الجزء الثالث
أنطلقنا إلى أكادير
بعد تمضية 3 ليالي جميلة في مراكش الحمراء
تقريبا المسافه ساعتين بالسياره والجو كان جدا جميل
لحظة وصولنا مدينة اكادير كان فيه تفتيش
لاحظنا خليجين وقال وقفوا على جنب
جا عندنا وشافنا كلنا رابطين الاحزمة وتحطم شوي
قال افتحوا الشنطة بيفتش وانزل معه لوحدي وهو يفتش
شاف كيسه فيه اربع بطول ويعطيني هالنظره
كأنه أول يشوف زي كذا
ويقول لي : احنا في بلد اسلامي انت كيف تسمح لنفسك تمشي فيها
قلت له : وانا شاريه من اسرائيل ..!
أنا شاريه من هنا
المهم كان يحاول يمين ويسار وطول معانا شوي وقلت له من الأخير دراهم انا ما اعطي احد ابدا
حزت بخاطره شوي
وقالي طيب ممكن اخذ البطل الي فيه شوي
قلت له افاااا وين مبدأك الي لك ساعه مشغلني فيه
مل مني وقالي سير اخويا
وصلنا الساعه 5:00 مساءا الرسبشن في أطلس مارينا
ووصلوا ضيوفنا من مراكش قبلنا بفتره بسيطه وكانوا بالاستقبال
وكان في استقبالنا الأخ حسن الي يشتغل مع محمد عاطي
لو الي يشتغلون بالسياحه بالمغرب
مثل هالشخصين كان المشاكل كلها اختفت
طبعا أنا كنت محول مبلغ الاقامه للخ حسن من قبل فتره ’ مثل ما ذكرت لكم بأول الصفحة
تشيك ان سريع ’ وأعطونا الكرت , العماره الثالثه شقه 2229
وهذي صوره من الصاله والفيو الجميل على المرسى :
ونتكلم عن أطلس مارينا شوي :
- أنا أشوف أفضل خيار بين الثلاثي ’ لأسباب كثيره أهمها دخول الأكل والمشروبات في أي وقت , وبعدين أنا جدامستغرب من فندق صحارى وأماديل يمنعون أدخل بالأكل !
وش هالقانون الي يجبر النزيل انه ما يأكل الا من أكل الفندق .! مافيه موقع لوزارة السياحه بالمغرب ونقدم عليهم شكوى
صدقوني لو ننشر الموضوع حتى منظمة حقوق الأنسان بتقف معنا
- سمعت قبل لا اوصل انه فيه تجديدات صارات وفيه واي فاي وكنت متحمس اشوفها , وفي الاخير التجديدات كانت الكنب والطاوله فقط والواي فاي ما يشتغل
- أحس موظفين أطلس مارينا مسوين مسابقه , من اسوء واحد يخدم
وحتى التنظيف اليومي , ما صاروا ينظفون كل يوم الا لما تبخشش الي ينظفون .
الي يميزه هالمكان الموقع الاستراتيجي ( المطاعم كلها حولك + الكافيهات + سكاي + الفيو الجميل )
إذا كنتم أكثر من شخص وراعين طرب
أفضل مكان بالنسبه لي أطلس مارينا
وإذا كنت لوحدك وما حولك ازعاج دلع عمرك بفندق رويال أطلس
ريحنا شوي واخذنا شور
وطلعنا نمشي على المارينا
وتعشينا عشاء جميل ورومانسي في أجواء بارده
ورجعنا للشقه واستعدينا للسهر في سكاي
ونتكلم عن سكاي شوي :
- مكاني المفضل للسهر في أكادير ,, سهرنا في أكادير 4 سهرات , 3 منها في سكاي ومره في مخيطو
- المكان صار فيه تجديد وصار أكبر .
- الاهداءات للاسف موجوده وزادت للاسف ولا يهون التنقيط
ما حاولت ابتعد عن سكاي حتى ما اقع في مكان سهر سيء علشان كذا كررت السهر في سكاي كذا مره , كنت افكر اجرب شهرزاد الي صحارى الافتر بارتي , للأسف ما حالفنا الحظ .
صوره لسكاي , طبعا في العصر بعد الغداء لازم الشيشه وأفضل شيشه سكاي بالنسبة لي بدون منازعه
بس جربها العصر مو وقت السهره :
جولدن بفندق أماديل لا بأس فيه ويميزه الفيو الارئع على البحر
أبرز المطاعم الي زرتها في أكادير :
Pure Passion
طلبت صحن Pure passion الخاص لشخصين مع شوربة الخضار والمشروبات
كان حسابي 600 درهم على ما اعتقد , ممتاز وراقي المطعم ويستحق الزيارة
القلعة
يا جماعه واحد يفهم المؤيد أنه يبيع رز ودجاج مو لحم غزلان
قطعة دجاج مع رز بـ 120 درهم يعني لو تطلب لـ 4 اشخاص 480 درهم
مع المقبلات والمشروبات والسلطات يوصل 800 درهم ..!
هذا المطعم الي يبيله مقاطعه
يعني لو انه سي فود كان مشيناها
بس رز ودجاج على هالأسعار هذي To Much
Dolce Caffe
مكاني المفضل للأفطار والقهوة أول ما اصحى
اخر يوم قررنا عدم السهر والنوم مبكرا
لأن الساعه 7 صباحا لازم نكون في طريقنا لمطار المسيرة للأقلاع إلى كازا
قررنا في ذاك اليوم فقط جلسة شيشه واتاي الى الساعه 11 ليلا وبعدها النوم لآن امامنا رحله
طويله ولازم نكون مستعدين لها .
اتجهنا إلى فندق صحارى , برغم أني أكره هذا الفندق ولا ارتاح له مع احترامي لزبائنه
جلسنا ساعتين في الخيمة وياليتنا ما جلسنا
كانت الطاولات شبه فاضيه ما في الاحنا و3 طاولات تقريبا
طاوله فيه بنات , وكان ما يوقفون اهداءات لطاوله أخرى فيها خليجيين
( احس انهم موجودين بالاتفاق مع ادارة صحارى لخداع صغار العقول علشان الاهداءات
)
والطاوله الي فيها خليجيين من يوم جلس وهو يرمي بمئات الدراهم
الي معه وسط ذهول موظفين صحاري , أول مره أشوف احد يرمي بالطريقه هذي
حتى المكان مو مكان سهر , وش راح يسوي هذا بالسهره ..!
وين عقلك يا رجل , حتى لو الله منعم عليك خاف يا رجل من عقوبته
فيه ناس مو قادره تأكل , لكن حسبي الله ونعم الوكيل , منظر كان سيء
وياليته كان سكران
كان نقول مو في عقله .
خرجنا واتجهنا للنوم , وفي الصباح الباكر ودعنا بعض
على أمل اللقاء مره
أخرى إن شاء الله , وانطلقنا لمطار المسيرة لرحلتنا من أكادير إلى كازا
وصلنا مطار محمد الخامس الساعه 10:00 صباحا استلمنا حقابئنا واتجهنا
للرحلات الدوليه شحنا الشنط واستلمنا البوردينغ
افطرنا في le tabel dumarche اعتقد هذا اسمه وانتظرنا على الواي فاي
لما نودي على رحلتنا على الخطوط القطرية وصباح الثلاثاء 2:00 وصلنا بحمدلله لآرض الوطن
ختاما :
- التقرير أخذ مني وقت
إن شاء الله يكون أعجبكم واستفدتوا منه ولو بشكل قليل , وبحكم أني حتى الأن في اجازتي قدرت أنتهي بشكل سريع الحمدلله .
- موضوع السكن في المغرب موضوع جدا حساس , نصيحة أخويه لا تروح للمغرب الا وأنت مجهز كل شيء حتى تحظى برحله ميسره وجميله .
- ابتعد عن اي سمسار , الأخوان في المنتدى ما قصروا من ناحيه الاعلانات المعتمدة للسكن أو لتأجير السيارات , احجز من عندهم فقط ووثق حجزك بالمنتدى وإن شاء الله أمورك في السليم .
- الي يطلب منك مبلغ مالي في المطار أو في الشارع بدون ما يقدم لك اي شيء , خليك قوي شخصيه ولا تعطيه ولا درهم ولو قالك بيفتش خله يفتش .
- اعرف تختار من يسافر معك , ولو ما حصلت أحد اطلع لوحدك وعش جوك , مو شرط يكون معك أحد , حاول تبتعد عن المشاكل قد ما تقدر وتذكر أنك في اجازه وجاي تستمع
إن شاء الله نلتقي بكم مره أخرى في تقرير أخر
والخطه القادمة ممكن تكون بين أكادير وطنجه فقط
بس حتى الأن ما حددت الوقت
المناسب ممكن تكون في شهر أبريل القادم
أعتذر عن الاطاله
واي استفسار أنا بالخدمة ..