للنقاش فقط : فين تصرف فلوسك بالضبط غير....
 

السلام عليكم

استغرب من الناس اللي تصرف 40 ولا 50 ولا 60 ابي اعرف فين تصرف الفلوس هذه (من غير ذكر الاشياء السلبيه: بنات شراب سهره طاوله 5 الاف الخ)

اعرف واحد عزيز علي قعد اسبوعين هو وزميله سكن بفندق 5 نجوم في 3 مدن اغادير مراكش الدار البيضاء صرف حول ال16 فقط من غير تذاكر السفر طبعا وضعه صوفي ماله في الحرام ولا ديسكو ولا خرابيط

ابي اعرف ليش الناس تتفاخر انه سهر في مرقص ودفع على الطاوله مبلغ وقدره ولا اللي فرحان بالطيور ولا اللي يشرب ومسوي حزين هل الاشياء هذه تكبر الواحد؟ وليش اذا قلت لواحد رايح المغرب وماراح اسوي شي (صوفي) يعطيك ذيك النظره ويقولك مطفر؟ للاسف حال الاغلبيه كذا
عندي فلوس لا تخاف بس مين زرع الفكره العوجاء هذه؟

انا اجلس أسبوعين وسكن وسيارة وتذاكر وسهر وعصير وشغالة وكوفيهات وشبه يومي تمشيه وصرفي مايتعدى الـ ٢١ الف ريال

السهر فى اكثر من مكان و فتح الطاولات هى من يرفع التكلفه
فيه طاوله ب 1500 و فيه طاوله ب 7000 درهم
البذخ و التنقيط و الاكراميات ( مثلا التكلفه 1500 و الاكراميه الفين او ثلاثه) سلامات
شخصيا مصروفى فى اليوم 1500 ريال فى بعض الاحيان توصل الى 2000 اذا فيه رحلات بحريه او معازيم فى اماكن راقيه بمعنى اذا احتجت تصرف ما عنك مشكله لاكن با العقل
شكرا على طرح الموضوع

في الدراسات العلمية يؤخذ المتوسط دائما.لذا اذا هي تمشية وسياحه نظيفه فالمصروف اليومي بحدود150 دولار ..اما اذا هي سياحة الليل تقريبا500 دولار.انا هنا اتكلم عن المتوسط.. فيه ناس اقتصاديين وفيه ناس تصرف بشكل غير طبيعي نظر للمستوى اللي عايش فيه وهذولي قله. او مهايط واستعراض وهذولا كثير.
في المقابل قريت مره هنا لأحد الاشخاص بالمنتدى ويقول في مداخلته مااصرف في اليوم 600 درهم مغربي واثناء حديثه اتضح انه بخيييل ويعد البصل والطماط ويقصر على نفسه..
ختاما كل يمد رجليه على قد لحافه فيه ناس تسافر والرصيد مليااان هذا يصرف ويبذخ بلاحساب وفيه اللي يعد الايام عشان يجمع له كم قرش ويرجع وفيه اللي رايح يشوف البلد بس وبيشوف هالمغرب اللي اشغلت العالم ويهمه بسفره انه مايصرف كثير ..

دراستي الخاصه اثبتت ان اللي يبذخون هم المديونين واللي شغالين قروض .. اما الناس المرتاحه مادياً مايحتاج يثبت نفسه لاحد .. صرفيته معقوله جدا

اللي يسافر بالقروض والديون هذا إنسان بلا عقل ،، الله يحمينا وياكم من القروض وحاجة الناس ..

المفروض محد يسافر إلا من زايد
من جد ما عنده عقل الي يقترض عشان يسافر

تخيلوا والله اني ساكن ملك وموظف حكومي حمدلله واملاك موجوده ولله الحمد والمنه سافرت مرتين لاندونيسيا ومره لدبي وتركيا يجيك واحد يجيك واحد الله اعلم بحاله ويحقرك ويقولك بخيل هذا مايصرف ولا مايسافر لاوربا ليه تبغاني اصرف على اشياء ماابغاها كيف تتعامل مع هذه النوعيات رغم اني مقتدر ولله الحمد بس محطي حدود ومبالغ ماتاثر علي ولا تسبب لي ديون يعني مبلغ بسيط اصرفه وانبسط 20 الف وحولها ماتعديتها ابدا كيف تقول للشخص تراها سفر لاراحه النفس من الهموم والمشاكل مو الفشخره الكذابه

هذا الكلام السفر للترفية والرجوع للحياة والعمل أقوى مما كنت

نعم قلت الصحيح والمفيد والخلاصة من السفر