اخوي استاجر سيارة من المطار و روح على مراكش و استاجر ليك شقة و مادام انك وحداني ما اعتقد انه فيه مشكله لو سكنت في قليز او اي شقة حول قليز و راح يكون سعرها من ٧٠٠ درهم الى ١٠٠٠ درهم و عندك ايضا برستيجيا مجمع سكني بس الاسعار فيه شويا فوق يعني يمكن ١٤٠٠ درهم (( ما عمري سكنت فيه )) ، و يمكنك تروح لاكادير لانها مو بعيده تقريبا ٢٠٠ كيلو و عليها شوي و نزل لك من برامج gps على جوالك و عش جوك.
نصيحتي الوحيده لك اذا سكنت في شقه لا تسبب صداع و احترم جيرانك و في السيارة خلك نظامي جدا و اعرف طيرك زين انه مو راعي مشاكل .
في مراكش اماكن كثيره تقدر تزورها منها ساحة الفناء و تتمشى في قليز و اماكن السهر فيها متنوعه و كثيره و فيه اللي جديد توه فاتح و فيه اللي معروف عند اغلب رواد المغرب مثل الياسمين ((( راح تلاقي عنوان موقع منتدانا مزاعيط المغرب على المدخل ))) و لا انسى ديسكو 555 و عندك ايضا كاش مكان راقي بس غالي .
بالنسبه للمطاعم عندك المطعم الخليجي لاخونا الشمري في قليز (( تلاقي ليه موضوع في المنتدى و قائمة بالاسعار و ايضا عندك مطعم فيروز على شارع محمد السادس عنده كبسات حلوه و ايضا عندك مخبز امون مكان حق حلويات و بريوات و شغلات كذا تاخذها معاك البيت تنقنق عليها بس تراه غويلي (( تلاقيه بعد ماكدوا اللي على طريق محمد السادس بعد الدوار و انت جاء من كازا على اليمين ))
و لا انسى ايضا مقهى bolo الظاهر اسمه كذا ((( راح اوصفه لك ،،،،،، و انت جاي من طريق محمد السادس بعد قصر الموتمرات تدخل يمين و اول تقاطع تروح يسار و راح تلاقيه في اخر الشارع ،،،،، على فكره اذا دخلت مع قصر الموتمرات و جاك حرف T و رحت يمين راح تلاقي ديسكو كاش ))
هذا اللي يحضرني الان و اتمنى ليك سفره حلوه
__________________
*** معذور لو صرت بك طماع ***