وصلت كاونتر المغربيه واعطيته الجواز والتذكره قال لي راح اخدمك خدمه حلوه بس لاتنسى اكراميتي قلت له والله على حسب قال راح اخلي عفشك مع عفش ركاب البسنس كلاس قلت حلو شكرا وقال راح اخليك قدام يكون عندك مساحه وانا على نيتي قلت مو مشكله اهم شي في البسنس كلاس قال لا انت ما اقدر احطك في البسنس كلاس هذي فيها مسائله جتني صدمه قلت الله اكبر صار العفش اهم يعني قال لا بس والله انت ما اقدر قلت اجل خذ اكراميتك من الشنطه انا مالي شغل هههههههههههههه
عفش مع عفش البسنس كلاس وللعفش حظوظ وعلى الصاله الداخليه رحت اشتري شريحة جوال اتصالات المغرب وبعدين على اقرب مقهى خذيت شاي ابي اصحصح شوي وجلست وطلعت جوالي وحطيت الشريحه وشحنته ب 50 درهم كفاني طول سفرتي وصرت انتظر ينادون ع الرحله وكل ما افتكرت العفش والبسنس كلاس افقع ضحك المهم نادو ع الرحله الساعه 16:00 ولمن نزلنا من الصاله رايحين ع الباص الا وواحد معاه باص صغير ومشغل اغاني ينادي يقول تعالو هنا معاي اوديكم للطياره انتم مايصير تروح في الباص العادي زحمه مرره قلت انا الله يستر منك بس والله فعلا باص صغير ومكيف واغاني مغربيه فله واخذبنا جوله في الساحه ووصلنا الطياره والباص الكبير لسه ما حرك قعدنا ننتظر لين جا ودخلنا الممر اللي يودي للطياره وجلسنا في مقاعدنا وبرضو الطياره فل اسيويين المهم اقلعت 16:45 متأخره ربع ساعه والساعه 17:30 وصلنا مدبنة الحب والجمال اكادير اااااااه يا هواها يرد الروح ويشفي القلب المجروح وبعدين دخلنا مطار المسيره ومرينا الجوازات عشان يتأكدون من الختم حركات تفقع الكبد المهم رحت جهة العفش واستلمت عفشي وعلى خارج المطار
يتبع :maroc (1044):
2015-10-21, 08:02 PM
المواضيع المتشابهه للموضوع: رحلة اغادير
العرض العادي
الدرهم المغربي مقابل عملات الخليج