفيلا او برى بقروبات كبيرة من3 اشخاص وفوق

لكن الحمد لله مع اني كنت لحالي ماتنكدت كل شوي متعرف على رجال مثلكم وشرواكم

ونعم منك يالغالي
وتسلم علي الكلام اللي اكثر من واعر بالزاف
وانت حاليا وين تقطن

تقرير سهل ورائع واعجبني ذكرك لكل المشاكل التي قابلتها ..

تمنيت لو ذكرت الاسعار في السكن وخلافة حتى بستفيد الجميع

اتمنى لك التوفيق في رحلتك