ايهما افضل للسحب الكاش بطاقة مدى العادية ام الفيزا؟؟

مساء الخير

حبايب قلبي عندي بطاقة الراجحي العادية وبطاقة فيزا سيجنتشر وابي اسحب كاش من اجهزة الصراف في المغرب وش افضل ؟

قصدي الأقل عمولة ايش

اسحب من بطاقة الراجحي مدى العادية افضل .
رسوم عمليات السحب لبطاقة فيزا سجنتشر عاليه تصل الى ثلاث اضعاف بطاقة مدى .

ياصاحبي حول فلوسك وودعها في وفا كاش ( بطاقة فلوسي ) وامورك هانيه

__________________
اشتقت للمغــرب وانــا تونــي جــاي ==== الله يصبرني علـى نار شوقي

ياللي تريد ادواي في المغرب ادواي ==== رح بـي لعله ينطلق فيه عوقي

لـي صـافحت مجـهـول يمنـاه يمـناي ==== ينساق تيار الهوى في عروقي

و اسمــع حـديثه نـاعــم كــنه النــاي ==== علـى يمينه ينتثر الدمع مــوقي

و مع الشـكـر واقـول له انت مـولاي ==== احكـم و دبرني على ما يروقي

فـي سيرة الأشــواق ممشاي ممشاي ==== و في خاتمتنا ما نراهـا يعـوقي

صحيح جيب معك كاش و أودعها في وفا كاش و لا حول عن طريق ويسترن اريح و اضمن

Sent from my SM-N981B using مزاعيط المغرب mobile app

انا سحبت على فترات من بطاقة مدى الانماء وما اشوف فيه فرق في الخصم من وجهة نظري
الفيزا شحن للدفع والمحاسبة فقط

Sent from my VOG-L29 using مزاعيط المغرب mobile app

عندي فلوسي لكن خلص المبلغ ' وجبت كاش معي وحولته قبل اسبوع والحين على الزيرو ؛ بروح اصرف العشيه من البطاقتين واشوف الوضع كيف
مشكور مدري ياصديقي بشوف الليلة واعلمكم التفصيل الممل

سحبت قبل قليل :

مبلغ ٥٠٠٠ من بطاقة الراجحي مدى العادي وحسبوها علي
١٩٧٣ ريال

وسحبت مبلغ ٥٠٠٠ درهم من بطاقة فيزا سجنتشر الراجحي وحسبوا المبلغ علي ٢٠٣١

السحب تم من التجاري وفا بنك وتقدر تسحب ٥٠٠٠ درهم دفعه وحده .

نصيحة لحد يسحب من بطاقات الفيزا لأن رسومها مرتفعه عندي مكتوب رسوم مدى ٢٨.٧٥ ريال
رسوم سجنتشر ٨٦.٢٥ ريال
يعني خذوا علي توتال عمولة في بطاقة الراجحي مدى ٦٤.٥ ريال

وخذوا توتال عمولة من فيزا سجنتشر ١٢٢ ريال !!

بيض الله وجهك بو صلاح وليتني سمعت كلامك

شكرا بزاف