تقول ذكرى
احذرك .. وارجووك
خلي الورد للشووق
وايش لك وايش لي بالهوى
ما هو لنا ارجوووووك
هذي حكايتي مع المغرب
بكل مره ازورها اشعر وكأنها المره الاولى
فيها شعور غريب يصيبني ... الى درجه اني اصل لمرحلة القناعه اني عايش في السعوديه
متبلد الاحساس .. التفاؤل .. الحياه
زرت المغرب الكثير ومن بعدي زارها بعض الزملاء ... واعجبني وصف اثنين خبووول
وكلا الوصفين يحكي عن الممر الي يصل بين الطياره والمطار
الاول يقول : لاجيت امشي في هالخرطوش(الممر) ويصفقني هوى كازا يجيني احساس بالروحانية والطمأنينة :biggrin:
اما الثاني يقول : هالخرطوش كأنه الصراط ومتجه للجنه :8:
هذي المقدمه
اما التفاصيل
فانا قضيت 3 اسابيع بالمغرب .. والمخطط كان اسبوعين فقط , وسبب التعديل راح يجيكم
اول 8 ايام قضيتها في العروس طنجه والسكن كان عن طريق الاخت نور الهدى .. هذا تعاملي الثالث معها
بعدها مراكش 6 ايام ... وهنا مرضت وراحت 6 ايام علي طريح الفراش بسبب مشاكل في الرئه بسبب
الصنف الطنجاوي الواعر ... الظاهر كنت اكله ما كنت اعمر بس :8:
لما اتى اليوم الي نتوجه فيه للمطار ضاع جواز خويي عند البابيلون بسبب فغارة سعيد وصلاح ..
بعد شد وجذب قررنا انا وخويي نكنسل الروحه ونتوجه للسفاره عشان يدبرونا بتذكرة عبور
لا اخفيكم في البداية كنا زعلانين ع الجواز وضياعه :busted_red:.. ولكن بعد التعمير صرنا نناظر لبعض ونضحك
وكأننا مبسوطين بضياع الجواز عشان نمدد :8:
وفي تلك الليلة كتبت هذا الموضوع بخصوص سكن الرباط ... وانتهينا بفندق ايبيس الي عند محطة القطار
وبنفس الليلة عن طريق احد الطيور الاوفياء دبر لنا شقة وارسل رقم الشغالة الي فيها واتفقنا معها
اننا نصبح عندها ونستلمها
اليوم الي بعد اتصل الفاغر سعيد وقال حصلنا الجواز مع واحد سعودي اعطيناه بالغلط جوازكم ...
هنا ميلنا الطاقية وبهالمناسبة قررنا تمديد اسبوع في الرباط :8:
اشكر كل من ساعدنا وسأل عنا واعطانا انذار في هالموضوع :8:
كل ما هنا .. اني كنت اقرا الردود وكتب رد طويل عريض ولما ارسل ما يطلع شي او جزء من الكلام
ما ادري هو من الجوال او مني ... والغالب الثانيه :8:
الان انا احدثكم من غرفتي في السعوديه واسمع اغنية ... سبت فراغ كبير .. وحالتي بالبلا :biggrin:
متشكر اوي للجميع