استفسار
 

السلام عليكم صباح الخير لاهل الصباح ومساء الورد لاهل المساء

يعطيكم العافية علي مشاركة تجاربكم ونصحكم وسرعة تجاوبكم بالمنتدى

مسافر في تاريخ 18 اكتوبر طبعا الي مراكش والى الان م حددت وين السكن قريت كثير بالمنتدى ووصلت لمشاركات قديمه والشي اللي كان امان وسعره حلو صار غالي او صار م فيه امان او فيه معاملة سيئة ف ياليت تعطوني اماكن امان وسعره وحلو ومعاملة طيبه خلال مثلا الشهر الماضي او الفتره القريبة الماضية واحتاج رقم سواق امين واخلاقه عاليه طبعا السكن شقة ثلاث غرف بحكم اننا ثلاث اشخاص

( اول مشاركة لحد يقولي تعال خاص م اقدر هههههههه )

شاكرين لكم

شف اخوي صراحة مافي امان زي المنتجعات يعني عندك النخيل الدرقاوي و الروز قادرن حاليا هي الافضل من ناحية الامان بس الروز قاردن احسن من النخيل في حاجة وحده الضيوف يدخلون في اي وقت اما النخيل من ٥ الصباح لين ١٠ الصباح ما تقدر تدخل ضيوف

الدرقاوي شقة ثلاث غرف تقريبا ب من 2500 الي 3000 والله سعره مبالغ فيه م كان الوضع كذا قبل كم شهر الروز قاردن م عنده شقق كلها فلل اللي عنده اماكان غير يبلغني لاهنتو جالس افكر ب اقليز

انا مثلك ناوي اسافر ان شاءالله المغرب
بس اغلب الشباب محصورين على اماكن معينه او محدده
اكيد المغرب فيها اماكن شقق وفنادق يعرفها دائمي السفر على المغرب
اتمنى يعطونا تجاربهم

اشوف 3000 درهم على شقة ثلاث غرف معقولة جداً مقارنة بالوضع الأمني بالشقق برا ،
ممكن تحصل شقة برا بنص السعر لكن طول الوقت متقروش ومب مرتاح وقلق عساسين !
طبعاً كل واحد يمد رجوله على قد لحافه ، اذا 3000 ما تناسبك تقدر تشوف شقق برا أرخص من كذا ..

الحين عندكم الحل الأول وهو الروز جاردن وهو منتجع كامل فيه كل شيء بداخله ومتوفر

تقريباً وعندهم سكن 3 غرف وتقدر تشوف تفاصيل المنتجع في إعلانهم عندك فوق بالبنر

وإذا عجبك يصير تتواصل مع الأخ فيصل (أبو آدم) وتقول له طلبك وتتفاهم معاه على التفاصيل

من السعر اليومي والضرائب وكم خدامة محتاجين (لأن لو 24 ساعة محتاجين أكثر من خدامة)

والعربون وكيف تحول العربون له وتقول له مرسول من طرف عمر الفاسي وإن شاء الله ما راح

يقصر معاك وهذا رقم جوال فيصل 00212661396210

الحل الثاني هو تتواصل مع الأخت بسمه من وكالة نعمة وقول لها أنك من طرفي وهي راح

تشوف لكم سكن 3 غرف تجمعكم كلكم ونفس الشيء قول لها طلبكم وتفاهم معها على السعر

والضرائب والخدم والعربون وهذا رقم جوالها 00212674487717

الحل الثالث هو الأخت نادية وهي عندها شقق وفلل متنوعة بمختلف مناطق مراكش ونفس اللي

سبق وقلت لك عليهم قول طلبك وتفاهم معها على الجوال رقم 00212666163118

وسلم لي عليها وترا هي خدومة كثير ... وللمزيد من المعلومات شوف قسم العروض بالمنتدى

ورحلة سعيدة وتسافرون وترجعون بالسلامة وبالتوفيق

اخوي عمر كفيت وفيت الله يعطيك الصحه

انا مسافر 29/10 الى الان ماحصلت سكن من غرفتين وتكوم وعدد 2 حمام

هل اتصلت عليهم جميعاً
مع انه لازال فيه وقت كافي

مثل ما تفضل به المراقب سهم ... تواصل معهم فمازال الوقت مبكراً وراح تلقي اللي تبغى بسهولة وسلم لنا عليهم

الله يسلمك ويخليك اخوي سهم المنايا